ମୁମ୍ବାଇ: କଙ୍ଗନା ରାନାୱତ ତାଙ୍କ ଫିଲ୍ମ କ୍ୟାରିୟରରେ ୪ର୍ଥ ଥର ପାଇଁ ସର୍ବଶ୍ରେଷ୍ଠ ଅଭିନେତ୍ରୀ ଭାବେ ଜାତୀୟ ପୁରସ୍କାର ହାତେଇଛନ୍ତି । ମଣିକର୍ଣ୍ଣିକା ଓ ପଙ୍ଗା ପାଇଁ ସେ ଚଳିତ ବର୍ଷ ଏହି ପୁରସ୍କାର ପାଇଛନ୍ତି । ଏଥିସହ କଙ୍ଗନା ଅଭିନେତ୍ରୀ ଭାବେ ସର୍ବାଧିକ ଥର ଜାତୀୟ ପୁରସ୍କାର ହାସଲ କରିଥିବା ଶାବନା ଆଜମୀଙ୍କ ନିକଟତର ହୋଇଛନ୍ତି । ଶାବନା ୫ଥର ଏହି ସମ୍ମାନଜନକ ପୁରସ୍କାର ପାଇଛନ୍ତି ।
କୁଇନ କଙ୍ଗନା ୨୦୦୮ରେ ଫ୍ୟାଶନ ପାଇଁ ଶ୍ରେଷ୍ଠ ସହ ଅଭିନେତ୍ରୀ, ୨୦୧୫ରେ ତନୁ ୱେଡ୍ସ ମନୁ ରିଟର୍ଣ୍ଣସ ଏବଂ ୨୦୧୫ରେ କୁଇନ ପାଇଁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିଲେ । ଅନ୍ୟ ପକ୍ଷରେ ଶାବନା ଅଙ୍କୁର, ଅର୍ଥ, କଂଧାର, ପାର ଓ ଗଡମଦର ପାଇଁ ରାଷ୍ଟ୍ରୀୟ ପୁରସ୍କାର ପାଇ ସାରିଛନ୍ତି । ସୂଚନାଯୋଗ୍ୟ, ନର୍ଗିସ ଦତଙ୍କୁ ରାତ ଔର ଦିନ ପାଇଁ ପ୍ରଥମ ଅଭିନେତ୍ରୀ ଭାବେ ଏହି ପୁରସ୍କାର ମିଳିଥିଲା । ଅନ୍ୟମାନଙ୍କ ମଧ୍ୟରେ ତବୁ ଓ ସ୍ମିତା ପାଟିଲ ୨ ଥର ଲେଖାଁଏ ଏହି ପୁରସ୍କାର ପାଇଛନ୍ତି ।
Comments are closed.