ୱାଶିଂଟନ: ଭାରତରୁ ଆମେରିକାରେ ପହଂଚିଲା ହାଇଡ୍ରୋକ୍ସି କ୍ଳୋରକୁଇନ୍ ଔଷଧ । କରୋନା ଉପଚାର ପାଇଁ ଏହି ଔଷଧକୁ ସମ୍ଭାବ୍ୟ ସଂଜିବନୀ ରୂପେ ଗ୍ରହଣ କରାଯାଇଛି । ଏଥିପାଇଁ ଚଳିତ ସପ୍ତାହରେ ଆମରେିକା ରାଷ୍ଟ୍ରପତିଙ୍କ ଅନୁରୋଧ କ୍ରମେ ଭାରତ ଆମେରିକାକୁ ହାଇଡ୍ରୋକ୍ସି କ୍ଲୋରକୁଇନ୍ର ୩୫.୮୨ ଲକ୍ଷ ମେଡିସିନ୍ ଯୋଗଇ ଦେବା ପାଇଁ ରାଜି ହୋଇଥିଲା । ତେବେ ଶନିବାର ଏହି ଔଷଧ ଆମେରିକାରେ ପହଂଚିଛି । ଏଥିସହ ଔଷଧ ଉତ୍ପାଦନ ପାଇଁ ଆବଶ୍ୟକ ୯ ଟନ ଫାର୍ମାସ୍ୟୁଟିକଲ ସାମଗ୍ରୀ ମଧ୍ୟ ପଠାଇଛି ଭାରତ ।
ଭାରତରୁ ପ୍ରଥମ ପର୍ଯ୍ୟାୟ ହାଇଡ୍ରୋକ୍ସି କ୍ଲୋରକୁଇନ୍ ଔଷଧ ନ୍ୟୁୟର୍କ ବିମାନମନ୍ଦରରେ ପହଂଚିଥିବା ନେଇ ଭାରତର ରାଷ୍ଟ୍ରଦୂତ ତରଣଜିତ ସିଂହ ସନ୍ଧୁ ଟ୍ୱିଟ୍ କରି ସୂଚନା ଦେଇଛନ୍ତି । ଆମେରିକୀୟ ଏହି ଔଷଧ ରପ୍ତାନିକୁ ସ୍ୱାଗତ ଜଣାଇଛନ୍ତି । ନ୍ୟୁୟର୍କରେ ରହୁଥିବା ରିୟଲ ଏଷ୍ଟେଟ ପରାମର୍ଶଦାତା ଏବଂ ଟ୍ରମ୍ପଙ୍କ ସମର୍ଥକ ଅଲ ମେସନ କହିଛନ୍ତି ଯେ, ଭାରତର ଏହି ମହାନ ମାନବୀୟ ସହଯୋଗକୁ ଆମେରିକା କେବେ ହେଲେ ଭୁଲିବନି ।
ଟ୍ରମ୍ପ ଗତ ସପ୍ତାହରେ ମୋଦିଙ୍କୁ ଫୋନ କରି ଆମେରିକାକୁ ହାଇଡ୍ରୋ କ୍ଲୋରୋକ୍ୱିନ ଔଷଧ ପଠାଇବା ପାଇଁ ଅନୁରୋଧ କରିଥିଲେ । ଏହାପରେ ଏପ୍ରିଲ ୭ ତାରିଖରେ ଏହି ଔଷଧ ରପ୍ତାନି ଉପରେ ଲାଗିଥିବା ପ୍ରତିବନ୍ଧକ ହଟାଇ ଦେଇଥିଲେ ।
Comments are closed.