ମୁମ୍ବାଇ: ଆଇଏମଡିବି ବୁଧବାର ୨୦୨୪ର ଶ୍ରେଷ୍ଠ ଭାରତୀୟ ଫିଲ୍ମର ତାଲିକା ଜାରୀ କରିଛି । ଏହି ତାଲିକାରେ ପ୍ରଭାସଙ୍କ ଅଭିନୀତ କଲକୀ ୨୮୯୮ ଏଡି ଶୀର୍ଷ ସ୍ଥାନରେ ରହିଛି । ପ୍ରଭାସଙ୍କ ବ୍ୟତୀତ ଏହି ଫିଲ୍ମରେ ଦୀପିକା ପାଦୁକୋନ, କମଳା ହାସନ ଓ ଅମିତାଭ ବଚ୍ଚନ ଅଭିନୟ କରିଥିଲେ । ନାଗ ଅଶ୍ୱୀନ ଏହାର ନିର୍ଦ୍ଦେଶନା ଦେଇଥିଲେ । ସ୍ତ୍ରୀ ୨ ଏହି ତାଲିକାରେ ଦ୍ୱିତୀୟ ସ୍ଥାନରେ ରହିଛି । ଅମର କୌଶଲଙ୍କ ଏହି ହରର କମେଡିରେ ରାଜକୁମାର ରାଓ ଓ ଶ୍ରଦ୍ଧା କାପୁର ଅଭିନୟ କରିଥିଲେ । ତୃତୀୟ ସ୍ଥାନରେ ରହିଛି ବିଜୟ ସେତୁପତିଙ୍କ ମହାରାଜା । ନିଥିଲାନ ସାମିନାଥାନ ନିର୍ଦ୍ଦେଶିତ ଏହି ତାମିଲ ଡ୍ରାମାରେ ଅନୁରାଗ କାଶ୍ୟପ ଓ ମମତା ମୋହନଦାସଙ୍କ ଅଭିନୟ ସମସ୍ତଙ୍କୁ ପସନ୍ଦ ଆସିଥିଲା ।
ସେହିପରି ଅଜୟ ଦେବଗାନ, ଆର.ମାଧବନଙ୍କ ଶୈତାନ ଏବଂ ହ୍ରିତକ ରୋଶନ, ଦୀପିକା ପାଦୁକୋନଙ୍କ ଫାଇଟର ଫିଲ୍ମ ୪ର୍ଥ ଏବଂ ୫ମ ସ୍ଥାନରେ ରହିଛି । ୬ରୁ ୧୦ମ ସ୍ଥାନ ମଧ୍ୟରେ ମଞ୍ଜୁମାମେଲ ବୟଜ, ଭୁଲ ଭୁଲୈୟା, କିଲ, ସିଂଘମ ଏଗେନ ଓ ଲାପତା ଲେଡିଜ ରହିଛି । ନିକଟରେ ରିିଲିଜ ହୋଇଥିବା ପୁଷ୍ପା ୨ ଫିଲ୍ମ ଏଥିରେ ସାମିଲ କରାଯାଇନି । ଏହି ତାଲିକାରେ ଅଧିକାଂଶ ଫିଲ୍ମ ବକ୍ସ ଅଫିସରେ ସେଭଳି ଭଲ ପ୍ରଦର୍ଶନ କରି ନ ଥିଲେ ମଧ୍ୟ ଆଇଏମଡିବି ତାଲିକାରେ ସ୍ଥାନ ପାଇବାରେ ସଫଳ ହୋଇଛନ୍ତି ।