କେନ୍ଦ୍ରାପଡ଼ା: ସମୁଦ୍ର ବେଳାଭୂମି ବୁଲିଯିବାକୁ ଡିକିନେଲା ସାଙ୍ଗ। ଦୁହେଁ ଖୁବ୍ ବୁଲିଲେ, ମଜାକଲେ। ହେଲେ ହଠାତ୍ ଭୁଜାଲି କାଢ଼ି ସାଙ୍ଗର ଯୌନାଙ୍ଗ କାଟିଦେଲା ସାଙ୍ଗ। ଏଭଳି ଘଟଣା ଘଟିଛି କେନ୍ଦ୍ରାପଡ଼ା ଜିଲ୍ଲା ରାଜନଗର ପେଣ୍ଠ ବେଳାଭୂମିରେ ଅଘଟଣ l ରକ୍ତାକ୍ତ ଅବସ୍ଥାରେ ବେଳାଭୂମିରେ ପଡିରହିଥିବା ପଟ୍ଟାମୁଣ୍ଡାଇ ବାଲିପାଟଣା ଗାଁର ଭାଗବତ ଦାସଙ୍କୁ ଗ୍ରାମବାସୀ ଉଦ୍ଧାର କରି ରାଜନଗର ମେଡିକାଲରେ ଭର୍ତ୍ତି କରିଥିଲେl
ସେଠାରେ ତାଙ୍କର ପ୍ରାଥମିକ ଚିକିତ୍ସା କରାଯାଇଥିଲା। ହେଲେ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ କଟକ ବଡ଼ମେଡିକାଲକୁ ସ୍ଥାନାନ୍ତର କରାଯାଇଛି। ମିଳିଥିବା ସୂଚନା ଅନୁସାରେ ଆଳି ଅଞ୍ଚଳର ଭାଗବତଙ୍କ ବନ୍ଧୁ ଅକ୍ଷୟ ରାଉତ ଏକ ଅଟୋଯୋଗେ ଭାଗବତଙ୍କ ପାଖରେ ପହଞ୍ଚି ପେଣ୍ଠ ବେଳାଭୂମି ବୁଲି ଯିବାକୁ ଡାକିନେଇଥିଲା l ସେଠାରେ ପହଞ୍ଚିବାପରେ ଦୁଇ ଜଣ ସାଙ୍ଗ ହୋଇ ବୁଲାବୁଲି କରିବା ସହ ସାଙ୍ଗରେ ନେଇଥିବା ଖାଦ୍ୟ ଖାଇ ଭାଗବତ ବିଶ୍ରାମ ନେଉଥିଲେ।
ଏହି ସମୟରେ ଅକ୍ଷୟ ପୂର୍ବ ଯୋଜନା ମୁତାବକ ଭୁଜାଲି ସାହାଯ୍ୟରେ ଭାଗବତଙ୍କ ଯୌନାଙ୍ଗକୁ ହାଣି ଅକ୍ଷୟ ଫେରାର ହୋଇଯାଇଥିଲାl ରକ୍ତ ଜୁଡୁବୁଡୁ ଅବସ୍ଥା ଭାଗବତ ତାଙ୍କ ଘରକୁ ଫୋନ କରିଥିଲେ l ଗାଁ ଲୋକେ ଭାଗବତଙ୍କୁ ଉଦ୍ଧାର କରି ପ୍ରଥମେ ପ୍ରାଥମିକ ଚିକିତ୍ସା ପରେ କଟକ ସ୍ଥାନାନ୍ତର କରାଯାଇଛି। ତେବେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିବା ବେଳେ ଅକ୍ଷୟକୁ ଧରିପାରି ନାହିଁ।
Comments are closed.