ଆଇଏପିଏମ୍ର ବାର୍ଷିକ ସମ୍ମିଳନୀ: ସମ୍ ହସ୍ପିଟାଲ୍ କ୍ୟାମ୍ପସ ୧ ଏବଂ ୨ରେ ଆୟୋଜିତ ହେଲା କର୍ମଶାଳା
ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ ସମ୍ ହସ୍ପିଟାଲ୍ ଭୁବନେଶ୍ୱର ପକ୍ଷରୁ ବୁଧବାର ୩ଟି ପ୍ରାକ୍-ସମ୍ମଳିନୀ କର୍ମଶାଳା ଆୟୋଜିତ ହୋଇଛି। ଇଣ୍ଡିଆନ୍ ଆସୋସିଏସନ୍ ଅଫ୍ ପାଥୋଲୋଜିଷ୍ଟସ ଆଣ୍ଡ ମାଇକ୍ରୋବାୟୋଲୋଜିଷ୍ଟସ (ଆଇଏପିଏମ୍) ଏବଂ ଇଣ୍ଡିଆନ୍ ଏକାଡେମୀ ଅଫ୍ ପାଥୋଲୋଜି- ଇଣ୍ଡିଆନ୍ ଡିଭିଜନ୍ (ଆଇଏପି-ଆଇଡି) ପକ୍ଷରୁ କଟକ ଏସ୍ସିବି ମେଡିକାଲ୍ କଲେଜରେ ଆୟୋଜିତ ହେବାକୁ ଥିବା ୭୨ତମ ବାର୍ଷିକ ସମ୍ମିଳନୀ ପରିପ୍ରେକ୍ଷୀରେ ଏହା ଆୟୋଜିତ ହୋଇଛି।
୨୦ ବର୍ଷ ପରେ ଓଡ଼ିଶାରେ ଏହି ସମ୍ମିଳନୀର ଆୟୋଜନ କରାଯାଉଛି। ସମ୍ ହସ୍ପିଟାଲ୍ରେ ଆୟୋଜିତ ପ୍ରଥମ ପ୍ରାକ୍-ସମ୍ମିଳନୀ କର୍ମଶାଳାର ବିଷୟବସ୍ତୁ ‘ଏ ପିକ୍ ଇନ୍ଟୁ ଦ ରେନ୍ ବକ୍ସ’ ରଖାଯାଇଥିଲା। କର୍ମଶାଳାରେ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ଡିନ୍ ଇନ୍ଚାର୍ଜ ପ୍ରଫେସର ସୌମ୍ୟ ରଞ୍ଜନ ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ଡାକ୍ତରୀ ପେସାରେ ଆଇନଗତ ଦିଗ ସମ୍ପର୍କରେ କହିଥିଲେ ।
ଏହି ଅବସରରେ ଆପୋଲୋ ହସ୍ପିଟାଲ୍ର ଡାକ୍ତର ମୀନାକ୍ଷୀ ସ୍ୱାଇଁ ଏବଂ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ପାଥୋଲୋଜି ବିଭାଗର ମୁଖ୍ୟ ପ୍ରଫେସର ଦେବାହୁତି ମହାପାତ୍ର ବକ୍ତବ୍ୟ ରଖିଥିଲେ। କର୍ମଶାଳାରେ କଳିଙ୍ଗ ହସ୍ପିଟାଲ୍ର ସିନିୟର କନ୍ସଲଟାଂଟ ଡାକ୍ତର ପ୍ରଦୀପ୍ତ ତ୍ରିପାଠୀ, ବେଙ୍ଗାଲୁରୁ ସ୍ଥିତ ନିମ୍ହାନ୍ସର ଡାକ୍ତର ଅନୀତା ମହାଦେବନ୍, ଡାକ୍ତର ଶିଳ୍ପା ରାଓ, ହାଇଦ୍ରାବାଦ ସ୍ଥିତ ଇଣ୍ଡୋ-ଆମେରିକାନ୍ କ୍ୟାନ୍ସର ଇନ୍ଷ୍ଟିଚ୍ୟୁଟ୍ର ଡାକ୍ତର ସି. ସୁନ୍ଦରମ୍, ଏମ୍ସ ଭୁବନେଶ୍ୱରର ଡାକ୍ତର ଶୁଭେନ୍ଦୁ ପୁରକାଇତ, ହାଇଦ୍ରାବାଦ ସ୍ଥିତ ନିମ୍ସର ଡାକ୍ତର ମେଘା ଉପିନ ଏବଂ ଲକ୍ଷ୍ନୌର ଆର୍ଏମ୍ଏଲ୍ଆଇଏମ୍ଏସ୍ର ଡାକ୍ତର ନୁଜହତ୍ ହୁସେନ୍ ଉପସ୍ଥିତ ରହି ଏହି ପ୍ରସଙ୍ଗରେ ଆଲୋକପାତ କରିଥିଲେ।
ସେହିପରି ଦ୍ୱିତୀୟ ପ୍ରାକ୍-ସମ୍ମିଳନୀ କର୍ମଶାଳାର ପ୍ରସଙ୍ଗ ‘ଇଭାଲୁଏସନ୍ ଅଫ୍ ବ୍ଲିଡିଙ୍ଗ୍ ଡିଜ୍ଅର୍ଡର୍ସ-ହ୍ୟାଣ୍ଡସ ଅନ୍ ଟ୍ରେନିଙ୍ଗ୍’ ରଖାଯାଇଥିଲା। କର୍ମଶାଳାରେ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ମେଡିକାଲ୍ ସୁପରିଟେଣ୍ଡେଂଟ ପ୍ରଫେସର (ଡାକ୍ତର) ପୁଷ୍ପରାଜ ସାମନ୍ତସିଂହାର ମୁଖ୍ୟ ଅତିଥି ଭାବେ ଯୋଗ ଦେଇ କର୍ମଶାଳାର ଗୁରୁତ୍ୱ ସମ୍ପର୍କରେ ଆଲୋକପାତ କରିଥିଲେ। କର୍ମଶାଳାକୁ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ଲାବୋରେଟୋରୀ ହେମାଟୋଲୋଜିର ପ୍ରଫେସର ରାଜେଶ କୁମାର ଭୋଳ ସଂଯୋଜନା କରିଥିଲେ।
ସେହିପରି ତୃତୀୟ ପ୍ରାକ୍-ସମ୍ମିଳନୀ କର୍ମଶାଳାର ପ୍ରସଙ୍ଗ ‘ ବେସିକ୍ସ ଅଫ୍ ମଲିକ୍ୟୁଲାର ଡାଏଗ୍ନୋଷ୍ଟିକ୍ସ’ ରଖାଯାଇଥିଲା। କର୍ମଶାଳାରେ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ମେଡିକାଲ୍ ସୁପରଟେଣ୍ଡେଂଟ ପ୍ରଫେସର ସାମନ୍ତସିଂହାର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଟିଏମ୍ସି କୋଲାକାତାର ଲାବୋରେଟୋରୀ ସର୍ଭିସେସ ବିଭାଗର ନିର୍ଦ୍ଦେଶକ କର୍ଣ୍ଣେଲ୍ ଦୀପକ କୁମାର ମିଶ୍ର କର୍ମଶାଳାକୁ ପରିଚାଳନା କରିଥିଲେ। ଏହି ତିନୋଟି କର୍ମଶାଳାରେ ପ୍ରାୟ ୩୦ ଜଣ ବିଶେଷଜ୍ଞ ସାମିଲ ହୋଇଥିଲେ ।
ସେହିପରି ଏହି ଜାତୀୟ ସମ୍ମିଳନୀ ପରିପ୍ରେକ୍ଷୀରେ ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ ସମ୍ ହସ୍ପିଟାଲ-୨ ଫୁଲନଖରା କ୍ୟାମ୍ପସ୍ ପରିସରରେ ମଧ୍ୟ ପାଥୋଲୋଜି ବିଭାଗ ପକ୍ଷରୁ ଏକ ପ୍ରାକ୍-ସମ୍ମିଳନୀ କର୍ମଶାଳା ଆୟୋଜିତ ହୋଇଥିଲା।
ଏହି କର୍ମଶାଳାର ପ୍ରସଙ୍ଗ ‘ ଇମ୍ୟୁନୋଫ୍ଲୁରେସେନ୍ସ ମାଇକ୍ରୋସ୍କୋପି’ ରଖାଯାଇଥିଲା। ଏହି କର୍ମଶାଳାରେ ହସ୍ପିଟାଲର ଆଡିସ୍ନାଲ୍ ମେଡିକାଲ ସୁପରିଟେଣ୍ଡେଂଟ ଡାକ୍ତର ସିଦ୍ଧାର୍ଥ ଗୌତମ ମୁଖ୍ୟ ଅତିଥି ଭାବେ ଯୋଗଦେଇ ପ୍ରସଂଶା କହିଥିଲେ ।
ବିଭିନ୍ନ ରୋଗ ପାଇଁ ସଠିକ୍ ଔଷଧର ଆବଶ୍ୟକତା ଥିବା ବେଳେ ରୋଗର ସଠିକ୍ କାରଣ ମଧ୍ୟ ନିରୂପଣ କରିବାର ଆବଶ୍ୟକତା ରହିଛି । ତେଣୁ ଏଭଳି କର୍ମଶାଳା କେବଳ ପାଥୋଲୋଜିଷ୍ଟ ନୁହଁନ୍ତି ମାତ୍ର ଡାକ୍ତରୀ ଛାତ୍ରଛାତ୍ରୀ ଏବଂ ରୋଗୀମାନଙ୍କ ପାଇଁ ମଧ୍ୟ ଲାଭଦାୟକ ହେବେ ବୋଲି ନିଜ ବକ୍ତବ୍ୟରେ ଡାକ୍ତର ଗୌତମ କହିଥିଲେ। ଆୟୋଜିତ କର୍ମଶାଳାରେ ଅନ୍ୟତମ ମୁଖ୍ୟ ଅତିଥି ଭାବେ ସ୍ତ୍ରୀ ରୋଗ ଓ ପ୍ରସୂତି ବିଭାଗର ମୁଖ୍ୟ ପ୍ରଫେସର (ଡାକ୍ତର) ତାପସୀ ପତି ଯୋଗ ଦେଇଥିଲେ। ପାଥୋଲୋଜି ବିଭାଗର ମୁଖ୍ୟ ପ୍ରଫେସର କେ. ମୋହିନୀ ରାଓ ସ୍ୱାଗତ ଭାଷଣ ପ୍ରଦାନ କରିଥିଲେ। ଏହି କର୍ମଶାଳାରେ ଓଡିଶା ସମେତ ଓଡିଶା ବାହାରୁ ୨୮ଜଣ ପ୍ରତିନିଧି ଯୋଗ ଦେଇଥିଲେ।
ମୁଖ୍ୟବକ୍ତା ଭାବେ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ-୧ ର ପାଥୋଲୋଜି ବିଭାଗର ପ୍ରଫେସର ନିବେଦିତା ସାହୁ, ହାଇଦ୍ରାବାଦ ସ୍ଥିତ କିମ୍ସର ପ୍ରଫେସର ଆଇ. ସତୀଶ ରାଓ, ମଣିପାଲ ହସ୍ପିଟାଲସର ହିଷ୍ଟୋପାଥୋଲୋଜିଷ୍ଟ ଓ ନେଫ୍ରୋପାଥୋଲୋଜିଷ୍ଟ ବିଭାଗର ସିନିୟର୍ କନସଲଟାଂଟ୍ ଡାକ୍ତର ନଚିକେତା ମହାପାତ୍ର ଓ ହାଇଟେକ୍ ମେଡିକାଲ୍ କଲେଜର ପ୍ରଫେସର ରଶ୍ମି ପଟ୍ଟନାୟକ ଯୋଗ ଦେଇଥିଲେ। ଶେଷରେ ହସ୍ପିଟାଲ୍ର ପାଥୋଲୋଜି ବିଭାଗ ପ୍ରଫେସର ସ୍ୱାଗତିକା ଅଗ୍ରୱାଲ୍ ଧନ୍ୟବାଦ ଦେଇଥିଲେ।