ମୁମ୍ବାଇ: ରୁହୁ ବାବା ଅବତାରରେ ପୁଣି ଥରେ ବଲିଉଡରେ ଧମାଲ କରିବେ ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ । ନଭେମ୍ବର ୧ ଅର୍ଥାତ୍ ଆସନ୍ତା କାଲି ରିଲିଜ ହେବାକୁ ଯାଉଛି ଭୁଲ ଭୁଲେୟା ୩ । ହରର୍ ଏବଂ କମେଡିରେ ଭରପୁର ଏହି ଚଳଚ୍ଚିତ୍ରରେ ମୁଖ୍ୟ ଭୁମିକାରେ ନଜର ଆସିବେ କାର୍ତ୍ତିକ ଆର୍ଯ୍ୟନ, ମାଧୁରୀ ଦୀକ୍ଷିତ ଏବଂ ବିଦ୍ୟା ବାଲାନ । ଗତ କିଛି ଦିନରୁ ଫିଲ୍ମର ଆଡଭାନ୍ସ ବୁକିଂ ମଧ୍ୟ ଆରମ୍ଭ ହୋଇଥିଲା । ବର୍ତ୍ତମାନର ଖବର ଅନୁସାରେ ଭୁଲ ଭୁଲେୟା ୩ ଆଡଭାନ୍ସ ବୁକିଂରେ ରେକର୍ଡ ସୃଷ୍ଟି କରିଛି ।
ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଭୁଲ୍ ଭୁଲେୟା ୩ ହେଉଛି ଏକ । ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହେବା ଦିନ ଠାରୁ ଦିନକୁ ଲକ୍ଷ ଲକ୍ଷ ଟିକେଟ ବିକ୍ରି ହେଉଥିବା ନେଇ ସୂଚନା ମିଳିଛି । ତେବେ ଫିଲ୍ମ ରିଲିଜ୍ ହେବାକୁ ଆଉ ମାତ୍ର ଗୋଟିଏ ଦିନ ବାକି ରହିଥିବା ବେଳେ ଏପର୍ଯ୍ୟନ୍ତ ୨୮ ଲକ୍ଷରୁ ଅଧିକ ଟିକେଟ୍ ବିକ୍ରି ହୋଇସାରିଛି । ଦମଦାର ଟିକେଟ୍ ବିକ୍ରି ସହିତ ବର୍ତ୍ତମାନ ସୁଦ୍ଧା ଏହି ଫିଲ୍ମ ୮.୮୯ କୋଟି ଟଙ୍କା ସଂଗ୍ରହ କରି ସାରିଲାଣି । ବ୍ଲକ୍ ସିଟ୍କୁ ମିଶାଇ ବର୍ତ୍ତମାନ ସୁଦ୍ଧା ୧୦.୯୯ କୋଟିରେ କଲେକ୍ସନ ପହଞ୍ଚିଲାଣି ।
ସେପଟେ କାର୍ତ୍ତିକଙ୍କ ‘ଭୁଲ ଭୁଲେୟା ୩’କୁ ଟକ୍କର ଦେବାକୁ ମଇଦାନକୁ ଓହ୍ଲାଇବ ଅଜୟ ଦେବଗନଙ୍କ ‘ସିଙ୍ଘମ ଏଗେନ’ । ମିଳିଥିବା ସୂଚନା ଅନୁସାରେ ବର୍ତ୍ତମାନ ସୁଦ୍ଧା ୬.୫୧ କୋଟି ଟଙ୍କା ଆୟ କରିସାରିଲାଣି । ସେହିପରି ବ୍ଲକ ସିଟ୍କୁ ମିଶାଇ ମୋଟ ୯.୦୯ କୋଟି କଲେକ୍ସନ କରିଛି ଅଜୟଙ୍କ ‘ସିଙ୍ଘମ ଏଗେନ’ ।
Comments are closed.