ନୂଆଦିଲ୍ଲୀ: ଆମେରିକାର ପ୍ରସିଦ୍ଧ ସାପ୍ତାହିକ ପତ୍ରିକା ‘ନ୍ୟୁଜ୍ ୱିକ୍’ ସହିତ ହୋଇଥିବା ଏକ ସାକ୍ଷାତକାରରେ ପିଏମ ମୋଦୀ କହିଛନ୍ତି ଯେ, ଭାରତ ପାଇଁ ଚୀନ୍ ସହ ସମ୍ପର୍କ ଗୁରୁତ୍ୱପୂର୍ଣ୍ଣ ଅଟେ । ମୁଁ ଚାହୁଁଛି ଯେ, ଚୀନ ଏବଂ ଭାରତ ମଧ୍ୟରେ ଚାଲିଥିବା ସୀମା ବିବାଦକୁ ନେଇ ଆମର ପରସ୍ପର ସହିତ ଆଲୋଚନା କରିବା ଉଚିତ୍ । ଯାହା ଦ୍ଵାରା ଏହି ବିବାଦର ସମାପ୍ତ ହୋଇପାରିବ । ଭାରତ ଏବଂ ଚୀନ ମଧ୍ୟରେ ଥିବା ଏହି ବିବାଦ କେବଳ ଏହି ଦୁଇ ଦେଶ ପାଇଁ ନୁହେଁ ବରଂ ପୁରା ବିଶ୍ଵ ପାଇଁ ନିହାତି ଜରୁରୀ । ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ମୋର ବିଶ୍ଵାସ ଅଛି ଯେ କୂଟନୈତିକ ଏବଂ ସାମରିକ ସ୍ତରରେ ସକରାତ୍ମକ ତଥା ଗଠନମୂଳକ ଦ୍ୱିପାକ୍ଷିକ ଯୋଗଦାନ ମାଧ୍ୟମରେ ଆମେ ଆମର ସୀମାରେ ଶାନ୍ତି ଏବଂ ସ୍ଥିରତା ଫେରାଇ ଆଣିବାରେ ସକ୍ଷମ ହେବୁ ।
ପତ୍ରିକା ‘ନ୍ୟୁଜ୍ ୱିକ୍’କୁ ପ୍ରଧାନମନ୍ତ୍ରୀ ଦେଇଥିବା ଏକ ସ୍ଵତନ୍ତ୍ର ସାକ୍ଷାତକାରରେ ତାଙ୍କ ନେତୃତ୍ୱରେ ହୋଇଥିବା ଭାରତର ଆର୍ଥିକ ପ୍ରଗତି, ଭିତ୍ତିଭୂମି ବିକାଶ, ପରିବେଶ ସମସ୍ୟା, ଚୀନ୍ ସହ ଭାରତର ସମ୍ପର୍କ ବିଷୟରେ କହିଛନ୍ତି । ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଆମ ପାଖରେ ଆମର ପ୍ରତିଶ୍ରୁତି ପୂରଣ କରିବାର ଏକ ଉତ୍କୃଷ୍ଟ ଉପାୟ ରେକର୍ଡ ରହିଛି। ଏହା ଲୋକଙ୍କ ପାଇଁ ବହୁତବ ବପ କଥା, କାରଣ ସେ ସବୁବେଲେ ଏପରି ଅନେକ ପ୍ରତିଶ୍ରୁତି ଶୁଣୁଥିଲେ ଯାହାକୁ କେବେ ପୂରଣ କରାଯାଉନଥିଲା । ଆମ ସରକାର “ସବକା ସାଥ, ସବକା ବିକାଶ, ସବକା ବିଶ୍ୱାସ, ସବକା ପ୍ରୟାସ” ଉଦ୍ଦେଶ୍ୟରେ କାର୍ଯ୍ୟ କରିଛନ୍ତି ।
ସେ କହିଛନ୍ତି ଯେ ଲୋକମାନେ ନିଶ୍ଚିତ ଅଛନ୍ତି ଯେ, ଯଦି ଆମ କାର୍ଯ୍ୟକ୍ରମରୁ ଅନ୍ୟ କେହି ଉପକୃତ ହୋଇଛନ୍ତି, ତେବେ ଏହା ମଧ୍ୟ ସେମାନଙ୍କ ନିକଟରେ ପହଞ୍ଚିବ। ଲୋକମାନେ ଦେଖିଛନ୍ତି ଯେ, ଭାରତ ଏକାଦଶ ବୃହତ୍ତମ ଅର୍ଥନୀତିରୁ ପଞ୍ଚମ ବୃହତ୍ତମ ଅର୍ଥନୀତିକୁ ଚାଲିଆସିଛି। ବର୍ତ୍ତମାନ ଦେଶର ଆକାଂକ୍ଷା ହେଉଛି ଭାରତ ଶୀଘ୍ର ବିଶ୍ୱର ତୃତୀୟ ବୃହତ୍ତମ ଅର୍ଥନୀତି ହେବା ଉଚିତ୍।
Comments are closed.