ଚେନ୍ନାଇ: ଭାରତ ବିପକ୍ଷ ଚେନ୍ନାଇ ଟେଷ୍ଟରେ ଇଂଲଣ୍ଡର ବିଶାଳ ସ୍କୋର । ପ୍ରଥମ ଇନିଂସରେ ଭ୍ରମଣକାରୀ ଟିମ୍ ୫୭୮ ରନରେ ଅଲ୍ ଆଉଟ୍ ହୋଇଛି । ଗତକାଲିର ଅସମାପ୍ତ ୮ ଓ୍ୱିକେଟରେ ୫୫୫ରନରୁ ତୃତୀୟ ଦିନ ଖେଳ ଆରମ୍ଭ କରିଥିଲା ଇଂଲିଶ ବାହିନୀ । ଜୋନ୍ ବେସଙ୍କୁ ଏଲବିଡବ୍ଲ୍ୟୁ କରି ନବମ ଓ୍ୱିକେଟ ଖସାଇଥିଲେ ବୁମରାହ ।
ତୃତୀୟ ଦିନ ଖେଳର ଦଶମ ଓଭରରେ ଆଣ୍ଡରସନଙ୍କ ଓ୍ୱିକେଟ ନେଇ ଇଂଲଣ୍ଡର ପ୍ରଥମ ଇନିଂସର ପରିସମାପ୍ତି କରିଥିଲେ ଅଶ୍ୱିନ । ଭାରତ ପକ୍ଷରୁ ଅଶ୍ୱିନ ଓ ବୁମରାହ ୩ଟି ଲେଖାଏଁ ଓ୍ୱିକେଟ ନେଇଛନ୍ତି । ସେହିପରି ଇଶାନ୍ତ ଶର୍ମା ଓ ଶାହବାଜ ନଦୀମ ୨ଟି ଲେଖାଏ ଓ୍ୱିକେଟ ପାଇଛନ୍ତି ।
ଇଂଲଣ୍ଡ ପକ୍ଷରୁ ଅଧିନାୟକ ଜୋ ରୁଟ୍ ୧୦୦ତମ ଟେଷ୍ଟ ଖେଳି ଦ୍ୱିଶତକ(୨୧୮ରନ୍) ହାସଲ କରିଛନ୍ତି । ବେନ୍ ଷ୍ଟୋକସ କରିଛନ୍ତି ୮୨ ରନ୍ । ଏବେ ଚର୍ଚ୍ଚା ହେଉଛି ଇଂଲଣ୍ଡର ରନ୍ ପାହାଡ଼କୁ କାଟି ଭାରତ ପ୍ରଥମ ଟେଷ୍ଟ କଣ ଜିତି ପାରିବ ।
Comments are closed.