ଯାଜପୁର: ଯାଜପୁର ଅବକାରୀ ବିଭାଗକୁ ବଡ ସଫଳତା ମିଳିଛି । ଦଶରଥପୁର ଥାନା ପଲ୍ଲାସାହି ରେ ନକଲି ବିଦେଶୀ ମଦ ତିଆରି ବେଳେ ଚଢାଉ କରାଯାଇଛି । ଫଳରେ ୧୦୦ ବୋତଲ ନକଲି ବିଦେଶୀ ମଦ ଜବତ କରାଯାଇଛି । ଏବଂ ଏହି ଘଟଣାରେ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ରମେଶ ଚନ୍ଦ୍ର ବେହେରାଙ୍କ ପୁଅ ଇନ୍ଦ୍ରଜିତ ବେହେରା ବୋଲି ଜଣାପଡିଛି । ଇନ୍ଦ୍ରଜିତ ତାଙ୍କ ଘର ପଛ ବାଡିରେ ଖାଲି ବୋତଲ, ଠିପି ଓ ସିଲ ଆଣି ବିଭିନ୍ନ ପ୍ରକାରର ବିଦେଶୀ ମଦ ତିଆରି କରୁଥିଲେ ।
କୌଣସି ବିଶେଷ ସୂତ୍ରରୁ ଖବର ପାଇ ଯାଜପୁର ଅବକାରୀ ବିଭାଗ ଅବକାରୀ ଅଧିକ୍ଷକ ଅମରେନ୍ଦ୍ର ଜେନାଙ୍କ ନିର୍ଦ୍ଦେଶକ୍ରମେ ଅବକାରୀ ଅଧିକାରୀ ପ୍ରଦୀପ କୁମାର ରଥଙ୍କ ନେତୃତ୍ବରେ ଏକ ସ୍ଵତନ୍ତ୍ର ଟିମ ଗଠନ କରାଯାଇ ଚଢାଉ କରାଯାଇଥିଲା । ଫଳରେ ଘଟଣାସ୍ଥଳରୁ ମଦ ତିଆରି ସାମଗ୍ରୀ ସହ ଅଭିଯୁକ୍ତ ଇନ୍ଦ୍ରଜିତକୁ ଙ୍ଗିରଫ କରି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।
Comments are closed.