‘ପରିବାର ଭାଙ୍ଗିଛନ୍ତି ମହୁଆ’, ମହୁଆଙ୍କ ବ୍ୟକ୍ତିଗତ ଜୀବନକୁ ଟାର୍ଗେଟ କରି ବର୍ଷିଲେ କଲ୍ୟାଣ ବାନାର୍ଜି

କୋଲକାତା: ପୁଣି ପଦାରେ ପଡିଛି ଟିଏମସି ନେତା ମହୁଆ ମୋଇତ୍ର ଏବଂ କଲ୍ୟାଣ ବାନାର୍ଜି କଳି । ଏଥିର ସିଧା ମହୁଆଙ୍କ ବ୍ୟକ୍ତିଗତ ଜୀବନକୁ ନେଇ ଟାର୍ଗେଟ କରିଛନ୍ତି କଲ୍ୟାଣ । ତେବେ ଟିଏମସି ସାଂସଦ ମହୁଆ ମୋଇତ୍ରା କଲ୍ୟାଣ ବାନାର୍ଜୀଙ୍କ ବୟାନକୁ ସମାଲୋଚନା କରିଥିଲେ, ସେ ରାଗି ଯାଇଥିଲେ ଏବଂ ବ୍ୟକ୍ତିଗତ ଆକ୍ରମଣ ଆରମ୍ଭ କରିଛନ୍ତି । ବାନାର୍ଜୀ ମୋଇତ୍ରାଙ୍କୁ ଘର ଭାଙ୍ଗି ବୋଲି କହିଛନ୍ତି ।

କଲ୍ୟାଣ ବାନାର୍ଜୀ ମୋଇତ୍ରାଙ୍କ ବ୍ୟକ୍ତିଗତ ଜୀବନକୁ ନେଇ କଟାକ୍ଷ କରି କହିଛନ୍ତି, ତାଙ୍କ ବିବାହକୁ ଟାର୍ଗେଟ କରି କହିଛନ୍ତି ଯେ ସେ ୪୦ ବର୍ଷ ଧରି ବିବାହିତ ଜଣେ ବ୍ୟକ୍ତିଙ୍କ ପରିବାରକୁ ଭାଙ୍ଗି ଦେଇଛନ୍ତି  । ଓଡ଼ିଶାର ବିଜେଡି ପୂର୍ବତନ ସାଂସଦ ପିନାକୀ ମିଶ୍ରଙ୍କ ସହ ତାଙ୍କ ବିବାହକୁ ଉଲ୍ଲେଖ କରି ସେ ଏହା କହିଛନ୍ତି । “ମହୁଆ ତାଙ୍କ ହନିମୁନ ପରେ ଭାରତ ଫେରି ଆସି ମୋ ସହିତ ଝଗଡ଼ା କରିବା ଆରମ୍ଭ କରିଛନ୍ତି । ସେ ମୋତେ ମହିଳା ବିରୋଧୀ ବୋଲି ଅଭିଯୋଗ କରିଛନ୍ତି, ସେ କ’ଣ? ସେ ୪୦ ବର୍ଷର ବିବାହ ଭାଙ୍ଗି ୬୫ ବର୍ଷ ବୟସ୍କ ଜଣେ ବ୍ୟକ୍ତିଙ୍କୁ ବିବାହ କରିଛନ୍ତି। ସେ କ’ଣ ସେହି ମହିଳାଙ୍କୁ ଆଘାତ ଦେଇ ନାହାଁନ୍ତି? ବୋଲି ପ୍ରଶ୍ନ କରିଛନ୍ତି କଲ୍ୟାଣ । ନୀତିଶାସ୍ତ୍ର ଉଲ୍ଲଂଘନ ପାଇଁ ସଂସଦରୁ ବହିଷ୍କୃତ ହୋଇଥିବା ଜଣେ ସାଂସଦ ମୋତେ ପ୍ରଚାର କରୁଛନ୍ତି । ସେ ସବୁଠାରୁ ମହିଳା ବିରୋଧୀ। ସେ କେବଳ ତାଙ୍କ ଭବିଷ୍ୟତକୁ କିପରି ସୁରକ୍ଷିତ କରିବେ ଏବଂ ଟଙ୍କା କିପରି ରୋଜଗାର କରିବେ ତାହା ଜାଣନ୍ତି, ବୋଲି କହି ବର୍ଷିଛନ୍ତି କଲ୍ୟାଣ ।

ତେବେ କଲ୍ୟାଣଙ୍କ ଏପରି ବୟାନ ଟିଏମସି ସାଂସଦ ମହୁଆ ମୋଇତ୍ରା କଲ୍ୟାଣ ବାନାର୍ଜୀଙ୍କ କୋଲକାତା ଆଇନ କଲେଜ୍ ଗ୍ୟାଙ୍ଗରେପ ନେଇ ସରକାରଙ୍କ ନିଜ ଦଳକୁ ଟାର୍ଗେଟ କରିବା ପରେ ଆସିଛି । ଯେଉଁଥିରେ ସେ କହିଥିଲେ, ଭାରତରେ ମହିଳାମାନଙ୍କ ପ୍ରତି ଘୃଣା ଦଳୀୟ ସୀମା ବାହାରେ, କିନ୍ତୁ ଟିଏମସି ଏପରି ମନ୍ତବ୍ୟକୁ କଡ଼ା ନିନ୍ଦା କରେ, ଯେକୌଣସି ନେତା ଏହା କରନ୍ତୁ ନା କାହିଁକି? ତେବେ ଟିଏମସି କଲ୍ୟାଣ ବାନାର୍ଜୀ ଏବଂ ମହୁଆ ମୋଇତ୍ରାଙ୍କ ବିବାଦୀୟ ବୟାନରୁ ନିଜକୁ ଦୂରେଇ ରଖିଛି ​​ଏବଂ ଏପରି ମନ୍ତବ୍ୟକୁ ନିନ୍ଦନୀୟ ବୋଲି କହିଛି ।

ସେପଟେ ବିଜେପି ଟିଏମସି ଉପରେ ଏକ କଠୋର ଆକ୍ରମଣ କରିଛି। ବରିଷ୍ଠ ବିଜେପି ନେତା ଅମିତ ମାଲବ୍ୟ କହିଛନ୍ତି ଯେ ଟିଏମସି ବଳାତ୍କାରୀଙ୍କୁ ସମର୍ଥନ କରୁଥିବା ଦଳ ପାଲଟିଛି। ଏହା ମମତା ବାନାର୍ଜୀଙ୍କ ନେତୃତ୍ୱରେ ବଳାତ୍କାର-ସମର୍ଥକଙ୍କ ସରକାର। ବିଜେପି ଏହି ଘଟଣାକୁ ନିର୍ବାଚନୀ ପ୍ରସଙ୍ଗ କରିବା ଦିଗରେ ପଦକ୍ଷେପ ନେଇଛି। ଦଳ ନିର୍ବାଚନ ମଞ୍ଚରେ ମହିଳାଙ୍କ ସୁରକ୍ଷା, ପ୍ରଶାସନିକ ଅବହେଳା ଏବଂ ନୈତିକ ଦେବାଳିଆତାକୁ ଉଠାଉଛି।

ତେବେ କହିରଖୁଚୁ, ଘଟଣାଟି କଲୋକାତା ଆଇନ କଲେଜର ଛାତ୍ର ୟୁନିଅନ ରୁମରେ ଘଟିଥିଲା। ଏଥିରେ ମନୋଜିତ ମିଶ୍ର (୩୧) ନାମକ ଜଣେ ଯୁବକ ସାମିଲ ଅଛନ୍ତି, ଯିଏ କଲେଜର ପୂର୍ବତନ ଛାତ୍ର ଏବଂ ତୃଣମୂଳ ଯୁବ ଶାଖା ସହିତ ଜଡିତ। କଲେଜର ବର୍ତ୍ତମାନର ଛାତ୍ର ପ୍ରମିତ ମୁଖାର୍ଜୀ ଏବଂ ଜାଇଦ ଅହମ୍ମଦ ଏବଂ କଲେଜ ଗାର୍ଡ ମଧ୍ୟ ମୁଖ୍ୟ ଅଭିଯୁକ୍ତଙ୍କ ମଧ୍ୟରେ ଅଛନ୍ତି। ଗାର୍ଡ ପୀଡିତାଙ୍କୁ ୟୁନିଅନ ରୁମକୁ ନେଇଯିବାର ଅଭିଯୋଗ ହୋଇଛି । ମନୋଜିତ ଛାତ୍ରୀଙ୍କୁ ବଳାତ୍କାର କରିଥିବା ଅଭିଯୋଗ ହୋଇଛି ଏବଂ ଅନ୍ୟ ଦୁଇଜଣ ଘଟଣାର ଭିଡିଓ ତିଆରି କରି ତାଙ୍କୁ ବ୍ଲାକମେଲ୍ କରିବାକୁ ଚେଷ୍ଟା କରିଥିଲେ । ସମସ୍ତ ୪ ଜରଙ୍କୁ ଗିରଫ କରିଛି ପୋଲିସ୍ ।