ଦୁବାଇ: ଚୁଡ଼ାନ୍ତ ପର୍ଯ୍ୟୟାରେ ପହଞ୍ଚିଛି ଆଇପିଏଲର ୧୩ତମ ସଂସ୍କରଣ । ଆଜି ଖେଳାଯିବ ପ୍ରଥମ କ୍ୱାଲିଫାୟାର ମ୍ୟାଚ୍ । ମୁହାଁମୁହାଁ ହେବେ ଡିଫେଣ୍ଡିଂ ଚାମ୍ପିଅନ୍ ମୁମ୍ୱାଇ ଇଣ୍ଡିଆନ୍ସ ଓ ରାଇଜିଂ ଟିମ୍ ଦିଲ୍ଲୀ କ୍ୟାପିଟାଲ୍ସ । ଦୁଇ ଦଳ ଭିତରେ ଲଢ଼େଇ ଜୋରଦାର ହେବ ବୋଲି ଆଶା କରାଯାଉଛି । ମ୍ୟାଚ୍ ଜିତି ଉଭୟ ଦଳ ଫାଇନାଲ୍ ଟିକେଟ ହାତେଇା ଲକ୍ଷ୍ୟରେ ମୈଦାନକୁ ଓହ୍ଲାଇବେ ।
ଦୁବାଇରେ ସନ୍ଧ୍ୟା ସାଢ଼େ ୭ ଟାରେ ଏହି ମ୍ୟାଚ ଖେଳାଯିବ । ଚାରି ଚାରି ଥର ଆଇପିଏଲ୍ ଚାମ୍ପିଅନ୍ ମୁମ୍ୱାଇ ଇଣ୍ଡିଆନ୍ସକୁ ଲିଗ୍ ପର୍ଯ୍ୟାୟରେ ହରାଇବା ଏତେ ସହଜ ନଥିଲା । କିନ୍ତୁ ଶେଷ ଲିଗରେ ହାଇଦ୍ରାବାଦଠାରୁ ୧୦ ଓ୍ୱିକେଟରେ ପରାଜୟ ବରଣ କରିଥିଲା । ସେତେ ଭଲ ବ୍ୟାଟିଂ କରିନଥିବା ବେଳେ ବୋଲିଂ ଥିଲା ଦିଶାହୀନ । ତେବେ ଫ୍ଲେ ଅଫ ପୂର୍ବରୁ ଟିମକୁ ଅଧିନାୟକ ରୋହିତ ଶର୍ମା ଦଳକୁ ଫେରିଥିବାରୁ ମୁମ୍ୱାଇ ପାଇଁ ଆଶ୍ୱସ୍ତ ହୋଇଛି ।
ଅନ୍ୟପଟେ ପ୍ରଥମ ଥର ଚାମ୍ପିଅନ୍ ହେବା ଲକ୍ଷ୍ୟରେ ଖେଳୁଥିବା ଦିଲ୍ଲୀ କ୍ୟାପିଟାଲ୍ସ ପ୍ରଥମେ ଭଲ ଖେଳିଥିଲା । ଶେଷ ଆଡକୁ ଲଗାତାର ଚାରିଟି ମ୍ୟାଚ ହାରିବା ପରେ ଶେଷ ଲିଗରେ ବେଙ୍ଗାଳୁରୁକୁ ହରାଇ ପ୍ଲେ ଅଫରେ ଦ୍ୱିତୀୟ ସ୍ଥାନ ଅଧିକାର କରିଥିଲା । ଦିଲ୍ଲୀର ମଧ୍ୟକ୍ରମ ଟିକେ ଦୁର୍ବଳ ରହିଛି । ଜଣେ ଦୁଇ ଜଣଙ୍କ ଉପରେ ନିର୍ଭର କରୁଛି ମିଡିଲ ଅର୍ଡର ।
Comments are closed.