ନୂଆଦିଲ୍ଲୀ: ଦେଶରେ କମୁଛି କରୋନା କାୟା । ଦୈନିକ ସଂକ୍ରମିତଙ୍କ ସଂଖ୍ୟା ୫୦ ହଜାରରୁ କମ୍ ରହିଛି । ଆକ୍ରାନ୍ତଙ୍କ ଅପେକ୍ଷା ଏବେ ପ୍ରତିଦିନ ଅଧିକ ଲୋକ ହସ୍ପିଟାଲରୁ ଡିସଚାର୍ଜ ହେଉଛନ୍ତି । ଗତ ୨୪ ଘଣ୍ଟାରେ ସାରା ଦେଶରେ କରୋନା ସଂକ୍ରମିତ ହୋଇଛନ୍ତି ୪୮ ହଜାର ୨୬୮ ଜଣ । କିନ୍ତୁ ଆରୋଗ୍ୟ ଲାଭ କରିଛନ୍ତି ୫୯ ହଜାର ୪୫୪ ଆକ୍ରାନ୍ତ ।
ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୮୧ ଲକ୍ଷ ୩୭ ହଜାର ୧୧୯କୁ ବୃଦ୍ଧି ପାଇଛି । ବର୍ତ୍ତମାନ ସୁଦ୍ଧା କରୋନାରୁ ସୁସ୍ଥ ହୋଇଛନ୍ତି ୭୪ ଲକ୍ଷ ୩୨ ହଜାର ୮୨୯ ଜଣ । ଦେଶରେ ସୁସ୍ଥ ହାର ରହିଛି ୯୧.୩୪% ।
ସେହିପରି ଗତ ୨୪ ଘଣ୍ଟାରେ କରୋନା ନେଇଛି ଆଉ ୫୫୧ ଜୀବନ । ଏଯାଏ ମହାମାରୀରେ ୧ ଲକ୍ଷ ୨୧ ହଜାର ୬୪୧ ଆକ୍ରାନ୍ତ ମୃତ୍ୟୁବରଣ କଲେଣି । ଦେଶରେ ମୃତ୍ୟୁହାର ରହିଛି ୧.୪୯% । ଅଧିକ ଲୋକ ସୁସ୍ଥ ହେଉଥିବାରୁ ଦେଶରେ ଆକ୍ଟିଭ୍ କେସ୍ କମିଛି । ବର୍ତ୍ତମାନ ଚିକିତ୍ସାଧୀନ ଅଛନ୍ତି ୫ ଲକ୍ଷ ୮୨ ହଜାର ୬୪୯ ସଂକ୍ରମିତ ।
Comments are closed.