ଭୁବନେଶ୍ୱର: ରାଜ୍ୟରେ ବିଗୁଡୁଛୁ ପରିସ୍ଥିତି । ସୋମବାର ଆଉ ୨ ଜଣଙ୍କ ମୁଣ୍ଡ ନେଇଛି କରୋନା । ସ୍ୱାସ୍ଥ୍ୟ ବିଭାଗର ସୂଚନାନୁସାରେ, ଯାଜପୁରରେ ପ୍ରଥମ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି । ଏହି ବ୍ୟକ୍ତିଙ୍କ ବୟସ ୬୪ ହୋଇଥିବା ବେଳେ ସେ ମଧୁମେହ ରୋଗରେ ପୀଡିତ ଥିଲେ। ଏହାସହ ଆଉ ଏକ ନୂଆ ମୃତ୍ୟୁ ସହ ଗଞ୍ଜାମରେ ମୃତ୍ୟୁ ସଂଖ୍ୟା ୨୧ କୁ ବୃଦ୍ଧି ପାଇଛି । ମୃତ ବ୍ୟକ୍ତିଙ୍କ ବୟସ ୭୭ ବର୍ଷ ହୋଇଥିବା ବେଳେ ସେ ଉଚ୍ଚ ରକ୍ତଚାପରେ ପୀଡିତ ଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି । ରବିବାର ଦିନ ସୁନ୍ଦରଗଡ ଏବଂ ଗଜପତି ଜିଲ୍ଲା ଓଡିଶାର କରୋନା ଡେଥ ଲିଷ୍ଟରେ ଯୋଡି ହୋଇଥିବା ବେଳେ ଆଜି ଆୟ ଏକ ଜିଲ୍ଲା ଯୋଡି ହୋଇଛି । ଏହାପୂର୍ବରୁ ଏହି ଭୂତାଣୁ ଖୋର୍ଦ୍ଧାରେ ୭ ଜଣ, କଟକରେ ୪ ଜଣ ଏବଂ ପୁରୀ, ଅନୁଗୁଳ ଏବଂ ବରଗଡ ଜିଲ୍ଲାରେ ଜଣେ ଲେଖାଏଁ ବ୍ୟକ୍ତିଙ୍କର ମୁଣ୍ଡ ନେଇ ସାରିଛି ।
Comments are closed.