ଶ୍ରୀନଗର: ଦକ୍ଷିଣ କାଶ୍ମୀରର କୁଲଗାମରେ ଚାଲିଥିବା ଗୁଳିବିନିମୟ ରବିବାର ୧୦ମ ଦିନରେ ପହଞ୍ଚିଛି। ଆଜି ସକାଳେ ଜମ୍ମୁ-କାଶ୍ମୀରର କିସ୍ତୱାର ଜିଲ୍ଲାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଆଉ ଏକ ଏନକାଉଣ୍ଟର ହୋଇଛି। ପାହାଡିଆ ଜିଲ୍ଲାର ଦୁଲ୍ ଅଞ୍ଚଳରେ ଆତଙ୍କବାଦୀଙ୍କ ଉପସ୍ଥିତି ବିଷୟରେ ଗୁପ୍ତ ସୂଚନା ପାଇବା ପରେ ସର୍ଚ୍ଚ ଅପରେସନ୍ ଆରମ୍ଭ କରାଯାଇଥିଲା।
ଅଧିକାରୀଙ୍କ ଅନୁଯାୟୀ, ସୁରକ୍ଷା ବାହିନୀକୁ ଦେଖି ଲୁଚି ରହିଥିବା ଆତଙ୍କବାଦୀମାନେ ଗୁଳି ଚଳାଇବା ଆରମ୍ଭ କରିଥିଲେ, ଯାହା ପରେ ଏନକାଉଣ୍ଟର ଆରମ୍ଭ ହୋଇଥିଲା। ସୁରକ୍ଷା ବାହିନୀ ସନ୍ଦେହ କରୁଛନ୍ତି ଯେ ସେହି ଅଞ୍ଚଳରେ ଦୁଇଜଣ ଆତଙ୍କବାଦୀ ଲୁଚି ରହିଛନ୍ତି।
Contact with #Terrorists
Alert Indian Army troops while carrying out an intelligence based operation have established contact with terrorists in general area of Dul in Kishtwar in early hours of 10 Aug 2025. Gunfire exchanged. Operation under progress.@adgpi… pic.twitter.com/KOUpa208MN
— White Knight Corps (@Whiteknight_IA) August 10, 2025
ସେନାର ହ୍ୱାଇଟ୍ ନାଇଟ୍ କର୍ପସ ଏକ ପୋଷ୍ଟରେ ଏନକାଉଣ୍ଟରକୁ ନିଶ୍ଚିତ କରିଛି। ଏଥିରେ କୁହାଯାଇଛି ଯେ ରବିବାର ଏକ ଗୁପ୍ତ ସୂଚନା ଆଧାରିତ ଅପରେସନ୍ ସମୟରେ ସତର୍କ ସୈନିକମାନେ ଆଗକୁ ବଢ଼ିବା ସମୟରେ ସେହି ଅଞ୍ଚଳରେ ଲୁଚି ରହିଥିବା ଆତଙ୍କବାଦୀମାନେ ସେମାନଙ୍କ ଉପରେ ଗୁଳି ଚଳାଇଥିଲେ।
ଜମ୍ମୁ-କାଶ୍ମୀର ପୋଲିସ କିସ୍ତୱାରରେ ଅନେକ ଘର ତଲାସୀ କରିବାର ଗୋଟିଏ ଦିନ ପରେ ଏହି ଏନକାଉଣ୍ଟର ଘଟିଛି। ଜମ୍ମୁ-କାଶ୍ମୀର ପୋଲିସ ଶନିବାର ଦିନ କିସ୍ତୱାର ଜିଲ୍ଲାରେ ୨୬ ଜଣ ସନ୍ଦିଗ୍ଧ ବ୍ୟକ୍ତିଙ୍କ ଘର ତଲାସୀ କରିଥିଲା।
ଦକ୍ଷିଣ କାଶ୍ମୀରର କୁଲଗାମ ଜିଲ୍ଲାର ଅଖଲ ଅଞ୍ଚଳରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଗୁଳିବିନିମୟ ରବିବାର ଦିନ ୧୦ମ ଦିନରେ ପ୍ରବେଶ କରିଛି। ଏହା ଉପତ୍ୟକାର ସବୁଠାରୁ ଦୀର୍ଘ ଆତଙ୍କବାଦୀ ବିରୋଧୀ ଅଭିଯାନ ମଧ୍ୟରୁ ଗୋଟିଏ ପାଲଟିଯାଇଛି । ରବିବାର ସକାଳେ ମିଳିଥିବା ସୂଚନା ଅନୁଯାୟୀ, ଗତକାଲି ରାତିସାରା ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଜାରି ରହିଥିଲା।
ଦକ୍ଷିଣ କାଶ୍ମୀରର ଅଖଲ ଅଞ୍ଚଳର ଜଙ୍ଗଲରେ ଆତଙ୍କବାଦୀଙ୍କ ଉପସ୍ଥିତି ବିଷୟରେ ଗୁପ୍ତ ସୂଚନା ମିଳିବା ପରେ ଅଗଷ୍ଟ ୧ରେ ଅପରେସନ ଅଖଲ ଆରମ୍ଭ ହୋଇଥିଲା। ଏହି ସମୟ ମଧ୍ୟରେ ଏପର୍ଯ୍ୟନ୍ତ ୫ ରୁ ଅଧିକ ଆତଙ୍କବାଦୀ ନିହତ ହୋଇଛନ୍ତି ।
Comments are closed.