ନୂଆଦିଲ୍ଲୀ: ଚୀନ ଏବେ ତାହାର ଜେଡ୍-୧୦ଏମଇ-୦୨ ହେଲିକପ୍ଟର ପାକିସ୍ତାନ ପ୍ରଦାନ କରିଛି । ପାକିସ୍ତାନ ଆର୍ମି ଏଭିଏସନ୍ କର୍ପସ ଆନୁଷ୍ଠାନିକ ଭାବରେ ଜେଡ୍-୧୦ଏମଇ-୦୨ ଆକ୍ରମଣାତ୍ମକ ହେଲିକପ୍ଟରକୁ ଏହାର ଫ୍ଲିଟରେ ସାମିଲ କରିବା ଘୋଷଣା କରିଛି । ଅର୍ଥାତ୍, ବର୍ତ୍ତମାନ ପିଏଏ ଦଶନ୍ଧି ପରେ ତାର ପୁରୁଣା ବେଲ୍ ଏଏଚ-୧ଏଫ/ଏସ କୋବ୍ରା ହେଲିକପ୍ଟରକୁ ତାର ଫ୍ଲିଟରୁ ହଟାଇ ଚୀନ୍ ହେଲିକପ୍ଟରକୁ ସ୍ଥାନ ଦେଇଛି । ପାକିସ୍ତାନ ପୂର୍ବରୁ ଆମେରିକାରୁ ଏଏଚ-୧ଜେଡ୍ ଭାଇପର ଏବଂ ତୁର୍କୀର ଟି୧୨୯ବି ଆଟାକ୍ ହେଲିକପ୍ଟର କିଣିବାକୁ ଚେଷ୍ଟା କରିଥିଲା। କିନ୍ତୁ ପ୍ରତିବନ୍ଧକ ଯୋଗୁଁ ଉଭୟ ଚୁକ୍ତି ହୋଇପାରିଲା ନାହିଁ। ଆଉ ଏବେ ପାକିସ୍ତାନ ଚୀନ୍ ହେଲିକପ୍ଟର କିଣିଛି । ଏପରି କରି ଭାରତର ଉଡନ୍ତା ହିରୋ ଆପାଚୀକୁ ବଡ ଚ୍ୟାଲେଞ୍ଚ ଦେବାକୁ ପ୍ରୟାସ କରିଛି ପାକିସ୍ତାନ । ତେବେ ଆସନ୍ତୁ ଜାଣିବା କିଏ ବେଶୀ ଶକ୍ତିଶାଳୀ? ଚୀନର ଜେଡ୍-୧୦ଏମଇ ନା ଭାରତର ଆପାଚୀ ହେଲିକପ୍ଟର ।
ପାକିସ୍ତାନକୁ ମିଳିଲା ଜେଡ୍-୧୦ଏମଇ-୦୨
ଜେଡ୍-୧୦ଏମଇ-୦୨ ହେଉଛି ଚୀନର ଅସ୍ତ୍ରଶସ୍ତ୍ର ଫ୍ଲିଟରେ ସବୁଠାରୁ ଉନ୍ନତ ହେଲିକପ୍ଟର। ଚୀନ ପାଖରେ ଏହାଠାରୁ ଅଧିକ ଉନ୍ନତ କୌଣସି ହେଲିକପ୍ଟର ନାହିଁ । ଏହି ହେଲିକପ୍ଟରକୁ ଚୀନ୍ର ଚାଙ୍ଗେ ଏୟାରକ୍ରାଫ୍ଟ ଇଣ୍ଡଷ୍ଟ୍ରିଜ୍ କର୍ପୋରେସନ (CAIC) ଦ୍ୱାରା ବିକଶିତ କରାଯାଇଛି । ଜେଡ୍-୧୦ଏମଇ-୦୨ ଏକ ଡବଲ-ଇଞ୍ଜିନ୍ ହେଲିକପ୍ଟର, ରିପୋର୍ଟ ଅନୁଯାୟୀ ଏକ ୭.୨-ଟନ୍ ପ୍ଲାଟଫର୍ମ ଯାହାର ଲମ୍ବ ୧୪.୨ ମିଟର ଏବଂ ୧୫୦୦ କିଲୋଗ୍ରାମ ପେଲୋଡ୍ କ୍ଷମତା । ଚୀନ ଦାବି କରିଛି ଯେ ଜେଡ୍-୧୦ଏମଇ-୦୨ ହେଲିକପ୍ଟରରେ ଟ୍ୟାଙ୍କ ଆଣ୍ଟି-ଟ୍ୟାଙ୍କ ଗାଇଡେଡ୍ ମିସାଇଲ୍, ଲେଜର-ଗାଇଡେଡ୍ ରକେଟ୍, ଏୟାର-ଟୁ-ଏୟାର ମିସାଇଲ୍ ଏବଂ ସିଏମ-୫୦୧ଏକ୍ସ ପରି କ୍ଷୁଦ୍ର କ୍ରୁଜ୍ ମିସାଇଲ୍ ସଜ୍ଜିତ ହୋଇପାରିବ । ଅଣ-ଲାଇନ୍ ଅଫ୍ ସାଇଟ୍ (NLoS) କ୍ଷମତା ସହିତ ମିସାଇଲ୍ ମଧ୍ୟ ଏଥିରେ ଅନ୍ତର୍ଭୁକ୍ତ କରାଯାଇପାରିବ। ଜେଡ୍-୧୦ଏମଇ-୦୨ ରେ ଇଞ୍ଜିନ୍ ଇନଟେକ୍ ଫିଲ୍ଟ୍ରେସନ୍ ସିଷ୍ଟମ୍, ସିରାମିକ୍ ଆର୍ମର ପ୍ଲେଟିଂ, ଅପଗ୍ରେଡ୍ ଇଞ୍ଜିନ୍ ଏବଂ ଉନ୍ନତ ପ୍ରତିରକ୍ଷା ସହାୟତା ସୁଟ୍ ଲାଗିଛି । ଏହା ବ୍ୟତୀତ, ଏଥିରେ ରାଡାର ସତର୍କତା, ଲେଜର ସତର୍କତା, କ୍ଷେପଣାସ୍ତ୍ର ସତର୍କତା ପ୍ରଣାଳୀ ଏବଂ ଇଲେକ୍ଟ୍ରୋନିକ୍ ଜାମିଂ ଭଳି କ୍ଷମତା ରହିଛି, ଯାହା ଏହାକୁ ଶତ୍ରୁ ବାୟୁ ପ୍ରତିରକ୍ଷା ପ୍ରଣାଳୀରୁ ନିଜକୁ ରକ୍ଷା କରିବାରେ ସାହାଯ୍ୟ କରିବ ।
ଭାରତର ଏହି ଅସ୍ତ୍ର ସହ ତୁଳନା ହିଁ ନାହିଁ….
ଭାରତର ଆପାଚି ଏଏଚ-୬୪ଇ ଗାର୍ଡିଆନ୍ ଆକ୍ରମଣ ହେଲିକପ୍ଟର ହେଉଛି ଆମେରିକାର ସବୁଠାରୁ ଆଧୁନିକ ଯୁଦ୍ଧ ପ୍ଲାଟଫର୍ମ । ଭାରତ ଆମେରିକାରୁ ଏହାକୁ କିଣିଛି, ଯାହାକୁ ଏହାର ଧ୍ୱଂସକାରୀ କ୍ଷମତା ଯୋଗୁଁ ଉଡ଼ନ୍ତା ଟ୍ୟାଙ୍କ କୁହାଯାଏ। ଯାହାର ଯୁଦ୍ଧ କ୍ଷମତା ବିଶ୍ୱବ୍ୟାପୀ ପ୍ରମାଣିତ ହୋଇଛି । ଏହି ହେଲିକପ୍ଟରର ଓଜନ ପ୍ରାୟ ୧୦.୪ ଟନ୍ ଏବଂ ଏହାର ୨,୫୦୦ କିଲୋଗ୍ରାମରୁ ଅଧିକ ପେଲୋଡ୍ ଉଠାଇବାର କ୍ଷମତା ଅଛି । ଏହା ଘାତକ ଅସ୍ତ୍ର ଏବଂ ହେଲଫାୟାର ମିସାଇଲ୍, ହାଇଡ୍ରା ରକେଟ୍, ୩୦ ଏମଏମ ଚେନ୍ ଗନ୍ ଏବଂ ଲଙ୍ଗବୋ ରାଡାର ସିଷ୍ଟମ ଭଳି ସେନ୍ସର ସହିତ ସଜ୍ଜିତ । ଆପାଚି ବହୁତ କଷ୍ଟକର ପରିସ୍ଥିତିରେ କାମ କରିବା ବେଶ୍ ପରିଚିତ । ଏଥିରେ ଡୁଆଲ୍ ଇଞ୍ଜିନ୍, ଆଣ୍ଟି-କଲିଜନ ସିଷ୍ଟମ୍ ଏବଂ ଆଧୁନିକ ନାଇଟ୍ ଭିଜନ/ଟାର୍ଗେଟିଂ ସିଷ୍ଟମ୍ ଅଛି । ଜେଡ୍-୧୦ଏମଇ ଏହାର ସଠିକତା, ପେଲୋଡ୍ କ୍ଷମତା ଏବଂ ଯୁଦ୍ଧକ୍ଷେତ୍ରରେ ପ୍ରମାଣିତ ଟ୍ରାକ୍ ରେକର୍ଡ ଯୋଗୁଁ ପ୍ରଯୁକ୍ତିବିଦ୍ୟା ଏବଂ ନିର୍ଭରଯୋଗ୍ୟତା ଦୃଷ୍ଟିରୁ ଆଗକୁ ବୋଲି ବିବେଚନା କରାଯାଏ । ଏଥିସହିତ ଭାରତ ପାଖରେ ସ୍ୱଦେଶୀ ଏଲସିଏଚ ପ୍ରଚାଣ୍ଡ ହେଲିକପ୍ଟର ବି ଅଛି । ଯାହା ମୂହୂର୍ତ୍ତକରେ ଚୀନର ହେଲିପକ୍ଟରକୁ ମାଟିରେ ମିଶାଇବ । ଯାହା ବିଶେଷ ଭାବରେ ହିମାଳୟ ଅଞ୍ଚଳରେ କାର୍ଯ୍ୟ ପାଇଁ ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଛି । ଉଚ୍ଚ ପର୍ବତରେ ଏଲସିଏଚ ପ୍ରଚାଣ୍ଡ ଯେଉଁ ପ୍ରକାରର ପ୍ରଦର୍ଶନ କରିପାରିବ, ଚୀନ୍ ଜେଡ୍-୧୦ଏମଇ-୦୨ ହେଲିକପ୍ଟର କରିପାରିବ ନାହିଁ ।
Comments are closed.