ମୁମ୍ବାଇ: ମୁମ୍ବାଇ ସହରର ଆଗ୍ରିପଡାରେ ଥିବା ୱକହାର୍ଡ ହସ୍ପିଟାଲ ସିଲ୍ ହୋଇଛି । ଏଠାରେ ୨୬ ଜଣ ନର୍ସ ଓ ୩ଜଣ ଡାକ୍ତର କରେନା ଆକ୍ରାନ୍ତ ହେବା ପରେ ପ୍ରଶାସନ ପକ୍ଷରୁ ଏହାକୁ ସିଲ୍ କରାଯାଇଛି । ଏହି ହସ୍ପିଟାଲ ଠାରୁ ଦୂରେଇ ରହିବା ପାଇଁ ବ୍ରିହାନମୁମ୍ବାଇ ମ୍ୟୁନିସିପାଲ କର୍ପୋରେସନ୍ ପରାମର୍ଶ ଦେଇଛି ।
ବିଏମସି ମ୍ୟୁନିସିପାଲିଟି କମିଶନର ସୁରେଶ କାକାନି କହିଛନ୍ତି ଯେ, ସେମାନେ ଡାକ୍ତରଖାନାକୁ ସିଲ୍ କରିଛନ୍ତି ଏବଂ ସ୍ୱାବ ରିପୋର୍ଟ ନେଗେଟିଭ ନଆସିବା ପର୍ୟ୍ୟନ୍ତ କର୍ମଚାରୀଙ୍କୁ ବାହାରକୁ ଯିବାକୁ ଅନୁମତି ନାହିଁ। ଡାକ୍ତରଖାନା ପ୍ରଶାସନ ସତର୍କତା ଅବଲମ୍ବନ କରୁନଥିବାରୁ ଆଜି ଡାକ୍ତରଖାନାର ପ୍ରାୟ ୩୦୦କର୍ମଚାରୀଙ୍କୁ କ୍ୱାରେଣ୍ଟାନରେ ରଖାଯାଇଛି । ଡାକ୍ତରଖାନା ପରିସରରେ ଏତେ ସଂଖ୍ୟକ ଲୋକଙ୍କ ମଧ୍ୟରେ ଏହି ଭୂତାଣୁ କିପରି ବ୍ୟାପିଛି ତାହାର ତଦନ୍ତ ପାଇଁ ଟିମ୍ ଗଠନ କରାଯାଇଥିବା ସେ କହିଛନ୍ତି ।
ଗତ ୨୮ ତାରିଖରେ ସାଧାରଣ ଆଇସିୟୁରେ କାମ କରୁଥିବା ୨ଜଣ ନର୍ସଙ୍କ କରୋନା ରିପୋର୍ଟ ପଜିଟିଭ୍ ଆସିଥିଲା । ଏହାପରେ ଅନ୍ୟ ୨୬ଜଣଙ୍କ ଟେଷ୍ଟ ରିପୋର୍ଟ ପଜିଟିଭ୍ ଆସିଥିଲା । ଏପରିକି କ୍ୱାରଣ୍ଟାଇନ ଓ୍ୱାର୍ଡରେ ଥିବା ସ୍କ୍ରିନ, ବେଡସିଟକୁ ସାଧାରଣ ଓ୍ୱାର୍ଡରେ ମଧ୍ୟ ବ୍ୟବହାର କରଯାଇଥିବା କିଛି ରୋଗୀଙ୍କ ସମ୍ପର୍କୀୟ ଅଭିଯୋଗ କରିଛନ୍ତି ।
Comments are closed.