ମୁମ୍ବାଇ: ମୁମ୍ବାଇର ୱାଂଙ୍ଖେଡ଼େ ଷ୍ଟାଡ଼ିୟମରେ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ଆଜି ଅନୁଷ୍ଠିତ ହେଉଥିବା ନିର୍ଣ୍ଣାୟକ ଟି-୨୦ ମ୍ୟାଚରେ ଟିମ୍ ଇଣ୍ଡିଆ ଧୁଆଁଧାର ବ୍ୟାଟିଂ ପ୍ରଦର୍ଶନ କରିଛି । ଦୁର୍ଦ୍ଦଶ ଓପନର୍ ରୋହିତ ଶର୍ମା ଓ ଲୋକେଶ ରାହୁଲଙ୍କ ଦମଦାର ବ୍ୟାଟିଂ ପ୍ରଦର୍ଶନ ସାଙ୍ଗକୁ କପ୍ତାନ କୋହଲୀଙ୍କ ବିସ୍ଫୋରକ ବ୍ୟାଟିଂରେ ଭାରତ ୱେଷ୍ଟଇଣ୍ଡିଜ୍ ସମ୍ମୁଖରେ ଏକ ବିଶାଳ ସ୍କୋର ଛିଡ଼ା କରିପାରିଛି । ଭାରତ ୩ଟି ୱିକେଟ ବିନିମୟରେ କରିଛି ୨୪୦ ରନ ।
Innings Break!
An absolute run fest here at the Wankhede as #TeamIndia put up a stupendous total of 240/3 on the board, courtesy batting fireworks by Rohit (71), Rahul (91), Kohli (70*).@Paytm #INDvWI pic.twitter.com/O5t0SoWLoS
— BCCI (@BCCI) December 11, 2019
ଆଜି ଭାରତୀୟ ବ୍ୟାଟ୍ସମ୍ୟାନମାନେ ବିସ୍ଫୋରକ ବ୍ୟାଟିଂ କରି ସାରା ଷ୍ଟାଡ଼ିୟମରେ ଚହଳ ସୃଷ୍ଟି କରିଦେଇଥିଲେ । ଆଜି ଟିମ୍ ଇଣ୍ଡିଆ ଛକା ବର୍ଷି ଚାଲିଥିବା ବେଳେ ୱେଷ୍ଟଇଣ୍ଡିଜ୍ ବୋଲର୍ ନିଜକୁ ଅସହାୟ ମନେ କରୁଥିଲେ । ରୋହିତ ଶର୍ମା କୌଣସି ଦୟା ପ୍ରଦର୍ଶନ ନକରି ବୋଲରଙ୍କୁ ନିର୍ଘାତ ପିଟିଥିବାର ଦେଖାଯାଇଥିଲା । ସେ ୩୪ଟି ବଲରୁ ୫ଟି ବିଶାଳ ଛକା ଓ ୬ଟି ଚୌକା ସହିତ ୭୧ ରନ୍ ସଂଗ୍ରହ କରିଥିଲେ ।
ଅନ୍ୟତମ ଓପନର୍ ଲୋକେଶ୍ ରାହୁଲ୍ ୫୬ଟି ବଲରୁ ୪ଟି ଛକା ଓ ୯ଟି ଚୌକା ସହିତ କରିଥିଲେ ୯୧ ରନ ।
ଆଜି ବିରାଟ କୋହଲୀ ତାଙ୍କ ବିବାହ ବାର୍ଷିକୀ ପଡ଼ିଆରେ ପାଳିଥିବାର ଲାଗୁଥିଲା । ସେ କାରବିୟାନ ବୋଲରଙ୍କୁ ନିର୍ଦ୍ଦୟ ଭାବେ ପ୍ରହାର କରି ଚାଲିଥିଲେ । ବିରାଟ ମାତ୍ର ୨୯ଟି ବଲରୁ ୭ଟି ବିଶାଳକାୟ ଛକା ସହିତ କରିଥିଲେ ୭୦ ରନ୍ ।