ନୂଆଦିଲ୍ଲୀ: ଭାରତୀୟ ହକି ଟିମ ଫାଇନାଲରେ ପାକିସ୍ତାନକୁ ହରାଇ ହକି ୫ଏସ ଏସିଆ କପ ବିଜେତା ସାଜିଛି । ଶନିବାର ଖେଳା ଯାଇଥିବା ଫାଇନାଲରେ ଉଭୟ ଟିମ ମଧ୍ୟରେ ସଂଘର୍ଷପୂର୍ଣ୍ଣ ମୁକାବିଲା ଦେଖିବାକୁ ମିଳିଥିଲା । ନିର୍ଦ୍ଧାରିତ ସମୟରେ ଉଭୟ ଟିମ ୪ଟି ଲେଖାଁଏ ଗୋଲ ସ୍କୋର କରିଥିଲେ । ପେନାଲ୍ଟି ଶୁଟଆଉଟରେ ଭାରତ ବାଜି ମାରିଥିଲା । ଓଭରାଲ ଭାରତ ୧୦-୪ରେ ବିଜୟୀ ହୋଇଥିଲା । ମାଲେସିଆକୁ ହରାଇ ଭାରତ ଏବଂ ଓମାନକୁ ପରାସ୍ତ କରି ପାକିସ୍ତାନ ଫାଇନାଲକୁ ଉନ୍ନୀତ ହୋଇଥିଲେ । ଏଥିସହ ଉଭୟ ଟିମ ହକି ୫ଏସର ବିଶ୍ୱକପ ପାଇଁ ଯୋଗ୍ୟତା ହାସଲ କରିଛନ୍ତି ।
ଗ୍ରୁପ ପର୍ଯ୍ୟାୟରେ ପାକିସ୍ତାନଠାରୁ ହାରିଥିବା ଟିମ ଇଣ୍ଡିଆ ଏହି ବିଜୟ ସହ ମଧୂର ପ୍ରତିଶୋଧ ନେଇପାରିଛି । ପାକିସ୍ତାନ ଗ୍ରୁପ ପର୍ଯ୍ୟାୟରେ ୧୩ ପଂଏଟ ସହ ଶୀର୍ଷରେ ଓ ଭାରତ ୧୨ ପଂଏଟ ହାସଲ କରି ଦ୍ୱିତୀୟ ସ୍ଥାନରେ ରହିଥିଲା । ସୂଚନାଯୋଗ୍ୟ ୫ଏସ ହକି ବିଶ୍ୱକପର ଏହା ପ୍ରଥମ ସଂସ୍କରଣ । ଆସନ୍ତା ବର୍ଷ ଓମାନରେ ବିଶ୍ୱକପ ଖେଳାଯିବ ।
Comments are closed.