କୃଷକ ଆନ୍ଦୋଳନକୁ ଅନ୍ତର୍ଜାତୀୟ ସ୍ତରରେ ସମର୍ଥନକୁ ନେଇ ଏଭଳି ବିଭ୍ରାନ୍ତିକର ମନ୍ତବ୍ୟ ଦେଇଛନ୍ତି କଙ୍ଗନା

ନୂଆଦିଲ୍ଲୀ: ବଲିଉଡ ଅଭିନେତ୍ରୀ କଙ୍ଗନା ରାଣାୱତ କୃଷକଙ୍କ ଆନ୍ଦୋଳନକୁ ଆନ୍ତର୍ଜାତୀୟ ସ୍ତରରେ ସମର୍ଥନକୁ ନେଇ ଭିନ୍ନ ଭିନ୍ନ ପ୍ରତିକିୟା ଦେଇଆସୁଛନ୍ତି। ନିକଟରେ ଆମେରିକାର ପପ୍ ଗାୟକ ରିହାନା କୃଷକମାନଙ୍କୁ ସମର୍ଥନ କରିଥିଲେ। ଏହା ପରେ କଙ୍ଗନା ରାଣାୱତ ସୋସିଆଲ ମିଡିଆରେ ତାଙ୍କୁ କ୍ରମାଗତ ସମାଲୋଚନା କରିଆସୁଛନ୍ତି। ରିହାନା ବ୍ୟତୀତ ଅନେକ ଆନ୍ତର୍ଜାତୀୟ ସେଲିବ୍ରିଟି ଚାଷୀଙ୍କୁ ସମର୍ଥନ କରିଥିବା ଦେଖିବାକୁ ମିଳିଛି।

ଏଥି ସହିତ, କଙ୍ଗନା ବର୍ତ୍ତମାନ କିମ କରଦାସିୟାନଙ୍କ ସହ ଆନ୍ଦୋଳନକାରୀ ଚାଷୀଙ୍କୁ ତୁଳନା କରିଛନ୍ତି। ନିକଟରେ କଙ୍ଗନା ଏଖ ସାକ୍ଷାତକାରରେ ଏ ବିଷୟରେ କହିଛନ୍ତି। କଙ୍ଗନା ଅନ୍ତର୍ଜାତୀୟ ସେଲିବ୍ରିଟିମାନଙ୍କୁ ଟାର୍ଗେଟ କରିଛନ୍ତି। କୃଷକ ଆନ୍ଦୋଳନକୁ ମଧ୍ୟ ତୀବ୍ର ସମାଲୋଚନା କରିଛନ୍ତି।

କଙ୍ଗନା କହିଛନ୍ତି, ‘ରିହାନା ଜଣେ ପର୍ଣ୍ଣ ଗାୟକ। ତାଙ୍କର କୌଣସି ଶାସ୍ତ୍ରୀୟ ଜ୍ଞାନ ନାହିଁ। ତାଙ୍କର ଏକ ବିଶେଷ ସ୍ୱର ମଧ୍ୟ ନାହିଁ। ସେ ଆହୁରି ମଧ୍ୟ କହିଛନ୍ତି ଯେ କିମ୍ କରଦାସିୟାନ୍ ପରି ଅଜ୍ଞାତ ବୃତ୍ତି ଥିବା ବ୍ୟକ୍ତିମାନେ ହିଁ ସେମାନଙ୍କର ଆଦର୍ଶ। ସେମାନେ କ’ଣ କରନ୍ତି ତାହା କେହି ଜାଣନ୍ତି ନାହିଁ। ରିହାନା ପ୍ରକୃତ କଳାକାର ନୁହଁନ୍ତି, ସେ ଜଣେ ପର୍ଣ୍ଣ ଗାୟକ। ଯେତେବେଳେ ତୁମର ନିକଟରେ ପ୍ରତିଭା ଥାଏ, ତୁମେ ଆଉ କିଛି କରିବା ଆବଶ୍ୟକ ନାହିଁ।

ଏହା ବ୍ୟତୀତ କଙ୍ଗନା କହିଛନ୍ତି ଯେ ଏହିପରି ଆନ୍ତର୍ଜାତୀୟ ସେଲିବ୍ରିଟିମାନେ ଭାରତ ବିଚ୍ଛିନ୍ନ କରିବାକୁ ଚେଷ୍ଟା କରୁଛନ୍ତି। ଏଥିସହ ସେ କହିଛନ୍ତି ଯେ ସମସ୍ତ ବ୍ରାଣ୍ଡ୍‌ ତାଙ୍କ ସହ ହୋଇଥିବା ଚୁକ୍ତିନାମାକୁ ବାତିଲ କରିଛନ୍ତି।