ଶ୍ରୀନଗର: ୱାକଫ୍ ଆଇନକୁ ନେଇ ଆଜି ମଧ୍ୟ ତୃତୀୟ ଦିନରେ ଜମ୍ମୁ କାଶ୍ମୀର ବିଧାନସଭା ପରିସରରେ ସଦସ୍ୟଙ୍କ ଭିତରେ ହାତାହାତି ପରିସ୍ଥିତି ସୃଷ୍ଟି ହୋଇଛି । ଠେଲାପେଲା ପାଟିତୁଣ୍ଡ ସହ ମୁଥ ମରାମରି ଭିତରେ ରଣକ୍ଷେତ୍ର ପାଲଟିଲା ବିଧାନସଭା ପରିସର । ତେବେ ତେବେ ୱାକଫ୍ ଆଇନ ଉପରେ ଗୃହରେ ଆଲୋଚନା ଦାବି ପରେ ଏପରି ପରିସ୍ଥିତି ସୃଷ୍ଟି ହୋଇଛି ।
ଏହା ପରେ ବାଚସ୍ପତି ଗୃହକୁ ଅଧ ଘଣ୍ଟା ପାଇଁ ମୁଲତବୀ ରଖିଥିଲେ । ଏଠାରେ, ବିଜେପି ବିଧାୟକମାନେ ଗୃହ ବାହାରେ ଧାରଣାରେ ବସିଛନ୍ତି । ସେ ଗୃହର କାର୍ଯ୍ୟ ଚାଲିବାକୁ ନ ଦେବା ପାଇଁ ଏନସି ଏବଂ ପିଡିପି ବିଧାୟକମାନଙ୍କୁ ଟାର୍ଗେଟ କରିଛନ୍ତି । ଏହି ସମୟରେ, ଗୃହ ବାହାରେ, ଆପ ବିଧାୟକ ମେହରାଜ ମଲିକ ଏବଂ ବିଜେପି ବିଧାୟକ ପରସ୍ପର ସହିତ ମୁହାଁମୁହିଁ ହୋଇଥିଲେ । ଏହି ସମୟରେ କିଛି ବିଧାୟକ ହସ୍ତକ୍ଷେପ କରି ପରିସ୍ଥିତିକୁ ଶାନ୍ତ କରିଥିଲେ ।
#WATCH | Jammu: AAP MLA Mehraaj Malik gets into a heated argument with PDP MLA Waheed Para inside the J&K legislative assembly. pic.twitter.com/O5AX1MO7ff
— ANI (@ANI) April 9, 2025
ତେବେ ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପି ବିଧାୟକ ବିକ୍ରମ ରନ୍ଧାୱା । ସେ କହିଛନ୍ତି, ମେହରାଜ୍ ହିନ୍ଦୁମାନଙ୍କୁ ଦୁର୍ବ୍ୟବହାର କରିଛନ୍ତି, ଆମେ ଏହାକୁ ସହ୍ୟ କରିବୁ ନାହିଁ । ହିନ୍ଦୁମାନେ ତିଳକ ଲଗାଇ ପାପ କରୁଥିବା ସେ କହିଛନ୍ତି, ଆମେ ତାଙ୍କୁ ଏକଥାର ଜବାବ ଦେବୁ ।
#WATCH | J&K: MLAs clash inside the premises of the legislative assembly.
The house has been adjourned till 1 pm, following an uproar by NC MLAs demanding a discussion on the Waqf Act. pic.twitter.com/s3R8VnJ2w1
— ANI (@ANI) April 9, 2025
ମଙ୍ଗଳବାର ଦିନ ବିଧାନସଭା କାର୍ଯ୍ୟ ଆରମ୍ଭ ହେବା ମାତ୍ରେ, ଏନସି ଏବଂ ପିଡିପି ବିଧାୟକମାନେ ୱାକଫ ବିଲ୍ ଉପରେ ଆଲୋଚନାକୁ ନେଇ ହଙ୍ଗାମା କରିବା ଆରମ୍ଭ କରିଦେଇଥିଲେ । ଏହି ପ୍ରସଙ୍ଗରେ ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି ଏକ୍ସରେ ଦଳୀୟ ବିଧାୟକଙ୍କ ପ୍ରସ୍ତାବକୁ ସେୟାର କରିଥିଲେ । ସେ କହିଥିଲେ ଯେ ୱାକଫ ପ୍ରସଙ୍ଗ ବିଶ୍ୱାସର ବାହାରେ । ଏହା ଭାରତର ୨୪ କୋଟି ମୁସଲମାନଙ୍କ ଉପରେ ଏକ ସିଧାସଳଖ ଆକ୍ରମଣ । ସେ କହିଛନ୍ତି ଯେ ପିଡିପି ଏହି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉଠାଇ ଏକ ନୂତନ ପ୍ରସ୍ତାବ ଉପସ୍ଥାପନ କରିଛି ।
ବିଧାନସଭାରେ ହଟ୍ଟଗୋଳ ମଧ୍ୟରେ, ନ୍ୟାସନାଲ କନଫରେନ୍ସର ଅନେକ ବିଧାୟକ ବେଞ୍ଚ ଉପରେ ଠିଆ ହୋଇଥିଲେ, କିଛି ବିଧାୟକ କାଗଜପତ୍ର ଚିରି ଚେୟାର ଆଡକୁ ଫିଙ୍ଗି ଦେଇଥିଲେ । ଏହା ପରେ, ସେମାନେ ଗୃହରେ ସ୍ଲୋଗାନ ଦେଇଥିଲେ ଏବଂ ବିଲ୍ ଉପରେ ବିତର୍କ ଦାବି କରିଥିଲେ । ପିପୁଲ୍ସ କନଫରେନ୍ସ ସଭାପତି ଏବଂ ବିଧାୟକ ସଜ୍ଜନ ଗନି ଲୋନ କହିଛନ୍ତି ଯେ ନ୍ୟାସନାଲ କନଫରେନ୍ସ ଶାସକ କିମ୍ବା ବିରୋଧୀ ଭୂମିକା ଗ୍ରହଣ କରିପାରିବ ନାହିଁ । ଯଦି ନ୍ୟାସନାଲ କନଫରେନ୍ସର ସଭାପତି ଏହି ବିଲ୍ ଉପରେ ବିତର୍କ କରିବାକୁ ଚାହାଁନ୍ତି ଏବଂ ବିଧାନସଭାର ବାଚସ୍ପତି ଏଥିରେ ରାଜି ନ ହୁଅନ୍ତି, ତେବେ ତାଙ୍କ ବିରୁଦ୍ଧରେ ଅନାସ୍ଥା ପ୍ରସ୍ତାବ ଆଣାଯିବା ଉଚିତ ।
Comments are closed.