ମୁମ୍ବାଇ: ଆଇଏଏସ୍ ଅଧିକାରୀ ଟିନା ଡାବିଙ୍କ ଘରକୁ ଆସିଲା କୁନି ଅତିଥି । ସେ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ପୁରା ଘରେ ଏବେ ଖୁସିର ମାହୋଲ । ଟିନା ଜୟପୁରର ଏକ ଡାକ୍ତରଖାନାରେ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ପରିବାରରେ ଏକ ନୂଆ ଅତିଥିଙ୍କ ଆଗମନ ପରେ ଚାରିଆଡୁ ଶୁଭେଚ୍ଛାର ସୁଅ ଛୁଟୁଛି । ୨୦୨୨ ଜୁଲାଇ ମାସରେ ଟିନା ରାଜସ୍ଥାନ ଜୈସସଲମୈରର କଲେକ୍ଟର ଭାବେ ନିଯୁକ୍ତି ପାଇଥିଲେ ।
ଜୁଲାଇ ୫ରୁ ଟିନା ଡାବି ମ୍ୟାଟରନିଟି ଲିଭରେ ଥିବାରୁ ତାଙ୍କ ସ୍ଥାନରେ ୨୦୧୩ ବ୍ୟାଚର ଆଇଏଏସ୍ ଆଶିଷ ଗୁପ୍ତାଙ୍କ ଦାୟିତ୍ୱ ଦିଆଯାଇଥିଲା । ଗତକାଲି ସେ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ଗତ ବର୍ଷ ଏପ୍ରିଲ ମାସରେ ସେ ୨୦୧୩ ବ୍ୟାଚ୍ ର ଆଇଏଏସ୍ ଅଧିକାରୀ ପ୍ରଦୀପ ରାଓ୍ବାଣ୍ଡେଙ୍କୁ ବିବାହ କରିଥିଲେ । ପ୍ରଦୀପ ମହାରାଷ୍ଟ୍ର ଲାଟୁର ଜିଲ୍ଲାର ବାସୀନ୍ଦା । ସେ ୨୦୧୩ ବ୍ୟାଚ୍ ଆଇଏଏସ ଅଧିକାରୀ ।