ନୂଆଦିଲ୍ଲୀ: ଗତ ୬ ଦିନରେ ୧୪୦୦ରୁ ଊର୍ଦ୍ଧ୍ୱ ଉଡ଼ାଣ ବାତିଲ ହେବା ଓ ପାଇଲଟ୍-କ୍ରୁ ଅଭାବରୁ ଶତାଧିକ ଉଡ଼ାଣରେ ବିଳମ୍ବ ପରେ ଇଣ୍ଡିଗୋ ଏୟାରଲାଇନ୍ସ ଏବେ ବଡ଼ ସଙ୍କଟରେ। ଏହି ପରିସ୍ଥିତି ମଧ୍ୟରେ ସମସ୍ତଙ୍କ ମନରେ ପ୍ରଶ୍ନ ଉଠୁଛି – ଇଣ୍ଡିଗୋର ମାଲିକ କିଏ ଏବଂ ସେ କେବଳ ବିମାନ ବ୍ୟବସାୟ ନୁହନ୍ତି, ଆଉ କେଉଁ କେଉଁ କ୍ଷେତ୍ରରେ ତାଙ୍କର ବ୍ୟବସାୟ ରହିଛି?
ଇଣ୍ଡିଗୋର ମାଲିକ କିଏ?
ଇଣ୍ଡିଗୋ ଏୟାରଲାଇନ୍ସର ସହ-ପ୍ରତିଷ୍ଠାତା ତଥା ମୁଖ୍ୟ ଚେହେରା ହେଉଛନ୍ତି ବିଖ୍ୟାତ ଭାରତୀୟ ବ୍ୟବସାୟୀ ରାହୁଲ ଭାଟିଆ। ସେ ଇଣ୍ଟରଗ୍ଲୋବ ଏଣ୍ଟରପ୍ରାଇଜେସ୍ର ଗ୍ରୁପ୍ ମ୍ୟାନେଜିଙ୍ଗ ଡାଇରେକ୍ଟର ଏବଂ ଇଣ୍ଡିଗୋର ପେରେଣ୍ଟ କମ୍ପାନୀ ଇଣ୍ଟରଗ୍ଲୋବ ଏଭିଏସନ୍ର ପ୍ରମୋଟର ତଥା ମ୍ୟାନେଜିଙ୍ଗ ଡାଇରେକ୍ଟର।
୨୦୦୬ରେ ଗୋଟିଏ ଛୋଟ ଷ୍ଟାର୍ଟଅପ୍ ଭାବେ ଆରମ୍ଭ ହୋଇଥିବା ଇଣ୍ଡିଗୋକୁ ରାହୁଲ ଭାଟିଆଙ୍କ ନେତୃତ୍ୱରେ ବିଶ୍ୱର ସବୁଠାରୁ ଲାଭଜନକ ଲୋ-କଷ୍ଟ ଏୟାରଲାଇନ୍ସ ମଧ୍ୟରୁ ଗୋଟିଏ କରି ତୋଳାଯାଇଛି।
ଇଣ୍ଟରଗ୍ଲୋବ ଏଣ୍ଟରପ୍ରାଇଜେସ୍: ଏକ ବିଶାଳ ବ୍ୟବସାୟିକ ସାମ୍ରାଜ୍ୟଇଣ୍ଡିଗୋ ଯଦିଓ ଇଣ୍ଟରଗ୍ଲୋବର ସବୁଠାରୁ ଚମକପ୍ରଦ ଓ ଦୃଶ୍ୟମାନ ଅଂଶ, କିନ୍ତୁ ରାହୁଲ ଭାଟିଆଙ୍କ ବ୍ୟବସାୟ କେବଳ ବିମାନ କ୍ଷେତ୍ରରେ ସୀମିତ ନୁହେଁ। ଟ୍ରାଭେଲ, ହସ୍ପିଟାଲିଟି, ଲଜିଷ୍ଟିକ୍ସ, ଟେକ୍ନୋଲୋଜି – ଏହି ସବୁ କ୍ଷେତ୍ରରେ ଇଣ୍ଟରଗ୍ଲୋବର ବିଶାଳ ଇକୋସିଷ୍ଟମ୍ ରହିଛି।
୧. ହସ୍ପିଟାଲିଟି (ହୋଟେଲ ବ୍ୟବସାୟ)
ଫ୍ରାନ୍ସର ବିଖ୍ୟାତ ହସ୍ପିଟାଲିଟି କମ୍ପାନୀ ଆକୋର୍ (Accor) ସହ ଯୌଥ ଉଦ୍ୟୋଗରେ ଇଣ୍ଟରଗ୍ଲୋବ ହୋଟେଲ୍ସ ନାମରେ ୩୦ରୁ ଅଧିକ ହୋଟେଲ ଭାରତ ଓ ବିଦେଶରେ ଚଳାଉଛନ୍ତି। ଗୁରୁଗ୍ରାମରେ ଏହାର ଅନେକ ପ୍ରପର୍ଟି ରହିଛି।
୨. ଲଜିଷ୍ଟିକ୍ସ
ସପ୍ଲାଇ ଚେନ୍, କାର୍ଗୋ ଟ୍ରାନ୍ସପୋର୍ଟେସନ ଓ ଏୟାର ଫ୍ରେଟ୍ ସେବା ଦେଇ ଇଣ୍ଡିଗୋର ନିଜର ଲଜିଷ୍ଟିକ୍ସ ଆବଶ୍ୟକତାକୁ ମଧ୍ୟ ସମର୍ଥନ କରୁଛି।
୩. ଏଭିଏସନ୍ ମ୍ୟାନେଜମେଣ୍ଟ, ଟ୍ରେନିଙ୍ଗ ଓ ଇଞ୍ଜିନିୟରିଙ୍ଗ
ପାଇଲଟ୍ ଟ୍ରେନିଙ୍ଗ, ଏୟାରକ୍ରାଫ୍ଟ ମେଣ୍ଟେନାନ୍ସ ଓ ଏୟାରଲାଇନ୍ ମ୍ୟାନେଜମେଣ୍ଟ ସେବା ଦେଇ ଭାରତ ଓ ବିଦେଶର ଅନ୍ୟ ଏୟାରଲାଇନ୍ସକୁ ମଧ୍ୟ ସାହାଯ୍ୟ କରୁଛନ୍ତି।
୪. ଟେକ୍ନୋଲୋଜି ଭେଞ୍ଚର୍ସ
ଡିଜିଟାଲ ସେବା, ସ୍ମାର୍ଟ ଟ୍ୟାକ୍ସ ସଲ୍ୟୁସନ, ଅଟୋମେସନ୍ ଟୁଲ୍ସ ଓ ସଫ୍ଟୱେର ପ୍ଲାଟଫର୍ମରେ ନିବେଶ କରୁଛନ୍ତି।
