ନୂଆଦିଲ୍ଲୀ: ଆଉ ମାତ୍ର ଦୁଇ ସପ୍ତାହ ପରେ ଆରମ୍ଭ ହେବାକୁ ଯାଉଛି ଆଇସିସି ଦିନିକିଆ ବିଶ୍ୱକପ୍ ୨୦୨୩ । ୧୨ ବର୍ଷ ପରେ ଭାରତକୁ ଫେରିଛି ଦିନିକିଆ ବିଶ୍ୱକପ୍ । ୫ ଅକ୍ଟୋବରରୁ ଆରମ୍ଭ ହେବାକୁ ଯାଉଥିବା ଏହି ଇଭେଣ୍ଟର ପ୍ରଥମ ଦିନରେ ଇଂଲଣ୍ଡକୁ ଭେଟିବ ନ୍ୟୁଜିଲ୍ୟାଣ୍ଡ | ଏନେଇ ପ୍ରସ୍ତୁତି ମଧ୍ୟ ଶେଷ ପର୍ଯ୍ୟାୟରେ । ଏହାରି ଭିତରେ ରିଲିଜ ହୋଇଛି ଆଇସିସି କ୍ରିକେଟ ବିଶ୍ୱକପ ୨୦୨୩ର ଆନ୍ଥେମ ‘ଦିଲ ଜଶନ ବୋଲେ’।
ଲୋକପ୍ରିୟ ସଂଗୀତକାର ପ୍ରୀତମଙ୍କ ଦ୍ୱାରା ଏହି ସଂଗୀତ ରଚନା କରାଯାଇଛି। ଆଇସିସି ସୋସିଆଲ ମିଡ଼ିଆ ପେଜ୍ ‘ଏକ୍ସ’ ରେ ଏହାର ଭିଡିଓ ଶେୟାର କରିଛି। ଏଥିରେ ବଲିଉଡର ଲୋକପ୍ରିୟ ଅଭିନେତା ରଣବୀର ସିଂ ଏବଂ ଗାୟକ ପ୍ରୀତମ ନଜର ଆସିଛନ୍ତି। ପ୍ରଶଂସକମାନେ ଏହି ସଂଗୀତକୁ ଖୁବ୍ ପସନ୍ଦ କରିଛନ୍ତି। ଭିଡିଓରେ ଅଂଶଗ୍ରହଣକାରୀ ସମସ୍ତ ୧୦ ଟି ଦେଶର ଜର୍ସି ପିନ୍ଧି ପ୍ରଶଂସକମାନେ ନଜର ଆସିଛନ୍ତି। ଅକ୍ଟୋବର ୫ରୁ ଭାରତରେ ଆୟୋଜିତ ହେବ ଏହି ମେଗା ଇଭେଣ୍ଟ, ଯେଉଁଥିରେ ସାମିଲ ହେବେ ୧୦ଟି ଦଳ।
Comments are closed.