ନ୍ୟୁଜର୍ସି: ଜନସନ ଆଣ୍ଡ ଜନସନର ସିଙ୍ଗଲ ସଟ୍ ଟିକା କରୋନାର ଦ୍ରୁତ ବିସ୍ତାରିତ ଡେଲ୍ଟା ଭାରିଆଣ୍ଟକୁ ଶକ୍ତିହୀନ କରୁଛି। ଏ ନେଇ ଗୁରୁବାର ଏକ ଅଧ୍ୟୟନ ପରେ ଜନସନ ଆଣ୍ଡ ଜନସନ ଘୋଷଣା କରିଛି।
ତଥ୍ୟ ଅନୁଯାୟୀ ଜନସନ ଆଣ୍ଡ ଜନସନର ସିଙ୍ଗଲ୍ ସଟ ଟିକା ଡେଲ୍ଟା ଭାରିଆଣ୍ଟ ବିରୁଦ୍ଧରେ ପ୍ରଭାବଶାଳୀ ଏବଂ ସଂକ୍ରମଣରୁ ସ୍ଥାୟୀ ସୁରକ୍ଷା ଯୋଗାଇଥାଏ। ରିପୋର୍ଟ ଅନୁଯାୟୀ ଏହି ଟିକା ଡେଲଟା ଭାରିଆଣ୍ଟ ଏବଂ ଅନ୍ୟାନ୍ୟ ଭାରିଆଣ୍ଟ ବିରୁଦ୍ଧରେ ଦୃଢ ଏବଂ ସ୍ଥାୟୀ କାର୍ଯ୍ୟକଳାପ ସୃଷ୍ଟି କରିଥିଲା।
ଲାବୋରେଟୋରୀ ଅଧ୍ୟୟନରୁ ମିଳିଥିବା ତଥ୍ୟରୁ ଜଣାପଡିଛି ଯେ ପ୍ରତିରକ୍ଷା ପ୍ରତିକ୍ରିୟାର ସ୍ଥାୟୀତ୍ୱ ଅତି କମରେ ଆଠ ମାସ ପର୍ଯ୍ୟନ୍ତ ରହିଥିଲା।
ରିପୋର୍ଟରେ ଏହା ମଧ୍ୟ ଦର୍ଶାଯାଇଛି ଯେ ସିଙ୍ଗଲ୍-ଡୋଜ୍ ଟିକା, ଦକ୍ଷିଣ ଆଫ୍ରିକାର ବିଟା (B.1.351) ପ୍ରକାର ତୁଳନାରେ ନିକଟରେ ଦେଖାଯାଇଥିବା ଡେଲଟା ଭାରିଆଣ୍ଟ ବିରୁଦ୍ଧରେ ଆଣ୍ଟିବଡି କାର୍ଯ୍ୟକଳାପକୁ ଅଧିକ ଉଚ୍ଚ ସ୍ତରରେ ଶକ୍ତିହୀନ କରିଥାଏ। ଏଥିସହ, ଏହା ଗୁରୁତର ସଂକ୍ରମଣରୁ ୮୫ ପ୍ରତିଶତ ଫଳପ୍ରଦତା ପ୍ରଦାନ କରିଛି।
Comments are closed.