ମୁମ୍ବାଇ: ବଲିଉଡ ଅଭିନେତ୍ରୀ ତଥା ଆଦିପୁରୁଷରେ ଜାନକୀ ରୋଲ କରିଥିବା କ୍ରିତି ସେନନ ତାଙ୍କର ନୂତନ ପ୍ରଡକ୍ସନ ହାଉସ ଆରମ୍ଭ କରିଛନ୍ତି । କ୍ରିତିଙ୍କ ବ୍ଲୁ ବଟରଫ୍ଲାଏ ବ୍ୟାନର ତଳେ ଦୋ ପତି ନାମକ ଫିଲ୍ମ ନିର୍ମାଣ ହେବାକୁ ଯାଉଛି । ଏହି ଥ୍ରୀଲର ଫିଲ୍ମରେ କାଜଲ ମୂଖ୍ୟ ଭୂମିକାରେ ଅବତୀର୍ଣ୍ଣ ହେବେ । କାଜୋଲଙ୍କ ସହ ଫଟୋ ଶେୟାର କରି ସେ ଲେଖିଛନ୍ତି ଦୋ ପତି ଫିଲ୍ମ ଘୋଷଣା କରିବା ନେଇ ମୁଁ ବେଶ ଖୁସି ଅଛି । ୮ ବର୍ଷ ପରେ ପୁନର୍ବାର କାଜୋଲ ମାଡାମଙ୍କ ସହ କାମ କରିବାକୁ ଯାଉଛି । ଆଉ କନିକା ମୋ ପସନ୍ଦର ଅଭିନେତ୍ରୀଙ୍କ ମଧ୍ୟରୁ ଜଣେ । ତାଙ୍କ ସହ ମିଶି ଏହି ଫିଲ୍ମ କରୁଥିବାରୁ ଏହା ନିଶ୍ଚିତ ଭାବେ ସଫଳ ହେବ ବୋଲି ସେ କହିଛନ୍ତିି ।
ଫିଲ୍ମଟି ନେଟଫ୍ଲିକ୍ସରେ ରିଲିଜ ହେବ ବୋଲି ସ୍ଥିର ହୋଇଛି । ତ୍ରିଭଙ୍ଗା ଓ ଲଷ୍ଟ ଷ୍ଟୋରିଜ ୨ରେ ପରେ ପୁନର୍ବରେ ନେଟଫ୍ଲିକ୍ସ ସହ କାମ କରିବା ନେଇ ମୁଁ ଉତ୍ସାହିତ ଅଛି ବୋଲି କାଜୋଲ କହିଛନ୍ତି । ଫିଲ୍ମର ନିର୍ଦ୍ଦେଶକଙ୍କ ସମ୍ପର୍କରେ କୌଣସି ଘୋଷଣା କରାଯାଇ ନାହିଁ । ଦୋ ପତି ସିଧାସଳଖ ଓଟିଟିରେ ରିଲିଜ ହେବ । ଉତର ଭାରତର ପାହାଡିଆ ପରିବେଶରେ ଏହି ଫିଲ୍ମର ଶୁଟିଂ ହେବ ବୋଲି ସ୍ଥିର ହୋଇଛି ।
Comments are closed.