ବାହାରିଲା JEE ଆଡ୍‌ଭାନ୍ସଡ ରେଜଲ୍ଟ; ହାଇଦ୍ରାବାଦ ଜୋନ୍‌ର ଭି.ସି ରେଡ୍ଡୀ ଟପ୍ପର

ନୂଆଦିଲ୍ଲୀ:  ଦ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଟେକ୍ନୋଲଜି ଆଇଆଇଟି ଗୁହାଟି ପକ୍ଷରୁ  JEE Advanced ୨୦୨୩ ରେଜଲ୍ଟ ଘୋଷଣା କରାଯାଇଛି । ଆଜି ସକାଳ ୯ଟାରେ ଫଳାଫଳ ଘୋଷଣା କରାଯାଇଥିବାବେଳେ ୱେବସାଇଟରେ ସକାଳ ୧୦ଟରାରେ ଲିଙ୍କ ଆକ୍ଟିଭେଟ କରାଯାଇଛି । 

    JEE ଆଡ୍‌ଭାନ୍ସଡ ପାଇଁ ୧,୮୦,୩୭୨ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥିରୁ ୪୩,୭୭୩ କୃତକାର୍ଯ୍ୟ  ହୋଇଛନ୍ତି ।  କୃତକାର୍ଯ୍ୟ  ହୋଇଥିବା ୪୩,୭୭୩ଙ୍କ ମଧ୍ୟରୁ ୭୫୦୯ ଜଣ ଅଛନ୍ତି ଛାତ୍ରୀ  । ହାଇଦ୍ରାବାଦ ଜୋନ୍‌ର ଭି.ସି ରେଡ୍ଡୀ ଟପ୍ପର ହୋଇଥିବା ଜଣାଯାଇଛି। ପରୀକ୍ଷା ଦେଇଥିବା ଛାତ୍ରାଛାତ୍ରୀ ସେମାନଙ୍କର ରେଜଲ୍ଟ ଅଫିସିଆଲ ୱେବସାଇଟ  jeeadv.ac.in.କୁ ଯାଇ ଦେଖିପାରିବେ । ଯେଉଁମାନେ JEE Advancedରେ   କୃତକାର୍ଯ୍ୟ ହୋଇଛନ୍ତି ସେମାନେ Joint Seat Allocation, JoSAA 2023 ପାଇଁ ନିଜ ନାମ ପଞ୍ଜୀକରଣ ଆରମ୍ଭ କରିବେ। Joint Seat Allocation ପାଇଁ ନାମ ପଞ୍ଜୀକରଣ ଜୁନ ୧୯,  ୨୦୨୩( ଅପରାହ୍ନ ୫ଟାରେ) ଆରମ୍ଭ ହେବ ।

JEE Advanced ରେଜଲ୍ଟ ପ୍ରକାଶ କରିବା ସହିତ ଆଇଆଇଟି ଗୁହାଟି ପକ୍ଷରୁ ଆଜି ପରୀକ୍ଷାର ଫାଇନାଲ ଆନ୍ସର କି ମଧ୍ୟ ପ୍ରକାଶ କରାଯାଇଛି ।