ନୂଆଦିଲ୍ଲୀ: ପହଲଗାମ ସମ୍ପର୍କିତ ଖବର ପ୍ରସାରଣକୁ ନେଇ ବିବିସିକୁ ଭାରତର ଚେତାବନୀ। ପାକିସ୍ତାନର ୧୬ ଚ୍ୟାନେଲ ବ୍ୟାନ୍ ସହ ବିବିସିକୁ ଚେତାବନୀ ଦେଇଛି ଭାରତ। ପହଲଗାମ ସମ୍ପର୍କିତ ଖବର ପ୍ରସାରଣକୁ ନେଇ ସତର୍କ କରାଇଲା ଭାରତ। ପକ୍ଷପାତୀ ଖବର ପ୍ରସାରଣକୁ ନେଇ ସତର୍କତା ଜାରି ହୋଇଛି।
ଆତଙ୍କବାଦୀଙ୍କ ପାଇଁ ‘ମିଲିଟାଣ୍ଟ’ ଶବ୍ଦ ବ୍ୟବହାରକୁ ଚେତାବନୀ ଦିଆଯାଇଛି। ଏନେଇ ବିବିସି ଭାରତ ମୁଖ୍ୟଙ୍କୁ ଚିଠି ଲେଖି ସତର୍କ କରାଇଲା ଭାରତ। ପହଲଗାମ ଆକ୍ରମଣ ପରେ, ଭାରତ ସରକାର ପାକିସ୍ତାନ ବିରୁଦ୍ଧରେ ଲଗାତାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି। ମୋଦି ସରକାର ଆଉ ଏକ କଠୋର ନିଷ୍ପତ୍ତି ନେଇଛନ୍ତି। ଏବେ କେନ୍ଦ୍ର ସରକାର ପାକିସ୍ତାନର ଅନେକ ବଡ଼ ୟୁଟ୍ୟୁବ୍ ଚ୍ୟାନେଲକୁ ବ୍ୟାନ୍ କରିଛନ୍ତି।
ଭାରତ, ଏହାର ସଶସ୍ତ୍ର ବାହିନୀ ଏବଂ ସୁରକ୍ଷା ଏଜେନ୍ସିଗୁଡ଼ିକ ବିରୁଦ୍ଧରେ ଉତ୍ତେଜନାପୂର୍ଣ୍ଣ, ମିଥ୍ୟା, ବିଭ୍ରାନ୍ତିକର ବିବୃତ୍ତି ଏବଂ ଭୁଲ ସୂଚନା ପ୍ରସାରଣକୁ ରୋକିବା ପାଇଁ ଗୃହ ମନ୍ତ୍ରଣାଳୟର ସୁପାରିଶ ଉପରେ ସରକାର ଏହି ନିଷ୍ପତ୍ତି ନେଇଛନ୍ତି। ଡନ୍ ନ୍ୟୁଜ୍, ସମା ଟିଭି, ଜିଓ ନ୍ୟୁଜ୍ ସମେତ ୧୬ଟି ପାକିସ୍ତାନୀ ୟୁଟ୍ୟୁବ୍ ଚ୍ୟାନେଲ୍ ଉପରେ ପ୍ରତିବନ୍ଧକ ଲଗାଯାଇଛି।
ସୋମବାର ଅଧିକାରୀମାନେ କହିଛନ୍ତି ଯେ ଭାରତ, ଏହାର ସାମରିକ ଏବଂ ସୁରକ୍ଷା ଏଜେନ୍ସି ବିରୁଦ୍ଧରେ ଉତ୍ତେଜନାପୂର୍ଣ୍ଣ ଏବଂ ସାମ୍ପ୍ରଦାୟିକ ଭାବରେ ସମ୍ବେଦନଶୀଳ ବିଷୟବସ୍ତୁ ପ୍ରସାରଣ କରିବା ସହିତ ମିଥ୍ୟା ଏବଂ ଭ୍ରମିତ ବୟାନ ପ୍ରସାରଣ କରିବା ଅଭିଯୋଗରେ କିଛି ଚ୍ୟାନେଲକୁ ବ୍ଲକ୍ କରାଯାଇଛି। ପହଲଗାମ ଦୁର୍ଘଟଣା ଉପରେ ରିପୋର୍ଟିଂରେ ଆତଙ୍କବାଦୀମାନଙ୍କୁ “ମିଲିଟାଣ୍ଟ” ବୋଲି କହିବାରୁ ସରକାର ବିବିସିକୁ ମଧ୍ୟ ଚେତାବନୀ ଦେଇଛନ୍ତି।
Comments are closed.