ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ସଂଖ୍ୟା ହ୍ରାସ ପାଇଛି । ଅନ୍ୟପଟେ ଜାରି ରହିଛି କୋଭିଡ୍ ଟିକାକରଣ । ଗତ ୨୪ ଘଣ୍ଟାରେ ଦେଶରେ ୧୧ ହଜାର ୭୧୩ ଜଣ ନୂତନ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ୯୫ ଜଣଙ୍କ ମୃତ୍ୟୁ ହୋଇଥିବା ବେଳେ ୧୪ ହଜାର ୪୮୮ ଜଣ କରୋନାରୁ ସୁସ୍ଥ ହୋଇଛନ୍ତି । ଏବେ ଦେଶରେ ୧ ଲକ୍ଷ ୫୪ ହଜାର ୫୯୦ଟି କରୋନାର ସକ୍ରିୟ ସଂକ୍ରମିତ ମାମଲା ରହିଛି ।
India reports 11,713 new COVID-19 cases, 14,488 discharges, and 95 deaths in the last 24 hours, as per Union Health Ministry
Total cases: 1,08,14,304
Total discharges: 1,05,10,796
Death toll: 1,54,918
Active cases: 1,48,590Total Vaccination: 54,16,849 pic.twitter.com/twfgMgGrz8
— ANI (@ANI) February 6, 2021
ଅନ୍ୟପଟେ ଜାନୁଆରୀ ୧୬ରୁ ଆରମ୍ଭ ହୋଇଥିବା କୋଭିଡ୍ ଟିକାକରଣ ଜାରି ରହିଛି । ଶୁକ୍ରବାର ଗୋଟିଏ ଦିନରେ ରାତି ୭ଟା ସୁଦ୍ଧା ୩ ଲକ୍ଷ ୩୧ ହଜାର ୨୯ ଜଣଙ୍କୁ କରୋନା ଟିକା ଦିଆଯାଇଛି । ଏଯାବତ୍ ଦେଶରେ ମୋଟ ୫୪ ଲକ୍ଷ ୧୬ ହଜାର ୮୪୯ ଜଣଙ୍କୁ କରୋନା ଟିକା ଦିଆଯାଇଥିବା ନେଇ ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି ।
📍#COVID19 Vaccination Tracker
(upto 05th February, 2021 till 07:00 PM)✅All-India beneficiaries vaccinated: 3,31,029#We4Vaccine #LargestVaccinationDrive #Unite2FightCorona pic.twitter.com/GeiVr9Cxwk
— #IndiaFightsCorona (@COVIDNewsByMIB) February 6, 2021
ଟିକାକରଣ ପରେ ମୋଟ ୨୨ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ବିଗତ ୨୪ ଘଣ୍ଟାରେ ଜଣଙ୍କର ମୃତ୍ୟୁ ହୋଇଛି । ମୃତକ ଆଗ୍ରାର ୭୭ ବର୍ଷିଅ ପୁରୁଷ । ଟିକା ନେବାର ୭ ଦିନ ପରେ ଡାଏବେଟିସ୍ ଯୋଗୁଁ ତାଙ୍କର ମୃତ୍ୟୁ ହୋଇଥିବା କୁହାଯାଇଛି । ଭ୍ୟାକ୍ସିନ୍ ଯୋଗୁଁ କାହାର ବି ମୃତ୍ୟୁ ହୋଇନାହିଁ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ।