ନୂଆଦିଲ୍ଲୀ: କୃଷକମାନଙ୍କ ମଧ୍ୟରେ କିଷାନ କ୍ରେଡିଟ୍ କାର୍ଡ (KCC)ହେଉଛି ସବୁଠାରୁ ଲୋକପ୍ରିୟ ଯୋଜନା | କୃଷକମାନଙ୍କ ପାଇଁ ଲୋନ ପ୍ରକ୍ରିୟାକୁ ସରଳ କରିବା ଲକ୍ଷ୍ୟରେ ୧୯୯୮ ମସିହାରେ କେସିସି ଯୋଜନା ଆରମ୍ଭ କରାଯାଇଥିଲା। ଏଥିରେ କୃଷକମାନଙ୍କୁ କୃଷି ଉଦ୍ଦେଶ୍ୟରେ ଲୋନ ଦିଆଯାଏ | ଏହି ଯୋଜନାରେ କୃଷକମାନଙ୍କୁ ୪% ସୁଧ ହାରରେ ଋଣ ପ୍ରଦାନ କରାଯାଇଥାଏ | ଏହି ଯୋଜନାରେ ଆବେଦନକାରୀଙ୍କ ପାଇଁ ସର୍ବନିମ୍ନ ବୟସ ୧୮ ବର୍ଷ ଏବଂ ସର୍ବାଧିକ ବୟସ ସୀମା ନାହିଁ | ଏହି ଯୋଜନା ଅଧୀନରେ ସର୍ବାଧିକ ୩ଲକ୍ଷ ଟଙ୍କା ପର୍ଯ୍ୟନ୍ତ ଋଣ ନିଆଯାଇପାରିବ | ସର୍ବାଧିକ ଋଣର କାର୍ଯ୍ୟକାଳ ୫ ବର୍ଷ ଅଟେ | କିଷାନ କ୍ରେଡିଟ୍ କାର୍ଡର ବୈଧତା ମଧ୍ୟ ୫ବର୍ଷ |
ଏହା ପୂର୍ବରୁ କେସିସି ଲୋନରେ ୧.୬୦ଲକ୍ଷରୁ ଅଧିକ ଲୋନ ପାଇଁ ଗ୍ୟାରେଣ୍ଟି ଆବଶ୍ୟକ ହେଉଥିଲା | ବର୍ତ୍ତମାନ ଆରବିଆଇ ଗ୍ୟାରେଣ୍ଟି ମୁକ୍ତ ଋଣର ସୀମାକୁ ୨ଲକ୍ଷକୁ ବୃଦ୍ଧି କରିଛି । ଏହାର ଅର୍ଥ ଆପଣଙ୍କୁ ବିନା ଗ୍ୟାରେଣ୍ଟିରେ ୨ଲକ୍ଷ ଟଙ୍କା ପର୍ଯ୍ୟନ୍ତ ଲୋନ ପାଇଯିବେ |
କେସିସି ଲୋନ ପାଇଁ କିପରି ଆବେଦନ କରିବେ?
ଷ୍ଟେପ୍ ୧:ଆପଣ ଯେଉଁ ବ୍ୟାଙ୍କରୁ କିଷାନ କ୍ରେଡିଟ୍ କାର୍ଡ ସ୍କିମ୍ ପାଇଁ ଆବେଦନ କରିବାକୁ ଚାହୁଁଛନ୍ତି ସେହି ବ୍ୟାଙ୍କ ୱେବସାଇଟକୁ ଯାଆନ୍ତୁ |
ଷ୍ଟେପ୍ ୨: ଏଠାରେ ଆପଣ ବିକଳ୍ପ ତାଲିକାରୁ କିଷାନ କ୍ରେଡିଟ୍ କାର୍ଡ ଚୟନ କରନ୍ତି |
ଷ୍ଟେପ୍ ୩: ବର୍ତ୍ତମାନ ଆପ୍ଲାୟ କ୍ଲିକ୍ କରିବା ଉପରେ ୱେବସାଇଟ୍ ଆପଣଙ୍କୁ ଆପ୍ଲିକେସନ ପୃଷ୍ଠାକୁ ନେଇଯିବ |
ଷ୍ଟେପ୍ ୪: ଆବଶ୍ୟକୀୟ ବିବରଣୀ ସହିତ ଫର୍ମ ପୂରଣ କରନ୍ତୁ ଏବଂ ଦାଖଲ ଉପରେ କ୍ଲିକ୍ କରନ୍ତୁ |
ଷ୍ଟେପ୍ ୫: ବର୍ତ୍ତମାନ ଆପଣ ଏକ ଆପ୍ଲିକେସନ୍ ରେଫରେନ୍ସ ନମ୍ବର ପାଇବେ | ଯଦି ଆପଣ ଏହି ଯୋଜନା ପାଇଁ ଯୋଗ୍ୟ ଅଟନ୍ତି, ତେବେ ଆପଣଙ୍କୁ ବ୍ୟାଙ୍କ ୩ ରୁ ୪ ଦିନ ବ୍ୟାଙ୍କିଙ୍ଗ କାର୍ଯ୍ୟ ଦିବସ ମଧ୍ୟରେ ଯୋଗାଯୋଗ କରିବ |
ଏହି ଡକ୍ୟୁମେଣ୍ଟ ଗୁଡ଼ିକ ଆବଶ୍ୟକ:-
୧.ଆବେଦନ ଫର୍ମ
୨.ଦୁଇଟି ପାସପୋର୍ଟ ଆକାରର ଫଟୋ
୩.ଆଇଡି ପ୍ରମାଣ ଯେପରି- ଡ୍ରାଇଭିଂ ଲାଇସେନ୍ସ / ଆଧାର କାର୍ଡ / ଭୋଟର ଆଇଡି କାର୍ଡ / ପାସପୋର୍ଟ
୪:ଠିକଣା ପ୍ରମାଣ ଯେପରି- ଡ୍ରାଇଭିଂ ଲାଇସେନ୍ସ, ଆଧାର କାର୍ଡ
୫.ରାଜସ୍ୱ କର୍ତ୍ତୃପକ୍ଷଙ୍କ ଦ୍ବାରା ଉପଯୁକ୍ତ ପ୍ରମାଣିତ ଜମିର ପ୍ରମାଣ
୬. ଫସଲ ପାଟର୍ନ
୭. ୨ଲକ୍ଷରୁ ଅଧିକ ଋଣ ପାଇଁ ସୁରକ୍ଷା ଡକ୍ୟୁମେଣ୍ଟସ