ନୂଆଦିଲ୍ଲୀ: କରୋନା ଭୂତାଣୁ ମୁକାବିଲା ପାଇଁ ଭାରତୀୟ ରେଲୱେ ଆଗକୁ ଆସିଛି । ଟ୍ରେନ୍ ବଗି ଭିତରେ ତିଆରି ହୋଇଛି ଆଇସୋଲେସନ ୱାର୍ଡ । ସାରା ଦେଶରେ ଏବେ ଲକ୍ ଡାଉନ୍ ଚାଲିଥିବା ବେଳେ ଟ୍ରେନ୍ ବଗିକୁ ସରକାର ଆଇସୋଲେସନ୍ ୱାର୍ଡରେ ପରିଣତ କରିବା ପାଇଁ ନିଷ୍ପତ୍ତି ନେଇଛନ୍ତି । ପ୍ରଥମ ପର୍ଯ୍ୟାୟରେ ଗୋଟିଏ ଟ୍ରେନ୍କୁ ଆଇସୋଲେସନ୍ ୱାର୍ଡରେ ପରିଣତ କରାଯାଇଛି ।
ଦକ୍ଷିଣ ରେଲୱେର ଜଗଧାରୀ ୱାର୍କସପ୍ରେ ଥିବା ପ୍ରାୟ ୨୮ଟି ବଗିକୁ ଆଇସୋଲେସନ ୱାର୍ଡରେ ପରିଣତ କରାଯାଇଥିବା ସୂଚନା ମିଳିଛି । ଯେଉଁ ଅଞ୍ଚଳରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବ ସେହି ଅଞ୍ଚଳରେ ଟ୍ରେନ ଗୁଡ଼ିକୁ ସ୍ଥାନାନ୍ତର କରାଯାଇ ଲୋକଙ୍କୁ ସୁବିଧା ପ୍ରଦାନ କରାଯିବ । ଏନେଇ ନିଜେ ରେଳମନ୍ତ୍ରୀ ପିୟୁଷ ଗୋୟଲ ସୂଚନା ଦେଇଛନ୍ତି ।
ଯଦି ଆବଶ୍ୟକ ପଡେ ତେବେ ଏଭଳି ପାଖାପାଖି ୩ ଲକ୍ଷ ଆସୋଲେସନ୍ ୱାର୍ଡ ତିଆରି କରାଯାଇ ପାରିବ । ପ୍ରଥମ ପର୍ଯ୍ୟାୟରେ ନନ୍ ଏସି କୋଚ୍ଗୁଡିକୁ ଆଇସୋଲେସନ ୱାର୍ଡରେ ପରିବର୍ତ୍ତନ କରାଯାଇଛି ।
Comments are closed.