ନିଆରା ପରମ୍ପରା, ୩ ବର୍ଷରେ ଶବକୁ କାଢ଼ି ଉତ୍ସବ ପାଳନ କରିଥାନ୍ତି ଟୋରାଜାନ ଜାତିର ଲୋକ

ନୂଆଦିଲ୍ଲୀ: ଦୁନିଆକୁ ରହସ୍ୟ ଘେରି ରହିଛି । ଏହା ସହିତ ବିଭିନ୍ନ ସ୍ଥାନରେ ପାଳନ କରାଯାଉଥିବା କେତେକ ପରମ୍ପରା ଆମକୁ ଆଶ୍ଚର୍ଯ୍ୟଚକିତ କରିଥାଏ । ଏ ଭଳି ଏକ ପରମ୍ପରା ଇଣ୍ଡୋନେସିଆର ଟୋରାଜନ ଜାତିର ଲୋକ ପାଳନ କରିଥାନ୍ତି । ସେମାନେ ମା ନେନେ ଉତ୍ସବରେ ନିଜ ପରିଜନଙ୍କ ୩ ବର୍ଷ ତଳେ ପୋତା ଯାଇଥିବା ଶବକୁ ବାହାର କରିଥାନ୍ତି । ଶବକୁ ସୁସଜ୍ଜିତ କରାଯିବା ସହ ଉପସ୍ଥିତିରେ ଭୋଜି ମଧ୍ୟ ଆୟୋଜନ କରାଯାଇଥାଏ । ଟୋରାଜନ ସମ୍ପ୍ରଦାୟର ବିଶ୍ୱାସ ରହିଛି ମୃତ୍ୟୁ ଜୀବନର ଚରମ ସତ୍ୟ । ଏହା ପରେ ପର୍ଯ୍ୟାୟ କ୍ରମେ ମୃତକର ଦ୍ୱିତୀୟ ଯାତ୍ରା ଆରମ୍ଭ ହୋଇଥାଏ । ଏହି ଯାତ୍ରା ପାଇଁ ସେମାନେ ତାଙ୍କ ନିଜ ଲୋକଙ୍କ ଶବକୁ ଭଲ ଭାବେ ବେଶ ଭୂଷା କରିଥାନ୍ତି । ଲୋକକଥା ଅନୁସାରେ ଥରେ ଜଣେ ଶିକାରୀ ଜଙ୍ଗଲ ମଧ୍ୟରେ ଏକ ପୋଚାସଢ଼ା ଶବ ଦେଖିଲା । ଶିକାରୀ ସେହି ଶବକୁ ସଫା ସୁତୁରା କରିବା ସହ ସୁସଜ୍ଜିତ କରିଥିଲା । ଏହା ପର ଉକ୍ତ ଶିକାରୀର ଜୀବନର ଗତିପଥ ବଦଳି ଯାଇଥିଲା । ସେବେ ଠାରୁ ଏହି ପରମ୍ପରା ଚାଲି ଆସୁଛି ।