ପ୍ରଥମ ଥର ପାଇଁ ବିକଶିତ ହୋଇଥିବା ବେସରକାରୀ ସାଟେଲାଇଟ୍କୁ ପରୀକ୍ଷଣ କଲା ଇସ୍ରୋ
ନୂଆଦିଲ୍ଲୀ : ପ୍ରଥମ ଥର ପାଇଁ ବେସରକାରୀ କମ୍ପାନୀ ଦ୍ବାରା ବିକଶିତ ହୋଇଥିବା ଦୁଇଟି ସାଟେଲାଇଟ୍କୁ ପରୀକ୍ଷଣ କରିଛି ଇସ୍ରୋ । ଭାରତୀୟ ଷ୍ଟାର୍ଟ ଅପ୍ ଦ୍ବାରା ପ୍ରସ୍ତୁତ ସ୍ପେସ୍ କିଡ୍ଜ୍ ଏବଂ ପିକ୍ସେଲ୍କୁ ବେଙ୍ଗାଲୁରୁ ସ୍ଥିତ ୟୁଆର୍ ରାଓ ସାଟେଲାଇଟ୍ ସେଣ୍ଟର୍ରେ ଇସ୍ରୋ ତରଫରୁ ପରୀକ୍ଷଣ କରାଯାଇଛି ।
ପ୍ରଥମ କରି କୌଣସି ସ୍ପେସ୍ ଏଜେନ୍ସି ଭାରତୀୟ ଶିଳ୍ପ ସହାୟତାରେ ସାଟେଲାଇଟ୍ ଏବଂ ରକେଟ୍ ପ୍ରସ୍ତୁତ କରିବାରେ ସକ୍ଷମ ହୋଇଛି । ଏହି ଦୁଇଟି କମ୍ପାନୀର ସାଟେଲାଇଟ୍ରେ ସୋଲାର୍ ପ୍ୟାନେଲ୍କୁ ଲାଗାଇବାରେ ଇସ୍ରୋ ସହାୟତା କରିଛି । ସାଟେଲାଇଟ୍ର ବିକାଶକୁ ଲକ୍ଷ କରି ଇସ୍ରୋ ମୁଖପାତ୍ର ବିବେକ ସିଂ କହିଛନ୍ତି ଯେ, ଏହି ଦୁଇଟି ସଂସ୍ଥା ସାଟେଲାଇଟ୍ର ପରୀକ୍ଷା ଶେଷ କରିସାରିଛନ୍ତି । ଆସନ୍ତା ମାସରେ ଶ୍ରୀହରିକୋଟା ସ୍ପେସପୋର୍ଟ ଏବଂ ଥିରୁବନନ୍ତପୁରମ୍ ରକେଟ୍ ସେଣ୍ଟରରେ ଏହି ଦୁଇଟି ସଂସ୍ଥା ମଧ୍ୟ ସେମାନଙ୍କର ଇଞ୍ଜିନ ପରୀକ୍ଷା କରିବେ ।
ଏହା ପୂର୍ବରୁ ଇସ୍ରୋ ନିଜ ଖର୍ଚ୍ଚରେ ଘରୋଇ ସଂସ୍ଥାଗୁଡ଼ିକୁ ଲଞ୍ଚ ସୁବିଧା ଯୋଗାଇ ଦେଉଥିଲା । ଜୁନ୍ ୨୦୨୦ରେ, ଇସ୍ରୋ ମୁଖ୍ୟ କେ ଶିବମ୍ ଘୋଷଣା କରିଥିଲେ ଯେ, ଇସ୍ରୋ ଏହାର ଲ୍ୟାବ, ପରୀକ୍ଷଣ ସୁବିଧା ଏବଂ ଗୁଣାତ୍ମକ ସୁବିଧା ଲାଗି ଘରୋଇ କମ୍ପାନୀଗୁଡିକ ପାଇଁ ଖୋଲିବ । ତେଣୁ ସେମାନଙ୍କୁ ଭିତ୍ତିଭୂମିରେ ବିନିଯୋଗ କରିବାକୁ ପଡ଼ିବ ନାହିଁ । କେବଳ ଏକ ଘରୋଇ କ୍ଷେତ୍ରର ସ୍ପେସ୍ କାର୍ଯ୍ୟକଳାପକୁ ତଦାରଖ କରିବା ପାଇଁ ନୁହେଁ, ବରଂ ଇସ୍ରୋ ସୁବିଧାକୁ ବାଣ୍ଟିବା ଏବଂ ସେୟାର କରିବା ପାଇଁ ଏକ ସ୍ବାଧୀନ ସଂସ୍ଥା, ଇଣ୍ଡିଆନ୍ ନ୍ୟାସନାଲ ସ୍ପେସ୍ ପ୍ରୋମୋସନ୍ ଆଣ୍ଡ ପ୍ରାଧିକରଣ କେନ୍ଦ୍ର (IN-SPACe) ଗଠନ କରାଯାଇଥିଲା ।
Comments are closed.