ମୁମ୍ବାଇ: ଦିବଂଗତ ଅଭିନେତା ଇରଫାନ୍ ଖାନ୍ଙ୍କ ଫିଲ୍ମ ‘ଆପ୍ନୋ ସେ ବେୱାଫାଇ’ ଖୁବ୍ଶୀଘ୍ର ରିଲିଜ୍ ହେବ । ଏହି ଫିଲ୍ମ ଇରଫାନଙ୍କ ଶେଷ ଫିଲ୍ମ । ଫିଲ୍ମଟି ମେ ୨୬ ତାରିଖରେ ରିଲିଜ୍ ହେବ ।
ଇରଫାନ୍ ହୁଏତ ଏହି ଦୁନିଆରେ ନାହାନ୍ତି ସତ , କିନ୍ତୁ ତାଙ୍କର ଉତ୍କୃଷ୍ଟ ଅଭିନୟ ତାଙ୍କୁ ପ୍ରଶଂସକଙ୍କ ହୃଦୟରେ ଜୀବନ୍ତ ରଖିଛି । ଗତ ଚାରି ବର୍ଷ ଧରି ରିଲିଜ୍ ଅପେକ୍ଷାରେ ଥିବା ଇରଫାନ୍ଙ୍କ ଫିଲ୍ମ ‘ଆପ୍ନୋ ସେ ବେୱାଫାଇ’ ଶେଷରେ ରିଲିଜ୍ ହେବାକୁ ଯାଉଛି । ଏହି ଫିଲ୍ମଟି ମେ ୨୬ ତାରିଖରେ ରିଲିଜ ହେବ । ଏହା ଅଭିନେତା ଇରଫାନଙ୍କ ଶେଷ ଫିଲ୍ମ ଭାବରେ ପରଦାରେ ଆସିବ ।
ଫିଲ୍ମ ‘ ଆପ୍ନୋ ସେ ବେୱାଫାଇ’ ର ପ୍ରଯୋଜକ ପୀୟୁଷ ଶାହା କହିଛନ୍ତି ଯେ , ଏହାର ସୁଟିଂ ୨୦୧୮ ମସିହାରେ ଶେଷ ହୋଇଥିଲା । ୨୦୧୯ ରେ ସେନ୍ସର ବୋର୍ଡରୁ ପ୍ରମାଣପତ୍ର ମିଳିଥିଲା । ୨୦୨୦ ମସିହା ଏପ୍ରିଲ ୧୦ ତାରିଖରେ ପରଦାକୁ ଆସିବ ବୋଲି ଘୋଷଣା କରାଯାଇଥିଲା, କିନ୍ତୁ କୋଭିଡ କାରଣରୁ ଏହା ରିଲିଜ୍ ହୋଇପାରିଲା ନ ଥିଲା ।
କରୋନା ପରେ ଇର୍ଫାନଙ୍କ ଦ୍ୱିତୀୟ ଶ୍ରାଦ୍ଧବାର୍ଷିକୀରେ ରିଲିଜ୍ ହେବାର ଥିଲା, ତଥାପି ହୋଇ ପାରି ନ ଥିଲା । ଆସନ୍ତା ୨୬ ତାରିଖରେ ରିଲିଜ ହେବ । ଏଥିରେ ଇରଫାନଙ୍କ ସହ ଅଭିନେତ୍ରୀ ମହିମା ଚୌଧୁରୀ ନଜର ଆସିବେ । ଏଠାରେ କହି ରଖୁଛୁ, ୨୦୨୦ ମସିହା ଏପ୍ରିଲ ୨୯ ତାରିଖରେ କ୍ୟାନସରରେ ଇରଫାନଙ୍କ ମୃତ୍ୟୁ ହୋଇଥିଲା ।
Comments are closed.