ଦୁବାଇ: ଜଣେ ଭାରତୀୟ ଛାତ୍ରକୁ ମିଳିଛି ୧୦ ବର୍ଷ ପାଇଁ ୟୁଏଇର ଗୋଲଡେନ୍ ଭିସା। ଯାହା ମୁଖ୍ୟତ ବିଶ୍ୱସ୍ତରୀୟ ବ୍ୟକ୍ତିତ୍ୱଙ୍କ ପାଇଁ ସଂରକ୍ଷିତ ରହିଥାଏ।
ରିପୋର୍ଟ ଅନୁଯାୟୀ ଏହି ଭିସା କେରଳର ତସ୍ନିମ୍ ଅସଲାମଙ୍କୁ ମିଳିଛି। ସେ ଛାତ୍ର ବର୍ଗରେ ଗୋଲଡେନ ଭିସା ଗ୍ରହଣ କରିଛନ୍ତି ଏବଂ ତାଙ୍କୁ ୨୦୩୧ ପର୍ଯ୍ୟନ୍ତ ଦେଶରେ ରହିବାକୁ ଅନୁମତି ଦିଆଯାଇଛି।
ୟୁଏଇ ସରକାର ୨୦୧୯ରେ ଦୀର୍ଘମିଆଦୀ ଆବାସ ଭିସା ପାଇଁ ଏକ ନୂତନ ବ୍ୟବସ୍ଥା ଲାଗୁ କରି ବିଦେଶୀମାନଙ୍କୁ ୟୁଏଇରେ ରହିବାକୁ, କାର୍ଯ୍ୟ କରିବାକୁ ଏବଂ ଜାତୀୟ ପୃଷ୍ଠପୋଷକଙ୍କ ଆବଶ୍ୟକତା ବିନା ଅଧ୍ୟୟନ କରିବାକୁ ସକ୍ଷମ କରିଥିଲେ।
ଏହି ଗୋଲ୍ଡେନ୍ ଭିସା ପାଞ୍ଚ କିମ୍ବା ୧୦ ବର୍ଷ ପାଇଁ ପ୍ରଦାନ କରାଯାଇଥାଏ ଏବଂ ସ୍ୱୟଂଚାଳିତ ଭାବରେ ନବୀକରଣ ହୋଇଥାଏ।
“ଏହା ମୋ ଜୀବନର ସର୍ବୋତ୍ତମ ମୁହୂର୍ତ୍ତ ମଧ୍ୟରୁ ଗୋଟିଏ। ମୁଁ ଏହା ହାସଲ କରିଥିବାରୁ ଭାଗ୍ୟବାନ ମନେ କରୁଛି ଏବଂ ମୁଁ ଆଲ୍ଲାଙ୍କୁ ଧନ୍ୟବାଦ ଦେଉଛି। ଏଥିପାଇଁ ମୋର ପିତାମାତାଙ୍କ ଅନେକ ସମର୍ଥନ ଥିଲା ବୋଲି କହିଛନ୍ତି ତସ୍ନିମ୍।”
ସାଧାରଣତଃ ,, ୧୦ ବର୍ଷର ଗୋଲ୍ଡେନ୍ ଭିସା ଧନୀ ବ୍ୟକ୍ତିବିଶେଷଙ୍କୁ ପ୍ରଦାନ କରାଯାଇଥାଏ। ଉଦ୍ୟୋଗୀ ବ୍ୟତୀତ ଡାକ୍ତର, ଅନୁସନ୍ଧାନକାରୀ, ବୈଜ୍ଞାନିକ ଏବଂ କଳାକାରଙ୍କ ପରି ବିଶେଷ ପ୍ରତିଭା ଥିବା ବ୍ୟକ୍ତିମାନେ ମଧ୍ୟ ଭିସା ପାଇଁ ଆବେଦନ କରିପାରିବେ।
ୟୁଏଇରେ ୫ ବର୍ଷର ରେସିଡେନ୍ସି ଭିସା ପାଇଁ ସ୍ୱତନ୍ତ୍ର ହାଇସ୍କୁଲ ଏବଂ ବିଶ୍ୱବିଦ୍ୟାଳୟର ଛାତ୍ରଛାତ୍ରୀ ଯୋଗ୍ୟ ହୋଇଥାନ୍ତି।
Comments are closed.