ଭୁବନେଶ୍ବର:ଫିଟିକିରି ଏକ ପ୍ରାକୃତିକ ଭାବରେ ସୃଷ୍ଟି ହେଉଥିବା ଖଣିଜ ଯୌଗିକ, ଯାହା ଡବଲ୍ ସଲଫେଟ୍ ଲବଣରୁ ତିଆରି। ସ୍ଫଟିକ ଆକାରରେ ମିଳୁଥିବା ଫିଟିକିରି ରଙ୍ଗହୀନ କିମ୍ବା ଧଳା ହୋଇପାରେ। ଏହା ତ୍ୱଚା ଯତ୍ନରେ ଏକ ରାମବାଣ ପ୍ରମାଣିତ ହୋଇପାରେ । ତେବେ ଆମେ ଆପଣଙ୍କୁ କହିବାକୁ ଯାଉଛୁ ଯେ ମୁହଁର ମାଲିସ ପାଇଁ କେଉଁ ୨ଟି ଜିନିଷ ଫିଟିକିରି ସହିତ ମିଶ୍ରିତ ହେବା ଉଚିତ …
ଗୋଲାପ ଜଳ କିମ୍ବା ସାଧାରଣ ପାଣି ସହିତ ଫିଟିକିରି ପାଉଡର ମିଶାଇ ମୁହଁରେ ୧୦-୧୫ ମିନିଟ୍ ପାଇଁ ଫେସ୍ ମାସ୍କ ଭାବରେ ଲଗାନ୍ତୁ। ତା’ପରେ ସଫା ପାଣିରେ ଧୀରେ ଧୀରେ ମାଲିସ୍ କରି ପ୍ୟାକ୍ ସଫା କରନ୍ତୁ।
ସେହିପରି ୧ ଚାମଚ ଫିଟିକିରି ପାଉଡର, ୨ ଚାମଚ ମୁଲତାନି ମାଟି ଏବଂ ୧ ଚାମଚ କ୍ଷୀର ମିଶାନ୍ତୁ। ପ୍ୟାକ ପ୍ରସ୍ତୁତ ହୋଇଯିବ । ଏବେ ଏହାକୁ ଆପଣଙ୍କ ମୁହଁରେ ମାସ୍କ ଭାବରେ ଲଗାନ୍ତୁ। ଏହାକୁ ୧୫ ମିନିଟ୍ ପର୍ଯ୍ୟନ୍ତ ରଖନ୍ତୁ, ତା’ପରେ ଉଷୁମ ପାଣିରେ ମୁହଁକୁ ଧୋଇ ଦିଅନ୍ତୁ।
ଫିଟିକିରିର ଲାଭ
-ଫିଟିକିରିରେ ଆଣ୍ଟିବ୍ୟାକ୍ଟେରିଆଲ୍ ଗୁଣ ରହିଛି । ଏହା ବ୍ରଣ ଏବଂ ଦାଗ ପାଇଁ ଏକ ଉତ୍କୃଷ୍ଟ ଉପାୟ । ଏହା ପ୍ରଦାହ କମ କରିବାରେ, ବ୍ରଣ ସୃଷ୍ଟିକାରୀ ଜୀବାଣୁକୁ ମାରିବାରେ ଏବଂ ବ୍ରଣକୁ ହ୍ରାସ କରିବାରେ ସାହାଯ୍ୟ କରେ।
– ଫେସ୍ ର ଛିଦ୍ରଗୁଡ଼ିକୁ ସଙ୍କୁଚିତ କରିବାରେ ସାହାଯ୍ୟ କରେ ଫିଟିକିରି, ଯାହା ଫଳରେ ଫେସ୍ କ୍ଲିନ ରହେ ।
-ନିୟମିତ ଫିଟିକିରି ବ୍ୟବହାର ଚର୍ମର ରଙ୍ଗ ଏବଂ ଗଠନକୁ ଉନ୍ନତ କରିଥାଏ। ଏହା ମୃତ ଚର୍ମ କୋଷଗୁଡ଼ିକୁ ଦୂର କରିବାରେ ସାହାଯ୍ୟ କରେ ଏବଂ ପ୍ରାକୃତିକ ଚମକ ପ୍ରଦାନ କରେ।
– ଫିଟିକିରିର ଆଣ୍ଟି-ଇମ୍ଫ୍ଲେମାଟୋରି ଗୁଣ ଫେସ୍ ରେ ଲାଲଦାଗ କିମ୍ବା ଫୁଲା କମାଇବା ପାଇଁ ସାହାଯ୍ୟ କରେ ।
Comments are closed.