ଜୟପୁର: ଲଗାତାର କିଛି ଦିନ ହେବ ପ୍ରାୟ ସମସ୍ତ ବିମାନକୁ ବୋମାରେ ଉଡାଇଦେବାକୁ ଧମକ ମିଳୁଛି । ସେହିଭଳି ପୁଣି ଏକ ଧମକ ମିଳିଛି ଇଣ୍ଡିଗୋ ବିମାନକୁ । ଆଜି ସାଉଦିଆରବର ଦମନରୁ ଲକ୍ଷ୍ନୌକୁ ଯାଉଥିବା ଏକ ଇଣ୍ଡୋଗୋକୁ ଏହି କାରଣରୁ ଜୟପୁର ବିମାନବନ୍ଦରରେ ଜରୁରୀକାଳୀନ ଅବତରଣ କରିବାକୁ ପଡିଛି । ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ସୁରକ୍ଷା ଏଜେନ୍ସିମାନେ ଘଟଣାସ୍ଥଳରେ ପହଞ୍ଚିଥିଲେ ।
ଏହି ସମୟ ମଧ୍ୟରେ ବିମାନବନ୍ଦରରେ ସମସ୍ତ ସୁରକ୍ଷା ବ୍ୟବସ୍ଥା କରାଯାଇଥିଲା । ସୁରକ୍ଷା ଏଜେନ୍ସି ସମସ୍ତ ଯାତ୍ରୀଙ୍କୁ ଯାଞ୍ଚ କରୁଛନ୍ତି । ଏହି ସୂଚନା ସାମ୍ନାକୁ ଆସିବା ପରେ ସୁରକ୍ଷା ଦୃଷ୍ଟିରୁ ଜୟପୁର ବିମାନ ବନ୍ଦରରେ ଅବତରଣ ଏବଂ ବିମାନ ଉଡ଼ାଣ ଉପରେ ବାରଣ କରାଯାଇଛି । ବର୍ତ୍ତମାନ ବିମାନରେ କୌଣସି ପ୍ରକାରର ବୋମା ମିଳିବା ସମ୍ପର୍କରେ କ କୌଣସି ସୂଚନା ମିଳିପାରିନାହିଁ ।
ଏହି ଘଟଣା ସାମ୍ନାକୁ ଆସିବା ପରେ ଇଣ୍ଡିଗୋ ଏକ ବିବୃତ୍ତିରେ କହିଛି ଯେ, ଡାମନରୁ ଲକ୍ଷ୍ନୌକୁ ଆସୁଥିବା ବିମାନ ନମ୍ବର 6E98 ସହ ଜଡିତ ପରିସ୍ଥିତି ବିଷୟରେ ଆମେ ଅବଗତ ଅଛୁ । ଆମର ଯାତ୍ରୀ ଏବଂ କର୍ମଚାରୀଙ୍କ ସୁରକ୍ଷା ଆମର ସର୍ବୋଚ୍ଚ ପ୍ରାଥମିକତା ଏବଂ ଆମେ ସମ୍ପୃକ୍ତ କର୍ତ୍ତୃପକ୍ଷଙ୍କ ସହ ମିଶି କାମ କରୁଛୁ ଏବଂ ନିର୍ଦ୍ଦେଶାବଳୀ ଅନୁଯାୟୀ ସମସ୍ତ ଆବଶ୍ୟକୀୟ ସତର୍କତା ଅବଲମ୍ବନ କରୁଛୁ । ଆସନ୍ତୁ ଆପଣଙ୍କୁ କହିବା ଯେ ଏହି ବିମାନ ସାଉଦି ଆରବରୁ ଲକ୍ଷ୍ନୌକୁ ଆସୁଥିଲା ।
ତେବେ ଏହା ପୂର୍ବରୁ ଅକ୍ଟୋବର 14 ରେ, ଦୁଇଟି ଇଣ୍ଡିଗୋ ବିମାନକୁ ବୋମାରେ ଉଡ଼ାଇବାର ଧମକ ଦିଆଯାଇଥିଲା ।
Comments are closed.