ସିଡନୀ ଟେଷ୍ଟ: ବିଜୟଠାରୁ ୩୦୯ ରନ୍ ପଛରେ ଟିମ୍ ଇଣ୍ଡିଆ

ସିଡନୀ: ଅଷ୍ଟ୍ରେଲିଆ ବିପକ୍ଷ ସିଡନୀ ଟେଷ୍ଟ ଜିତିବାକୁ ହେଲେ ଭାରତକୁ ଆଗରେ ଆହୁରି ୩୦୯ ରନ୍ ଦରକାର । ହାତରେ ଗୋଟିଏ ଦିନ ଖେଳ ବାକି ଅଛି । ଆଜି ଚତୁର୍ଥ ଦିନ ଖେଳ ଶେଷ ହୋଇଛି । ଷ୍ଟମ୍ପ ଅପସାରଣ ସୁଦ୍ଧା ଟିମ୍ ଇଣ୍ଡିଆ ଦୁଇ ଓ୍ୱିକେଟ ହରାଇ କରିଛି ୯୮ ରନ୍ । ଅପରାଜିତ ଅଛନ୍ତି ଚେତେଶ୍ୱର ପୂଜାରା ଓ ଅଧିନାୟକ ଆଜିଙ୍କ୍ୟ ରାହାଣେ ।

ଆଜି ଦ୍ୱିତୀୟ ଇନିଂସ ଆରମ୍ଭରୁ ରକ୍ଷଣାତ୍ମକ ଢଙ୍ଗରେ ଖେଳିଥିଲେ ଦୁଇ ଓପନର ରୋହିତ ଶର୍ମା ଓ ଶୁଭମନ ଗିଲ୍ । ତେବେ ବେଶୀ ସମୟ ତିଷ୍ଠି ପାରିଲେ ନାହଁ । ଶୁଭମନ୍ ଗିଲ୍ ୩୧ରନ୍ କରି ପାଭିଲନ୍ ଫେରିଥିଲେ । ଅର୍ଦ୍ଧାଶତକ ହାସଲ କରିଥିଲେ ରୋହିତ ଶର୍ମା । କିନ୍ତୁ ବ୍ୟକ୍ତିଗତ ସ୍କୋର ୫୨ରନରେ ଆଉଟ୍ ହୋଇଥିଲେ ।

ଅଷ୍ଟ୍ରେଲିଆ ଭାରତ ଆଗରେ ୪୦୭ ରନର ବିଜୟ ଲକ୍ଷ୍ୟ ଦେଇଛି । ଦ୍ୱିତୀୟ ଇନିଂସରେ ଘରୋଇ ଦଳ ୬ ଓ୍ୱିକେଟ ବିନିମୟରେ ୩୧୨ରନ୍ କରି ପାଳି ଘୋଷଣା କରିଥିଲା । ପ୍ରଥମ ଇନିଂସ ଅଗ୍ରଣୀ ଭିତ୍ତିରେ ଭାରତଠାରୁ ୪୦୬ରନରେ ଆଗରୁଆ ରହିଥିଲା କଙ୍ଗାରୁ ବାହିନୀ ।