ମୁମ୍ବାଇ / ଭୁବନେଶ୍ୱର: ଜିଓ ତାର ଗ୍ରାହକ ମାନଙ୍କୁ ସବୁବେଳେ କିଛି ନା କିଛି ଖାସ ଅଫର ରଖିଥାଏ | ସେହିଭଳି ନୂଆ ଓ ପୁରୁଣା ଜିଓ ଫାଇବର ଗ୍ରାହକଙ୍କୁ ମଧ୍ୟ ସେହିପରି ଅଫର ଦେବାକୁ ଘୋଷଣା କରିଛି | ଖାଲି ଘୋଷଣା କରିନି ଏକ ପ୍ରକାର ଅନ୍ୟ ପ୍ରତିଦ୍ବନ୍ଦିଙ୍କ ଠାରୁ ଭଲ ସେବା ଦେବାକୁ କହିଛି |
ଜିଓ ତାର ଗ୍ରାହକଙ୍କ ପ୍ରତି ରହିଥିବା ଏହାର ଆଗ୍ରହକୁ ଦୋହରାଇ ଏବଂ ‘ନୂଆ ଭାରତର ନୂଆ ଜୋଶ୍’ (ନୟେ ଇଣ୍ଡିଆ କା ନୟା ଜୋଶ୍)କୁ ପାଳନ କରି ପ୍ରତିଟି ଭାରତୀୟଙ୍କ ଘରକୁ ସଶକ୍ତ କରିବା ନିମମନ୍ତେ ଜିଓ ଫାଇବର୍ ପକ୍ଷରୁ ଏହାର ଟାରିଫ୍ ପ୍ଲାନ୍ଗୁଡିକର ପୁନର୍ବିନ୍ୟାସ କରାଯାଇଛି । ବର୍ତ୍ତମାନର ଆହ୍ୱାନପୂର୍ଣ୍ଣ ସମୟରେ ଯେତେବେଳେ ଭରସାଯୋଗ୍ୟ ଇଟଂରନେଟ୍ ସଂଯୋଗ ଏକ ଆବଶ୍ୟକ ନିୟମରେ ପରିଣତ ହୋଇଛି, ସେତେବେଳେ ଏହି ନୂତନ ଟାରିଫ୍ ପ୍ଲାନ୍ଗୁଡ଼ିକ ଗ୍ରହେକଙ୍କୁ ସର୍ବାଧିକ ସୁଲଭତା ପ୍ରଦାନ କରୁଛି ।
ନୂଆ ଜିଓ ଫାଇବର ପ୍ଲାନ୍ଗୁଡିକରେ ରହିଛି ବାସ୍ତବ ଅସୀମିତ ଇଟଂରନେଟ୍, ବେଗର ସମାନତା (ସମାନ ଅପ୍ଲୋଡ୍ ବେଗ ଓ ଡାଉନ୍ଲୋଡ୍ ବେଗ), ମାସିକ ମାତ୍ର ୩୯୯ ଟଙ୍କାରୁ ଆରମ୍ଭ ପ୍ଲାନ୍ସମୂହ ଏବଂ ବିନା କୌଣସି ଅତିରିକ୍ତ ଖର୍ଚ୍ଚରେ ୧୨ଟି ଶ୍ରେଷ୍ଠ ପେଡ୍ ଓଟିଟି ଆପ୍ର ସବ୍ସ୍କ୍ରିପ୍ସନ୍ ଭଳି ଖାସ ସୁବିଧା ରହିଛି ।
ଏ ସମ୍ପର୍କରେ ଶ୍ରୀଯୁକ୍ତ ଆକାଶ ଅମ୍ବାନି, ନିର୍ଦ୍ଦେଶକ, ଜିଓ କହିଛନ୍ତି ଯେ, “ନିୟୁତାଧିକ ଘରେ ସଂଯୋଗ ପ୍ରଦାନ ସହିତ ଜିଓଫାଇବର ଦେଶର ସର୍ବବୃହତ ଫାଇବର୍ ପ୍ରଦାନକାରୀ ହୋଇସାରିଛି, ମାତ୍ର ଭାରତ ଓ ଭାରତୀୟଙ୍କ ପାଇଁ ଆମର ଲକ୍ଷ୍ୟ ବହୁତ ବଡ଼ । ଆମେ ଫାଇବର୍କୁ ପ୍ରତିଟି ଘରେ ପହଂଚାଇବାକୁ ଏବଂ ପରିବାରର ପ୍ରତିଟି ସଦସ୍ୟଙ୍କୁ ସଶକ୍ତ କରିବାକୁ ଚାହୁଛୁ । ଜିଓ ସହିତ ଭାରତକୁ ମୋବାଇଲ୍ ସଂଯୋଗ କ୍ଷେତ୍ରରେ ସର୍ବବୃହତ ଓ ଦ୍ରୁତ ଅଭିବୃଦ୍ଧିଶୀଳ ଦେଶରେ ପରିଣତ କରିବା ପରେ, ଜିଓଫାଇବର୍ ଭାରତକୁ ବିଶ୍ୱରେ ବ୍ରଡ୍ବ୍ୟାଣ୍ଡ୍ କ୍ଷେତ୍ରରେ ଅଗ୍ରଣୀ ସ୍ଥାନକୁ ଉନ୍ନୀତ କରିବ ଏବଂ ଏଥିପାଇଁ ୧୬୦୦ରୁ ଅଧିକ ସହର ଓ ନଗରରେ ବ୍ରଡ୍ବ୍ୟାଣ୍ଡ୍ ସେବା ପ୍ରଦାନ କରାଯିବ । ବିଶ୍ୱରେ ବ୍ରଡ୍ବ୍ୟାଣ୍ଡ୍ କ୍ଷେତ୍ରରେ ଭାରତକୁ ଅଗ୍ରଣୀ କରାଇବା ନିମନ୍ତେ ଏହି ଜିଓଫାଇବର୍ ଅଭିଯାନରେ ସାମିଲ ହେବା ପାଇଁ ମୁଁ ସମସ୍ତଙ୍କୁ ଆହ୍ୱାନ ଦେଉଛି । ’’
ଜିଓ ଫାଇବର ବିନା ସର୍ତ୍ତରେ ୩୦-ଦିନ ମାଗଣା ପରୀକ୍ଷଣ:
ଜିଓ ଫାଇବର୍ର ୩୦-ଦିନ ମାଗଣା ପରୀକ୍ଷଣ ସୁଯୋଗ ଦେଉଛି ଏବଂ ବିନା ସର୍ତ୍ତ ରେ ୧୫୦ ଏମବିପିଏସ୍ ବେଗର ବାସ୍ତବ ଅସୀମିତ ଇଟଂରନେଟ, ୪କେ ସେଟ୍ ଟପ୍ ବକ୍ସ ସହିତ ବିନା ଖର୍ଚ୍ଚରେ ୧୦ ଶ୍ରେଷ୍ଠ ଓଟିଟି ଆପ୍ର ବ୍ୟବହାର ସୁଯୋଗ ଏବଂ ନିଶୁଳ୍କ ଭଏସ୍ କଲିଂ ସୁବିଧା । ଯଦି ସେବା ପସନ୍ଦ ନଆସିବ, ତେବେ ବିନା କୌଣସି ପ୍ରଶ୍ନରେ ତାହା କମ୍ପାନୀକୁ ଫେରସ୍ତ ଦିଆଯାଇପାରିବ ବୋଲି ଦୃଢ଼ ଭାବେ କମ୍ପାନୀ ଦାବୀ କରିଛି । ତେବେ ୩୦ ଦିନିଆ ମାଗଣା ପରୀକ୍ଷାମୂଳକ ସେବା କେବଳ ନୂଆ ଗ୍ରାହକମାନଙ୍କ ପାଇଁ ପ୍ରଯୁଯ୍ୟ ହେବ ।
ଆସନ୍ତୁ ଜାଣିବା କଣ ସବୁ ସୁବିଧା ଜିଓ ଫାଇବର୍ ସହ ମିଳୁଛି:
୧. ହାଇ ସ୍ପିଡ୍ ଇଣ୍ଟରନେଟ୍:
ଘରେ ସମ୍ପୂର୍ଣ୍ଣ ଭରସାଯୋଗ୍ୟ ଇଣ୍ଟରନେଟ୍ ଓ ୱାଇ-ଫାଇ ଯାହା ଘରର ପ୍ରତ୍ୟେକ ସଦସ୍ୟଙ୍କୁ ଶିକ୍ଷା, କାର୍ଯ୍ୟ, ସ୍ୱାସ୍ଥ୍ୟ ଓ ସପିଙ୍ଗ୍ର ଅନୁଭୂତି ପ୍ରଦାନ କରିବ ।
୨. ମନୋରଞ୍ଜନ:
ଅନ୍-ଡିମାଣ୍ଡ୍ ଭିଡିଓ, ଲାଇଭ୍ ଟିଭି, ସିନେମା ଓ ଆହୁରି ବହୁତ କିଛି ସହ ମନୋରଂଜନ ଅନୁଭୂତିରେ ବୈପ୍ଳବିକ ପରିବର୍ତ୍ତନ । ନେଟଫ୍ଲିକ୍ସ, ଆମାଜନ, ଡିଜନି+ ହଟ୍ଷ୍ଟାର୍ ଇତ୍ୟାଦି ୧୨ଟି ପେଡ୍ ଓଟିଟି ଆପ୍ ବିନା ଅତିରିକ୍ତ ଖର୍ଚ୍ଚରେ ମିଳିବ । ଟିଭିରେ ୟୁଟ୍ୟୁବ୍ ଠାରୁ ଆରମ୍ଭ କରି ନିଜ ପସନ୍ଦର ପୁରୁଣା ଟିଭି ସୋ’ ଦେଖିବା ପର୍ଯ୍ୟନ୍ତ ଗୋଟିଏ ଆପ୍ ଜିଓ ଟିଭି ପ୍ଲସ୍ରେ ସବୁ କିିଛି ଉପଲବ୍ଧ ହେବ ।
୩. କଣ୍ଟେଣ୍ଟ୍ ଖୋଜିବା ସହଜ:
ଜିଓ ରିମୋଟ୍ରେ ଭଏସ୍ ସର୍ଚ୍ଚ ସୁବିଧା ସହିତ କଣ୍ଟେଣ୍ଟ୍ର ସର୍ବବୃହତ ଲାଇବ୍ରେରି ମଧ୍ୟରୁ ଖୋଜିବା ସହଜ ହେବ ।
୪. ଦୁନିଆ ସହିତ ସଂଯୋଗ:
ବିନା ମୂଲ୍ୟରେ ଏଚଡି ଭଏସ୍ କଲିଂ ସହିତ ନିଜର ବନ୍ଧୁ, ପରିବାର ଏବଂ କର୍ମକ୍ଷେତ୍ର ସହ ସମ୍ପର୍କରେ ରୁହନ୍ତୁ ଅଥବା ଦୁନିଅ।।ର ଯେକୌଣସି ସ୍ଥାନର ଯେକୌଣସି ବ୍ୟକ୍ତିଙ୍କୁ ଭିଡିଓ କଲ୍ ଓ କନଫରେନ୍ସ କରନ୍ତୁ ।
୫. ୱାର୍କ ଫ୍ରମ ହୋମ୍:
ଜିଓ ମିଟ୍ ଓ ଭରସାଯୋଗ୍ୟ ବ୍ରଡ୍ବ୍ୟାଣ୍ଡ୍ ସଂଯୋଗ ସହିତ ବିନା କୌଣସି ପ୍ରତିମନ୍ଧକରେ ଘରେ ରହି କାର୍ଯ୍ୟ କରନ୍ତୁ ।
୬. ହେଲ୍ଥ ଆଟ୍ ହୋମ୍:
ଜିଓ ମିଟ୍ ଓ ଭରସାଯୋଗ୍ୟ ବ୍ରଡ୍ବ୍ୟାଣ୍ଡ୍ ସଂଯୋଗ ଆପଣଙ୍କୁ ଘରେ ରହି ଡାକ୍ତରଙ୍କ ସହ ପରାମର୍ଶ କରିବା ଏବଂ ବିଭିନ୍ନ ପ୍ରକାର ଗୁରୁତ୍ୱପୂର୍ଣ୍ଣ ନିଦାନ କରିବାରେ ସହାୟକ ହେବ |
୭. ଗେମସ୍ ଆଟ୍ ହୋମ୍:
ଉପଭୋଗ୍ୟ ଗେମିଂ ଅନୁଭୂତି ପାଇଁ ଜିଓ ଗେମସ୍ ଆକର୍ଷଣୀୟ ଗେମିଂ ବିକଳ୍ପ ପ୍ରଦାନ କରୁଛି |
ସେପ୍ଟେମ୍ବର ୧ରୁ ସକ୍ରିୟ ହେଉଥିବା ନୂଆ ଜିଓ ଫାଇବର୍ ଗ୍ରାହକମାନେ ୩୦-ଦିନର ମାଗଣା ପରୀକ୍ଷଣ ସୁବିଧା ପାଇପାରିବେ | ଭରସା ରଖିଥିବା ଗ୍ରାହକମାନଙ୍କୁ ପୂରସ୍କୃତ କରିବାରେ ଜିଓ ସର୍ବଦା ବିଶ୍ୱାସ ରଖୁଥିବାରୁ ଜିଓ ଫାଇବର୍ ର ପୁରୁଣା ଗ୍ରାହକମାନଙ୍କୁ ଏହି ସବୁ ସ୍ୱତନ୍ତ୍ର ସୁବିଧା ମିଳିବ | ସମସ୍ତ ପୁରୁଣା ଜିଓଫାଇବର୍ ଗ୍ରାହକମାନେ ନୂଆ ଟାରିଫ୍ ପ୍ଲାନ୍ରେ ମିଳୁଥିବା ସବୁ ସୁବିଧା ଓ ଲାଭକୁ ଉନ୍ନୀତ ହୋଇପାରିବେ | ଅଗଷ୍ଟ ୧୫ରୁ ୩୧ ତାରିଖ ମଧ୍ୟରେ ଯେଉଁ ଜିଓ ଫାଇବର୍ ଗ୍ରାହକମାନେ ସାମିଲ ହୋଇଛନ୍ତି ସେମାନେ ମାଇଁଜିଓରେ ଏକ ଭାଉଚର ଜରିଆରେ ୩୦ ଦିନିଆ ମାଗଣା ପରୀକ୍ଷଣ ସୁବିଧା ପାଇବେ |
ଜିଓ ର ଏଇ ଘୋଷଣା ଆଗାମୀ ଦିନରେ ଅଧିକରୁ ଅଧିକ ଗ୍ରାହକଙ୍କୁ ଉନ୍ନତ ଗୁଣବତ୍ତା ସମ୍ପନ୍ନ ସେବା ଯୋଗାଇଦେବା ସହ ଖୁବ କମ ଦିନରେ ଜିଓ ଫାଇବର ଗ୍ରାହକଙ୍କୁ ଆକୃଷ୍ଟ କରିବାର ଲକ୍ଷ୍ୟ ରଖିଛି |
