ନୂଆଦିଲ୍ଲୀ: ଇସ୍ରାଏଲ ଓ ଇରାନ ଯୁଦ୍ଧ ମଧ୍ୟରେ ଆମେରିକା ଏଣ୍ଟ୍ରି କରିବା ସହ ଇରାନର ପରମାଣୁ ଘାଟି ଉପରେ ଆକ୍ରମଣ କରିଥିଲା। ଯାହା ପରେ ପରିସ୍ଥିତି ଗମ୍ଭୀର ହୋଇପଡ଼ିଛି।
ଇରାନ କେବଳ ଇସ୍ରାଏଲ ଉପରେ କ୍ଷେପଣାସ୍ତ୍ର ଆକ୍ରମଣ କରି ଏହାର ଜବାବ ଦେଇନାହିଁ ବରଂ କୌଣସି ପରିସ୍ଥିତିରେ ଆତ୍ମସମର୍ପଣ କରିବ ନାହିଁ ବୋଲି ଆମେରିକାକୁ ସିଧାସଳଖ କହିଛି। ଏହି ସମୟରେ କିଛି ଦେଶ ମଧ୍ୟ ଇରାନର ସମର୍ଥନରେ ବାହାରିଛନ୍ତି।
ପ୍ରଥମେ ୩ଟି ମୁସଲିମ ଦେଶ ଆମେରିକାର ଏହି ଆକ୍ରମଣକୁ ନିନ୍ଦା କରିଥିଲେ ଏବଂ ଏବେ ଋଷ ମଧ୍ୟ ଆମେରିକାର ଏଭଳି ଆକ୍ରମଣକୁ କଡ଼ା ନିନ୍ଦା କରିଛି। ଋଷିଆ ଫେଡେରେସନ କାଉନସିଲର ଅନ୍ତର୍ଜାତୀୟ ବ୍ୟାପାର କମିଟିର ଉପାଧ୍ୟକ୍ଷ ଆଣ୍ଡ୍ରେ କ୍ଲିମୋଭ କହିଛନ୍ତି ଯେ ଆମେରିକାର ପ୍ରତ୍ୟକ୍ଷ ସାମରିକ କାର୍ଯ୍ୟାନୁଷ୍ଠାନ ବିଶ୍ୱ ଉତ୍ତେଜନାକୁ ଏକ ନୂତନ ଉଚ୍ଚତାକୁ ନେଇଛି। ଏବେ ଅନେକ ଦେଶ ପରମାଣୁ ଅସ୍ତ୍ର ଏବଂ ହାଇପରସୋନିକ୍ କ୍ଷେପଣାସ୍ତ୍ର ବିକାଶ ଦିଗରେ ଚିନ୍ତା କରିପାରନ୍ତି।
ଋଷର ସରକାରୀ ସମାଚାର ଏଜେନ୍ସି TASS ସହିତ କଥାବାର୍ତ୍ତା ସମୟରେ ଆଣ୍ଡ୍ରେ କ୍ଲିମୋଭ କହିଛନ୍ତି ଯେ ଏହି ଆକ୍ରମଣ ପରେ ବିଶ୍ୱରେ ଉତ୍ତେଜନା ଦେଖାଦେଇଛି। ଆମେରିକାର ଏହି ପ୍ରତ୍ୟକ୍ଷ ଏବଂ ସାର୍ବଜନୀନ ସାମରିକ ହସ୍ତକ୍ଷେପ ଉତ୍ତେଜନାକୁ ଆହୁରି ବୃଦ୍ଧି କରିବ। ପରମାଣୁ ଅସ୍ତ୍ର ତିଆରି କରୁନଥିବା ଅନେକ ଦେଶ ମଧ୍ୟ ଭାବିବା ଆରମ୍ଭ କରିବେ ଯେ ସେମାନେ ନିଜର ପରମାଣୁ ଅସ୍ତ୍ର ଏବଂ ହାଇପରସୋନିକ୍ କ୍ଷେପଣାସ୍ତ୍ର ତିଆରି କରିବା ଆରମ୍ଭ କରିବା ଉଚିତ।
Comments are closed.