Latest Odisha News

BREAKING NEWS

ପ୍ରଧାନମନ୍ତ୍ରୀ ମୋଦିଙ୍କ ବ୍ୟକ୍ତିଗତ ସଚିବ ଭାବେ ନିଧି ତିୱାରୀ ନିଯୁକ୍ତ

ନୂଆଦିଲ୍ଲୀ: ଆଇଏଫଏସ ନିଧି ତିୱାରୀଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ବ୍ୟକ୍ତିଗତ ସଚିବ ଭାବରେ ନିଯୁକ୍ତ କରାଯାଇଛି। ଏନେଇ ଡିପାର୍ଟମେଣ୍ଟ ଅଫ୍ ପର୍ସନାଲ ଏଣ୍ଡ ଟ୍ରେନିଂ ବିଭାଗ ପକ୍ଷରୁ ସୂଚନା ଦିଆଯାଇଛି।

ସେ ବାରଣାସୀର ବାସିନ୍ଦା ହୋଇଥିବା ବେଳେ  ୨୦୧୪ ବ୍ୟାଚର ବୈଦେଶିକ ସେବା ଅଧିକାରୀ ମଧ୍ୟ ଅଟନ୍ତି। ତେବେ ଏହି ନିର୍ଦ୍ଦେଶ ମାର୍ଚ୍ଚ ୨୯ରେ ଦିଆଯାଇଥିଲା। ଏହା ପୂର୍ବରୁ ନିଧି ତିୱାରୀ ୨୦୨୨ ମସିହାରେ ପିଏମଓରେ ଉପସଚିବ ଭାବେ ନିଯୁକ୍ତ ଥିଲେ ଓ ସେ ବୈଦେଶିକ ମନ୍ତ୍ରଣାଳୟରେ ଅନ୍ତର୍ଜାତୀୟ ସୁରକ୍ଷା ବ୍ୟାପାର ପାଇଁ ମଧ୍ୟ କାର୍ଯ୍ୟ କରିସାରିଛନ୍ତି।

ନିଧି ତିୱାରୀ ବ୍ୟକ୍ତିଗତ ସଚିବ ଭାବରେ ପ୍ରଧାନମନ୍ତ୍ରୀ ମୋଦିଙ୍କ ସମସ୍ତ କାର୍ଯ୍ୟକ୍ରମର ସମୟ, ବୈଠକ ଆୟୋଜନ ଏବଂ ସରକାରୀ ବିଭାଗଗୁଡ଼ିକ ସହିତ ଯୋଗାଯୋଗ ସମ୍ପର୍କିତ କାର୍ଯ୍ୟ ଦେଖାଶୁଣା କରିବେ।

ନିଧି ତିୱାରୀଙ୍କୁ ପ୍ରଧାନମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭାବରେ ନିଯୁକ୍ତି ମିଳିବା ପରେ ଏହା ମହିଳା ସଶକ୍ତିକରଣ ପାଇଁ ଏକ ସକାରାତ୍ମକ ବାତାବରଣ ସ୍ରୁଷ୍ଟି କରିବାରେ ସହାୟକ ହେବ। ତେବେ ନିଧି ତିୱାରୀଙ୍କ କାର୍ଯ୍ୟକୁ ଦୃଷ୍ଟିରେ ରଖି ତାଙ୍କୁ ଏହି ପଦୋନ୍ନତି ମିଳିଥିବା କୁହାଯାଇଛି।

 

Comments are closed.