ଭୁବନେଶ୍ୱର: ସଂକ୍ରମଣ ଆଶଙ୍କାରେ ଆଜି ଭୁବନେଶ୍ୱର ଆଇବି ଅଫିସକୁ ସିଲ୍ କରାଯାଇଛି । ସମସ୍ତ କର୍ମଚାରୀଙ୍କୁ ହୋମ୍ କ୍ୱାରେଂଟାଇନରେ ରହିବାକୁ ନିର୍ଦେଶ ଦିଆଯାଇଛି । କର୍ମଚାରୀଙ୍କ ରକ୍ତ ଏବଂ ସ୍ୱାବ ନମୁନା ପରୀକ୍ଷା ପାଇଁ ପଠାଯାଇଛି । ରିପୋର୍ଟ ଆସିବା ପରେ ପରବର୍ତୀ ନିଷ୍ପତି ନିଆଯିବ ।
ସ୍ୱାସ୍ଥ୍ୟ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ଭୁବନେଶ୍ୱର ସୂର୍ଯ୍ୟନଗର ଅଂଚଳର କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ ଭୁବନେଶ୍ୱର ଆଇବି ଅଫିସର ଜଣେ କର୍ମଚାରୀ । ଏହାପରେ ସମ୍ପୂର୍ଣ୍ଣ ଅଫିସକୁ ସିଲ୍ କରାଯାଇଛି । ଏବଂ କର୍ମଚାରୀଙ୍କୁ ହୋମ୍ କ୍ୱାରେଂଟାଇନରେ ପଠାଇଦିଆଯାଇଛି । ଆଇବି ଅଫିସ ବାହାରେ ପ୍ରଶାସନ ପକ୍ଷରୁ ନୋଟିସ ବି ଲଗାଯାଇଛି । ଯେଉଁଥିରେ ସ୍ପଷ୍ଟ ଭାବରେ ଉଲ୍ଲେଖ ରହିଛି ଯେ, ଆଜିଠାରୁ ୧୯ ତାରିଖ ଯାଏ ଇଂଟେଲିଜେନ୍ସ ବ୍ୟୁରୋ ଅଫିସ ବର୍ତମାନ ପ୍ରଶାସନର ନିରୀକ୍ଷଣରେ ଅଛି । ଏବଂ ଏହି ସମୟ ମଧ୍ୟରେ ଅଫିସକୁ ପ୍ରବେଶ ନିଷେଧ ।
Comments are closed.