କୋଲକାତା:ଭାରତୀୟ ଘରୋଇ ଫୁଟବଲ୍ରର ସର୍ବୋଚ୍ଚ ପ୍ରତିଯୋଗିତା ଆଇଏସଏଲ (ଇଣ୍ଡିଆନ୍ ସୁପର୍ ଲିଗ୍)ର ଫାଇନାଲ୍ ମ୍ୟାଚ୍ ଆଜି ସଲ୍ଟ ଲେକ୍ ଷ୍ଟାଡିୟମରେ ଖେଳାଯିବ । ଏହି ଫାଇନାଲ ଟକ୍କରରେ ମୋହନ ବାଗାନ ସୁପର୍ ଜାଏଣ୍ଟ୍(MBSG) କୁ ଭେଟିବ ବେଙ୍ଗାଲୁରୁ ଏଫ୍ସି (BFC) । ଉଭୟ ଦଳ ଏହି ସିଜନରେ ଚମତ୍କାର ପ୍ରଦର୍ଶନ କରିଛନ୍ତି, ଏବଂ ଏବେ ଟ୍ରଫି ପାଇଁ ମୁହାଁମୁହିଁ ହେବେ।
ଏହି ରୋମାଞ୍ଚକର ମ୍ୟାଚ୍ ଶନିବାର ସନ୍ଧ୍ୟା ୭:୩୦ (IST) ରେ ଆରମ୍ଭ ହେବ। Star Sports 3, Star Sports 3 HD, Sports 18 ଏବଂ Sports 18 HDରେ ଲାଇଭ୍ ଟେଲିକାଷ୍ଟ ହେବ, JioHotstar ଆପ୍ ଏବଂ ୱେବସାଇଟରେ ଲାଇଭ୍ ଷ୍ଟ୍ରିମିଂ ଉପଲବ୍ଧ ହେବ।
It’s all for them, after all!
#MBSGBFC |
#ISLFinal
Tonight | Live Coverage: 7PM
LIVE on @JioHotstar, #StarSports3 & #AsianetPlus#ISL #LetsFootball #ISLPlayoffs #MBSG #BengaluruFC | @mohunbagansg @bengalurufc @gerardzaragoza pic.twitter.com/N7jT19BUkO
— Indian Super League (@IndSuperLeague) April 12, 2025
ଏହା ପ୍ରଥମ ଥର ନୁହେଁ ପୂର୍ବରୁ ଏହି ଦୁଇ ଟିମ୍ ଆଇଏସଏଲ୍ (ISL) ଫାଇନାଲରେ ପରସ୍ପରକୁ ଭେଟିଛନ୍ତି। ପୂର୍ବରୁ ସେମାନେ ୨୦୨୨-୨୩ ଫାଇନାଲରେ ପରସ୍ପରକୁ ଭେଟିଥିଲେ, ଯେଉଁଠାରେ ମୋହନ ବାଗାନ ବିଜୟୀ ହୋଇ ଟ୍ରଫି ଉଠାଇଥିଲା।
ବେଙ୍ଗାଲୁରୁ ଏଫସି ୨୦୧୮-୧୯ରେ ଆଇଏସଏଲ ଟାଇଟଲ ଜିତିଥିଲା ଏବଂ ୨୦୧୭-୧୮ ଏବଂ ୨୦୨୨-୨୩ରେ ରନର୍ସଅପ୍ ହୋଇଥିଲା।
ମୋହନ ବାଗାନ ସୁପର୍ ଜାଏଣ୍ଟ୍ ୨୦୨୨-୨୩ରେ ଏପର୍ଯ୍ୟନ୍ତ ସେମାନଙ୍କର ଏକମାତ୍ର ଆଇଏସଏଲ ଟାଇଟଲ ଜିତିଛନ୍ତି । କିନ୍ତୁ ୨୦୨୦-୨୧ ଏବଂ ୨୦୨୩-୨୪ରେ ଫାଇନାଲିଷ୍ଟ ଥିଲା, ଉଭୟ ଥର ମୁମ୍ବାଇ ସିଟି ଏଫସି ଠାରୁ ପରାସ୍ତ ହୋଇଛି ।
ଉଭୟ ଦଳର ଷ୍ଟାର ଖେଳାଳୀ
ସୁନୀଲ ଛେତ୍ରୀ (BFC): ୪୦ ବର୍ଷୀୟ ଅଭିଜ୍ଞ ଷ୍ଟ୍ରାଇକର ଏହି ସିଜନରେ ବେଙ୍ଗାଲୁରୁ ଏଫସି ପାଇଁ ୧୪ ଗୋଲ୍ କରଛନ୍ତି ।
ଜେମି ମ୍ୟାକଲାରେନ୍ (MBSG): ଅଷ୍ଟ୍ରେଲିଆ ଫରୱାର୍ଡ ଜେମି ମୋହନ ବାଗାନ ପାଇଁ ୧୧ ଗୋଲ୍ କରିଛନ୍ତି ।
ଗତବର୍ଷ ମୁମ୍ବାଇ ସିଟି ଠାରୁ ଫାଇନାଲ୍ରେ ହାରିଥିବା ମୋହନ ବାଗାନ ସୁପର୍ ଜାଏଣ୍ଟ୍ ଏଥର କିନ୍ତୁ ବିଜୟ ଲକ୍ଷ୍ୟରେ ରହିଛି। ସେହିପରି ୦୧୮-୧୯ରେ ବିଜେତା ହେବା ପରଠାରୁ ଆଉ କେବେ ଫାଇନାଲ୍ ଆସିପାରି ନଥିବା ବେଙ୍ଗାଲୁରୁ ଏଫ୍ସି ଦୀର୍ଘ ପ୍ରତୀକ୍ଷାର ଅନ୍ତ ଘଟାଇବ ବୋଲି ବିଶ୍ବାସ ରଖିଛି।
Comments are closed.