ବିଶାଖାପାଟଣା: ଟିମ୍ ଇଣ୍ଡିଆ ବ୍ୟାଟ୍ସମ୍ୟାନଙ୍କ ବିସ୍ଫୋରକ ବ୍ୟାଟିଂ ଓ ବୋଲରଙ୍କ ନିଖୁଣ ବୋଲିଂ ଆଗରେ ହାର୍ ମାନିଛି ଦୁର୍ଦ୍ଦଶ ୱେଷ୍ଟଇଣ୍ଡିଜ୍ ଦଳ । ପ୍ରଥମ ଦିନିକିଆ ଜିତି ଦୃଢ ମନୋବଳ ହାସଲ କରିଥିବା ୱେଷ୍ଟଇଣ୍ଡିଜ୍ ଦଳକୁ ବିଶାଖାପାଟଣା ଦିନିକିଆରେ ଭାରତ ୧୦୭ ରନରେ ପରାସ୍ତ କରି ଶୃଙ୍ଖଳାକୁ ୧-୧ରେ ବରାବର ରଖିପାରିଛି ।
#TeamIndia beat West Indies by 107 runs in the 2nd ODI?#INDvWI pic.twitter.com/T1JpTbWAzm
— BCCI (@BCCI) December 18, 2019
ଆଜି କପ୍ତାନ ବିରାଟ କୋହଲୀଙ୍କ ଟିମ୍ ଇଣ୍ଡିଆ ୫୦ ଓଭରରେ ୫ ୱିକେଟ ହରାଇ କରିଥିଲା ୩୮୭ ରନର ବିଶାଳ ସ୍କୋର । ଓପନର୍ ରୋହିତ ଶର୍ମା ଆକର୍ଷଣୀୟ ୧୫୯ ରନ ଏବଂ କେ ଏଲ ରାହଲ କରିଥିଲେ ୧୦୨ ରନ । ସେହିପରି ରିଶଭ ପନ୍ଥ ଏବଂ ଶ୍ରେୟସ ଆୟାରଙ୍କ ବିସ୍ଫୋରକ ୫୩ ରନ ଓ ୩୯ ରନ ଭାରତ ଲାଗି ଉପଯୋଗୀ ସାବ୍ୟସ୍ତ ହୋଇଥିଲା ।
ଜିତିବାକୁ ୩୮୮ ରନର ଲକ୍ଷ୍ୟ ନେଇ ୱେଷ୍ଟଇଣ୍ଡିଜ୍ ଦଳ ୪୩.୩ ଓଭରରେ ମାତ୍ର ୨୮୦ ରନ୍ କରିବାକୁ ସକ୍ଷମ ହୋଇପାରିଥିଲା ।
ଭାରତୀୟ ବୋଲର୍ ଏହି ମ୍ୟାଚରେ ହ୍ୟାଟ୍ରିକ୍ ହାସଲ କରିବା ଫଳରେ ୱେଷ୍ଟଇଣ୍ଡିଜ ଦଳ ଶିଘ୍ର ପରାଜୟର ସମ୍ମୁଖୀନ ହୋଇଥିଲା । ଏହି ମ୍ୟାଚରେ ମହମ୍ମଦ ସାମି ୩ଟି, ରବୀନ୍ଦ୍ର ଜାଡ଼େଜା ୨ଟି ଏବଂ ଶାର୍ଦ୍ଦୁଲ୍ ଠାକୁର ଗୋଟିଏ ୱିକେଟ ହାସଲ କରିପାରିଥିଲେ ।
ୱେଷ୍ଟଇଣ୍ଡିଜ୍ ପକ୍ଷରୁ ହୋପ୍ ୭୮, ପୁରଣ ୭୫ ରନ ଏବଂ ପଲ୍ ୪୬ ରନ କରିପାରିଥିଲେ ।
ରୋହିତ ଶର୍ମା ‘ମ୍ୟାନ ଅଫ ଦି ମ୍ୟାଚ୍’ ପୁରସ୍କାର ହାସଲ କରିଛନ୍ତି ।
ଏବେ ଶୃଙ୍ଖଳା ୧-୧ରେ ବରାବର ରହିଥିବା ବେଳେ ଉଭୟ ଦଳ ଆସନ୍ତା ୨୨ ତାରିଖ କଟକର ବାରବାଟୀରେ ହେବାକୁ ଥିବା ମ୍ୟାଚ୍ ଜିତି ସିରିଜ୍ ହାସଲ କରିବା ଲକ୍ଷ୍ୟରେ ରହିଛନ୍ତି ।