ଆଜିଠୁ ପ୍ରଗତି ମଇଦାନରେ ଭାରତ ଆନ୍ତର୍ଜାତିକ ବାଣିଜ୍ୟ ମେଳା
ମେଳାରେ ଓଡିଶା ପାଭିଲିଅନ୍ରେ ସମୁଦାୟ ୨୪ଟି ଷ୍ଟଲ ସ୍ଥାନିତ ହେବ
ନୂଆଦିଲ୍ଲୀ: ନୂଆଦିଲ୍ଲୀର ପ୍ରଗତୀ ମୈଦାନରେ ଆଜିଠୁ ଆରମ୍ଭ ହେବାକୁ ଯାଉଛି ଭାରତ ଆନ୍ତର୍ଜାତିକ ବାଣିଜ୍ୟ ମେଳା । ଏହି ବାଣିଜ୍ୟ ମେଳାରେ ଓଡ଼ିଶା ପକ୍ଷରୁ ଏଥିରେ ଦେଖିବାକୁ ମିଳିବ ଓଡିଶାର ବିଭିନ୍ନ ଉତ୍ପାଦନ ତଥା କାରୁକାର୍ଯ୍ୟ। ଭାରତ ସରକାରଙ୍କ ଅଧିନସ୍ଥ ଆଇଟିପିଓ ଦ୍ବାରା ଆୟୋଜିତ ଏହି ଆନ୍ତର୍ଜାତିକ ମେଳାରେ ଓଡିଶାର ମିଲେଟ୍ ମିଶନ୍, କୋରାପୁଟ କଫି, ବୟନିକା ଓ ଉତ୍କଳିକା ସମେତ ଓରମାସର ଷ୍ଟଲ ସ୍ଥାନିତ ହୋଇଛି।
ଆଇଆଇଟିଏଫ୍ ମେଳା ଆଜିଠାରୁ ଆରମ୍ଭ ହୋଇ ୨୭ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ତେବେ ଏଥର୨୪ ନଭେମ୍ବରରେ ପାଳନ ହେବ ଓଡିଶାର ସ୍ବତନ୍ତ୍ର ସାଂସ୍କୃତିକ କାର୍ଯ୍ୟକ୍ରମ। ଉକ୍ତ ଦିନ ରାଜ୍ୟର ବିଭିନ୍ନ ସାଂସ୍କୃତିକ ଦଳ ପକ୍ଷରୁ କାର୍ଯ୍ୟକ୍ରମ ପରିବେଷଣ ହେବ। ମେଳାରେ ଓଡିଶା ପାଭିଲିଅନ୍ରେ ସମୁଦାୟ ୨୪ଟି ଷ୍ଟଲ ସ୍ଥାନିତ ହୋଇଛି ।
Comments are closed.