ନୂଆଦିଲ୍ଲୀ:ଭାରତ-ଚୀନ ପୁନର୍ବାର ସୀମାରେ ମୁହାଁମୁହିଁ ହୋଇଛନ୍ତି । ଶାନ୍ତି ପ୍ର୍ରକ୍ରିୟା ନେଇ ବିଭିନ୍ନ ସ୍ତରରେ ଆଲୋଚନା ହେବା ସତ୍ୱେ ଚୀନ ତାର ବିଶ୍ୱାସଘାତକତା ପ୍ରବୃତିରୁ ବାହାରି ପାରୁ ନାହିଁ । ରିପୋର୍ଟ ମୁତାବକ ଲଦାଖର ପେଙ୍ଗାଙ୍ଗ ସେ ହ୍ରଦ ନିକଟରେ ଥିବା ସ୍ପାଙ୍ଗୁର ଗ୍ୟାପରେ ଚୀନ ସୈନ୍ୟ ସଂଖ୍ୟା ବୃଦ୍ଧି କରିବା ସହ ଯୁଦ୍ଧ ଉପକରଣ ଠୁଳ କରୁଛି । ଜବାବରେ ଭାରତ ମଧ୍ୟ ସମାନ ପଦକ୍ଷେପ ଗ୍ରହଣ କରିଛି ।
ଭାରତର ସ୍ୱତନ୍ତ୍ର ସେନା ଏସଏସଏଫ ଓ ଚୀନର ମିଲିସିଆ ସ୍କ୍ୱାଡ ମୁହାଁମୁହିଁ ଅଛନ୍ତି । ଉଭୟ ଦେଶ ପରସ୍ପରର ଫାୟାରିଂ ଦୂରତାରେ ରହିଥିବାରୁ କିଛି ବି ହୋଇପାରେ । ଭାରତୀୟ ସେନା ଏହି ଅଂଚଳର ସବୁଠାରୁ ଉଚ୍ଚ ଯାଗା ଅକ୍ତିଆରକୁ ଆଣିଥିବାରୁ ଚୀନ ବ୍ୟତୀବ୍ୟସ୍ତ ହୋଇପଡିଛି ।
Comments are closed.