ନୂଆଦିଲ୍ଲୀ: ଗତ ସପ୍ତାହରେ ଭାରତରେ ନୂଆ କରୋନା ମାମଲାରେ ୧୩ ପ୍ରତିଶତ ହ୍ରାସ ହୋଇଥିଲା। କିନ୍ତୁ ତାଜା ସଂକ୍ରମଣ ସଂଖ୍ୟା ସାରା ବିଶ୍ୱରେ ସର୍ବାଧିକ ଥିଲା ବୋଲି ‘ହୁ’ କହିଛି।
ନୂତନ ମାମଲା ଏବଂ ମୃତ୍ୟୁ ସଂଖ୍ୟା ହ୍ରାସ ପାଇବାରେ ଲାଗିଛି। ମାତ୍ର ୪.୮ ନିୟୁତରୁ ଅଧିକ ନୂତନ ମାମଲା ଏବଂ ଗତ ସପ୍ତାହରେ ବିଶ୍ବ ସ୍ତରରେ ୮୬,୦୦୦ରୁ ଅଧିକ ନୂତନ ମୃତ୍ୟୁ ମାମଲା ରିପୋର୍ଟ ହୋଇଛି। ପୂର୍ବ ସପ୍ତାହ ତୁଳନାରେ ଯଥାକ୍ରମେ ୧୨ ଏବଂ ୫ ପ୍ରତିଶତ ହ୍ରାସ ପାଇଛି।
ତଥ୍ୟ ଅନୁଯାୟୀ ଭାରତରୁ ସର୍ବାଧିକ ସଂଖ୍ୟକ ନୂତନ ମାମଲା (୨,୩୮୭,୬୬୩) ରିପୋର୍ଟ ହୋଇଛି ଯାହା ପୂର୍ବ ସପ୍ତାହ ତୁଳନାରେ ୧୩ ପ୍ରତିଶତ ହ୍ରାସ ପାଇଛି।
ଏହା ପରେ ବ୍ରାଜିଲ (୪୩୭,୦୭୬ ନୂତନ ମାମଲା; ୩ ପ୍ରତିଶତ ବୃଦ୍ଧି), ଯୁକ୍ତରାଷ୍ଟ୍ର ଆମେରିକା (୨୩୫,୬୩୮ ନୂତନ ମାମଲା; ୨୧ ପ୍ରତିଶତ ହ୍ରାସ), ଆର୍ଜେଣ୍ଟିନା (୧୫୧,୩୩୨ ନୂତନ ମାମଲା; ୮ ପ୍ରତିଶତ ବୃଦ୍ଧି) ଏବଂ କଲମ୍ବିଆ (୧୧୫,୮୩୪ ନୂତନ ମାମଲା); ୬ ପ୍ରତିଶତ ବୃଦ୍ଧି)।