ଇରାନ୍: ଆମେରିକାର ନ୍ୟୁଜ୍ ଏଜେନ୍ସି ଦ ଏସୋସିଏଟେଡ୍ ପ୍ରେସ୍ ର ଟୁଇଟ୍ ଅନୁଯାୟୀ କରୋନାଭାଇରସ୍ଠୁ ମୁକ୍ତି ପାଇବା ପାଇଁ ଇରାନର ବହୁ ଲୋକ ମେଥନଲ୍ ଭଳି ବିଶାକ୍ତ କେମିକାଲକୁ ଇଂଜେକ୍ସନ ରୂପେ ବ୍ୟବହାର କରିଥିଲେ ।
Iranian media reports nearly 300 people have been killed and more than 1,000 sickened by ingesting toxic methanol across the Islamic Republic out of the false belief it kills the new coronavirus. https://t.co/tUjo8TI0aP
— The Associated Press (@AP) March 27, 2020
ସୋସିଆଲ ମିଡିଆରେ କିଛି ଫେକ୍ ପୋଷ୍ଟରେ ହାଇ ଲେଭଲ ଆଲକୋହଲ କରୋନାଭାଇରସ୍ର ଆଣ୍ଟିଡୋଟ୍ ବୋଲି ଗୁଜବ ଉଠିଥିଲା । ତେବେ ଇରାନ ଭଳି ଇସଲାମିକ ଦେଶରେ ଆଲକୋହଲ୍ ବ୍ୟାନ୍ ଥିବାରୁ ଲୋକେ ମେଥନଲ୍କୁ କୋଭିଡ୍-୧୯ର ଉପଚାର ଭାବି ବ୍ୟବହାର କରିଥିଲେ ।
ଡେଲି ମେଲ୍ ରିପୋର୍ଟ ଅନୁଯାୟୀ ସୋସିଆଲ୍ ମିଡିଆରେ ଜଣେ ବ୍ରିଟିଶ ସ୍କୁଲ୍ ଟିଚର୍ ହ୍ୱିସ୍କି ଓ ମହୁ ର ମିଶ୍ରଣରେ ଏକ ପାନ ପ୍ରସ୍ତୁତ କରି କରୋନାଭାଇରସ୍ଠୁ ମୁକ୍ତି ପାଇଥିଲେ । ଏହି ପୋଷ୍ଟ ଇରାନ୍ରେ ପ୍ରବାହିତ ହେବା ପରେ ଲୋକେ ମେଥନଲ୍କୁ କୋଭିଡ୍-୧୯ର ଉପଚାର ରୂପେ ବାଛିନେଇଥିଲେ ।
ମଧ୍ୟ ଏସୀୟ ଦେଶ ଭାବେ କୋଭିଡ-୧୯ ପାଇଁ ଇରାନରେ ସବୁଠୁ ଅଧିକ ଲୋକ ମୃତ୍ୟୁମୁଖରେ ପଡିଛନ୍ତି । ମେଥନଲ ଜନିତ ମୃତ୍ୟୁସଂଖ୍ୟାକୁ ଇରାନ ସ୍ପଷ୍ଟ କରିନଥିଲାବେଳେ ଅନେକ ଗଣମାଧ୍ୟମରେ ଏ ନେଇ ରିପୋର୍ଟ ପ୍ରକାଶ ପାଇଛି ।
କରୋନାମାହାମାରୀ ସଂପୃକ୍ତ କୌଣସି ଗୁଜବକୁ ବିଶ୍ୱାସ ନ କରି ଡାକ୍ତରଖାନା କିମ୍ବା ସହାୟତା କେନ୍ଦ୍ରର ସାହାଯ୍ୟ ନିଅନ୍ତୁ ।