ବିଶାଖାପଟନମ୍: କୋଳରେ ମାସକର ଶିଶୁ । କରୋନା ବିରୋଧରେ ଲଢ଼େଇ ପାଇଁ ଆଗେଇ ଆସିଛନ୍ତି ମା’ । ମହାମାରୀ ଭୂତାଣୁକୁ ମାତ୍ ଦେବାକୁ ସାଜିଛନ୍ତି ଯୋଦ୍ଧା । ଆଉ ଏହି ଯୋଦ୍ଧା ହେଲେ ବିଶାଖାପଟନମ୍ର ସୃଜନ ଗୁମ୍ମାଲ୍ଲା । ସେ ଜଣେ ଆଇଏଏସ୍ ଅଧିକାରୀ । ଆନ୍ଧ୍ରପ୍ରଦେଶର ଗ୍ରେଟର ବିଶାଖାପଟନମ୍ ମୁନିସପାଲ କର୍ପୋରେସନର କମିଶନର ଭାବେ ସେ କାମ କରନ୍ତି ।
ତେବେ ଏହି ସଂକଟ ସମୟରେ ୬ ମାସିଆ ମାତୃତ୍ୱ ଛୁଟି ନେଇ ନାହାନ୍ତି ସୃଜନ ଗୁମ୍ମାଲ୍ଲା । କୋଳରେ ମାସକର ଶିଶୁକୁ ଧରି ଚାଲିଆସିଛନ୍ତି ଆଗକୁ । କରୋନା ବିରୋଧ ଲଢ଼ିବାକୁ ସେ ଭିଡିଛନ୍ତି ଅଂଟା । ସପ୍ତାହ ହେବ ସେ ନିଜ ଛୁଆକୁ ଧରି କାମରେ ଯୋଗ ଦେଇଛନ୍ତି । ଅଫିସରେ କାମ କରୁଥିବା ବେଳେ ଛୁଆକୁ କେଳରେ ଧରିଥିବାର ତାଙ୍କ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
Comments are closed.