ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡାରେ ଚମତ୍କାର ପ୍ରଦର୍ଶନ ସତ୍ୱେ ଭାରତର ଜୁଡାକୋ ସୁଶୀଲା ଦେବୀ ଲିକମାବାମ ରୌପ୍ୟ ପଦକରେ ସନ୍ତୁଷ୍ଟ ହେବାକୁ ବାଧ୍ୟ ହୋଇଛି । ୪୮ କେଜି ମହିଳା ଜୁଡୋ ଫାଇନାଲରେ ସେ ଦକ୍ଷିଣ ଆଫ୍ରିକାର ମାଇକେଲା ହ୍ୱାଇଟବୁଇଙ୍କ ନିକଟରୁ ପରାଜିତ ହୋଇଥିଲେ । ନିର୍ଦ୍ଧାରିତ ସମୟ ପର୍ଯ୍ୟନ୍ତ ଉଭୟ ପଂଏଟ ସ୍କୋର କରିପାରି ନ ଥିଲେ । ତେବେ ଅତିରିକ୍ତ ସମୟରେ ହ୍ୱାଇଟବୁଇ ବାଜି ମାରିଥିଲେ । ପୂର୍ବରୁ ପ୍ରିଶ୍ଚିଲା ମୋରାଣ୍ଡ ଓ ହ୍ୟାରିଏଟ ବୋପାଫେସଙ୍କୁ ପରି ଷ୍ଟାର ଖେଳାଳିଙ୍କୁ ପରାସ୍ତ କରି ସୁଶୀଲା ଫାଇନାଲକୁ ଉନ୍ନୀତ ହୋଇଥିଲେ । ଏହା ପୂର୍ବରୁ ପ୍ରଥମ ଭାରତୀୟ ଭାବେ ଜୁଡୋରେ ସେ ଅଲିମ୍ପିକ୍ସ ଯୋଗ୍ୟତା ଅର୍ଜନ କରିଥିଲେ । ୨୦୧୪ ରାଜ୍ୟଗୋଷ୍ଠୀ କ୍ରୀଡାରେ ସେ ରୌପ୍ୟ ପଦକ ଜିତ ଭାରତ ପାଇଁ ଗୌରବ ଅର୍ଜନ କରିଥିଲେ । ସୁଶୀଲାଙ୍କ ରୌପ୍ୟ ପଦକ ସଫଳତା ନେଇ ବିଭିନ୍ନ ମହଲରୁ ପ୍ରଶଂସାର ସୁଅ ଛୁଟିବାରେ ଲାଗିଛି ।
Comments are closed.