ଟୋକିଓ: ଜାପାନରେ କରୋନା ଭାଇରସ ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି । ୨ ଦିନ ମଧ୍ୟରେ ୫୦୦ରୁ ଊର୍ଦ୍ଧ୍ୱ କରୋନା ପଜିଟିଭ ଚିହ୍ନଟ ହୋଇଛନ୍ତି । ସ୍ଥିତି ନିୟନ୍ତ୍ରଣ ବାହାରକୁ ଯାଉଥିବା ଦେଖି ଜାପାନ ପ୍ରଧାନ ମନ୍ତ୍ରୀ ଶିଞ୍ଜୋ ଆବେ ମଙ୍ଗଳବାର ଏ ନେଇ ଏକ ଗୁରୁତ୍ୱପୂର୍ଣ୍ଣ ଘୋଷଣା ନିଆଯିବ ବୋଲି କହିଛନ୍ତି । ରିପୋର୍ଟ ମୁତାବକ ଏଠାରେ ଏମରଜେନ୍ସି ଲଗା ଯାଇପାରେ । ଏଥିନେଇ ସେ କ୍ୟାବିନେଟ ସହ ପରାମର୍ଶ କରୁଥିବା ଜଣାପଡିଛି । ଏହା ଅନ୍ୟ ଦେଶ ଭଳି ଲଗାଯାଇଥିବା ଲକଡାଉନ ଶୈଳୀ ହେବ ନାହିଁ ବୋଲି କୁହାଯାଇଛି । କରୋନା ରୋଗୀଙ୍କ ଚିକିତ୍ସା ପାଇଁ ପୂର୍ବରୁ ଜାପାନ ସରକାର ୫୪ କୋଟି ଟଙ୍କା ଘୋଷଣା କରିସାରିଛି ।
Comments are closed.